თაღლითი საუდის არაბეთის პრინცესა სასტუმროდან რამდენიმე მილიონი დოლარის შენაძენით გაიქცა

0
185

ყოველდღიურად ტანსაცმლის მაღაზიები და სუპერმარკეტები დიდ ზარალს იღებენ ეშმაკი ქურდების გამო, რომლებიც დეტექტორების და მცველების მოტყუებას და საქონლის გატანას ახერხებენ. ქურდობა ახალ დონეზე ავიდა, როცა პროფესია შოპლიფტერი გამოჩნდა – ადამიანი, რომელიც შეკვეთით მაღაზიაში წარმოდგენილ საქონელს იპარავს, შემდეგ კი რეალურზე ნაკლებ ფასად ყიდის.

ასეთი თაღლიღების ხრიკები უბრალოდ გაოცებას იწვევს, თუმცა ეს ყველაფერი საუდის არაბეთის პრინცესას თაღლითობის ფონზე ქრება. ის იმდენად მდიდარია, რომ არაფრის მოპარვა სჭირდება.

ქალმა სასტუმროდან გაქცევა შუა ღამით მოახერხა, თან 60 მსახური, ლიმუზინების კორტეჟი და რამდენიმე ტონა ბარგი წაიღო.

მაჰა პარიზის ძვირადღირებულ სასტუმროში 5 თვეზე მეტი ხნის განმავლობაში ცხოვრობდა და მოახლეებთან ერთად 40 ნომერს იკავებდა. როცა ცხოვრების ქირის ანგარიში 7 მლნ ევროს ანგარიში აჩვენეს, მას თვალიც არ დაუხამხამებია. უახლოეს დროში გადახდის პირობა მისცა და ღამით აორთქლდა.

პრინცესა გაიქცა, რადგან ჯიბეში ერთი ცენტიც აღარ ჰქონდა, მაგრამ სახლში დაბრუნებას არავითარ შემთხვევაში არ აპირებდა. სასტუმროს Shangri-La დატოვების შემდეგ მაჰა Royal Monceau-ში გადავიდა, რომელსაც მისი ნაცნობი კატარის პრინცი ფლობდა.

რატომ არ ართმევდნენ ფულს პრინცესას 5 თვის განმავლობაში სასტუმროში ცხოვრებისთვის? პარიზში მაჰა ალ-სუდაირს უკვე დიდი ხანია იცნობდნენ, როგორც გადახდისუნარიან კლიენტს. 2008 წელს პრინცესას შანზ-ელიზე ყველა ბუტიკი იცნობდა. ის Gucci-ს ან Dolce & Gabbana-ს მაღაზიებში რამდენიმე ასეული ათასი ევროს ნივთების შეძენაზე თვალსაც კი არ ახამხამებდა.

აღმოსავლეთის პრინცესა არა ნაღდი ფულით, არამედ პირადად ხელმოწერილი ჩეკებით იხდიდა, სადაც წერდა „აუცილებლად გადავიხდი“. რამდენიმე დღეში კომპანიების ანგარიშებზე მაჰას ქმარი ფულს რიცხავდა. სწორედ ამიტომ ვერავინ იფიქრებდა, რომ ერთ დღეს მის გამო გადახდას შეწყვეტდნენ.

2008 წელს პრინცესა იმდენად გაიწელა, რომ 20 მლნ ევროს ტანსაცმელი იყიდა. მისი ქმარი ნაიფ იბნ აბდულ-აზიზ ალ საუდა, არაბული სახელმწიფოს აბდულ-აზიზის დამფუძნებლის შვილი ძალიან იმედგაცრუებული იყო, მაგრამ ცოლის გამო კვლავ გადაიხადა. გაბრაზებულმა ცოლს სამშობლოში, საკუთარ სასახლეში შინა პატიმრობაში ყოფნა აიძულა.

მაჰა ალ-სუდაირი დიდ სასახლეში, რომელიც მისთვის ციხედ იქცა, მოწყენილი იყო. სწორედ ამიტომ, 2011 წლის დეკემბერში ქმრის ნება დაარღვია და პარიზში გაიქცა. აქ, პრინცესამ კვლავ ფულის გაფლანგვა და მოდურ ბუტიკებში ყველაზე ძვირადღირებული ნივთების შეძენა დაიწყო.

მისდა საუბედუროდ, 2012 წელს მისი მეუღლე გარდაიცვალა და მისი მრავალ მილიონი ვალის გადამხდელი არავინ დარჩა. მაშინ პარიზული ბუტიკის ხელმძღვანელები გაოგნდნენ და პრინცესასგან ფულის დაუყონებლივ დაბრუნებას ითხოვდნენ. ყველაზე მეტად ელიტური ლიმუზინების მეპატრონე იყო განრისხებული, რომელმაც პრინცესას მანქანები მიაქირავა, მაგრამ ამისთვის თანხა ჯერ კიდევ ვერ მიიღო.

საფრანგეთის სასამართლომ მაჰი ალ-სუდაირს ქონება ჩამოართვა. ბრენდული ტანსაცმლის, ფეხსაცმლის, ჩანთის და ქუდის რამდენიმე კონტეინერი აუქციონზე გაიყიდა. ამ დროს პრინცესა მეგობრის სასტუმროში იმალებოდა და არ იცოდა, თუ რა გაეკეთებინა.

როგორც არ უნდა იყოს, სამეფო ოჯახი თავისიანებს არ ტოვებს. მეფე აბდულ ალ საუდმა დაუდევარი ნათესავის ვალი გადაიხადა და კვლავ შინაპატიმრობაში დააბრუნა, რომელიც წინაზე უფრო მკაცრი აღმოჩნდა.

ერთი ფრანგი ქალი, რომელიც საუდის არაბეთის პრინცესასთან ახლოს იყო, ამბობს: „მას ყოველთვის Louis Vuitton და Chanel იზიდავდა, მაგრამ იქ მხოლოდ ყველაზე კაშკაშა ნივთებს ყიდულობდა. რამდენ ფეხსაცმელს ატარებს წარმოდგენაც კი არ გაქვთ. თუ ფეხსაცმლის ძირს შეხედავთ, როცა ის ფეხს ფეხზე იდებს, დაინახავთ, რომ ფეხსაცმელი ახალივითაა. მას ხომ ცხოვრებაში ფეხი ასფალტზე არ დაუდგამს.“

როცა პრინცესა ჟენევაში მოხვდა, აქაც ამა თუ იმ ადგილას შოპინგში ფულის ფლანგვა დაიწყო. მის მიერ მოწონებული ნივთების წასაღებად 4 სატვირთო მანქანა გახდა საჭირო, ამასთან მან Lamborghini და Ferrari შეიძინა. მანქანას არ ატარებს – 2018 წლის 24 ივნისამდე საუდის არაბეთში ქალებს მანქანის მართვა ეკრძალებოდათ.

ერთხელ მაჰისთვის Gucci-ს მაღაზია ღამის 2 საათზე გააღეს. გამყიდველები საწოლებიდან ააგდეს და პრინცესას მომსახურება აიძულეს, რადგან ის ბუტიკის დირექტორისთვის ყველაზე მნიშვნელოვანი მომხმარებელი იყო. ახალი კაბების შერჩევისას ქალს მოშივდა და ნახევარი საათის შემდეგ უახლოესი ღამის კაფის მთელი მენიუ მოუტანეს. მაჰამ ბურგერების ჭამა გადაწყვიტა.

აღმოსავლეთის პრინცესას ასეთი საქციელი ევროპელებისთვის შეიძლება უცხო იყოს. არ დაგავიწყდეთ, რომ სამშობლოში ქმრის ნებართვის გარეშე ქალებს ნაბიჯის გადადგმაც კი არ შეუძლიათ.

ყველა შესაძლო აკრძალვებით იმდენად შეზღუდულნი არიან, რომ საზღვარგარეთ თავისუფლების მოპოვებისას ყველაფერს ფლანგავენ. მაშინ იწყება უსასრულო სიარული მაღაზიებში, ღამის ცხოვრება კლუბებში და ალკოჰოლის დიდი რაოდენობით დეგუსტაცია და არა მხოლოდ.

პასუხი

დაწერეთ კომენტარი
ჩაწერეთ თქვენი სახელი