ჭორები ამბობენ, რომ ჩვეულებრივ ურთიერთობაში მემარიონეტეს როლს ქალი ასრულებს. სამწუხაროდ, ხშირად მანიპულატორის როლში მამაკაცია. გამოცდილმა გულთამპყრობელმა კარგად იცის, როგორ მოხიბლოს მშვენიერი მსხვერპლი ერთი შეხედვით აბსოლუტურად უდანაშაულო ქმედებებით. ოღონდ მანიპულატორის ნიშნები არ იმალება. ყოველთვის შესამჩნევია, თუ იცით, რას დააკვირდეთ. პენსიაზე გასული დონჟუანები გვიმხელენ, როგორ გამოვააშკარაოთ მზაკვარი ჯენტლმენი სწრაფად!
მანიპულატორის ნიშნები: ფრთხილად იყავით!
ერთი უკიდურესობიდან მეორეში ვარდება
ჯერ კიდევ გუშინ ვარდების თაიგულით გავსებდა და მარადიულ სიყვარულს გეფიცებოდა. დღეს კი ბრაზობს, კარს დემონსტრაციულად აჯახუნებს. მანიპულატორის ნიშნები მრავალია, მაგრამ პირველი და ყველაზე აშკარა ნიშანია მუდმივი ემოციური რყევები. ასე განზრახ ანგრევს თქვენს ფსიქიკურ მდგომარეობას, თავდაჯერებულობას და ჩრდილავს თქვენს ცხოვრებას.
„საქმე შენში არაა, საქმე ჩემშია“
მანიპულატორი პარტნიორს პირდაპირ იშვიათად ადანაშაულებს. ჩვეულებრივ, ჯერ თავს მსხვერპლად წარმოაჩენს, შემდეგ ამას თავის მოთხოვნებს ანიჭებს. მაგალითად, ცდილობს თქვენი ყოველი ნაბიჯის გაკონტროლებას და თავს იმართლებს ყოფილ შეყვარებულთან დაკავშირებული ტრავმით, რომელმაც თითქოს უღალატა.
თქვენს ღირსებას ნულამდე ამცირებს
ემოციური რყევების, უთქმელობის და ტყუილის წყალობით მანიპულატორი ბედნიერების თქვენს შეგრძნებებს საკუთარ ბედნიერებასთან „აკავშირებს“. თუ კარგად არის, თქვენც კმაყოფილი ხართ. თუ ბრაზობს და ნერვიულობს, უბედური ხართ. დროთა განმავლობაში ქალს საკუთარი თავი ძულდება, რადგან ფიქრობს, რომ თავად ანერვიულებს შეყვარებულს, ასე ტანჯულს და დაუცველს.
თავად მანიპულატორი ასეთ სიტუაციაში ყოველთვის სიამოვნებით ცვლის რისხვას წყალობით და ეხმარება „შეყვარებულს“. ამავდროულად, აუცილებლად ანიშნებს, რომ სამსახური გაუწია, აჩვენებს, რომ „დაიხარჯა“. ასე ავისმზრახველი ქალს დანაშაულის უწყვეტ წრეში აქცევს. მოდი და აქ რაიმე ღირსება შეინარჩუნე!
მუდმივი უარყოფა
შეთანხმდით თეატრში წასვლაზე და არ მოვიდა? დაავიწყდა დანიშნული პაემანი? ბოლო წუთს მეგობრებთან წასვლა არჩია რომანტიკულ საღამოს? ასეთ სიტუაციებზე მანიპულატორის რეაქცია ერთი და იგივე იქნება. „არა, არ ყოფილა ასეთი რამ, არაფერზე შევთანხმებულვართ, იმ საღამოს ძალიან დავიღალე და ვერ მოვახერხე მოსვლა. საერთოდ, არ გამაფრთხილე“.
მანიპულატორი თავისი სიტყვის პატრონია, თავად გასცა, თავად წაართვა. პირობას ასრულებს მხოლოდ მაშინ, როცა მისთვის სასარგებლოა. ქალის გრძნობები და აზრი არ აღელვებს. მით უფრო, რომ ემოციური მიჯაჭვულობის გამო ქალს თავად შეეშინდება არას თქმა.
თქვენს გრძნობებს არ აფასებს
გულითადი საუბრის ნებისმიერი მცდელობა ერთნაირად მთავრდება. ან მიდის, ან თემას ცვლის ან ღიზიანდება. ეს სიგნალიც არაა, არამედ განგაშის ზარი! როცა შენს აზრს არ აფასებენ, ამაზე უფრო მკაფიო სიგნალის წარმოდგენა შეუძლებელია. თუ დამატებით „განწყობის გაფუჭებაში“ გადანაშაულებს, იცოდეთ, თქვენ წინაშე მანიპულატორია.
