მაღაზიაში პურს აღარ ვყიდულობ. საცხობი პარკით ეს პროცესი გამარტივდა

1444

რამდენჯერაც არ უნდა მეცადა პურის გამოცხობა სახლში, არასდროს გამომდიოდა. ხან შუაგული არ გამოცხვა, ხან ზემოდან დაიწვა. ოქროს შუალედს ვერ ვპოულობდი და ყველაფერს ღუმელს ვაბრალებდი. შემდეგ ვიპოვე ეს შესანიშნავი რეცეპტი. იცოდით, რომ შეიძლება პურის გამოცხობა საცხობ პარკში? დიახ, საცხობ პარკში, რომელსაც ბოსტნეულის, ხორცის, კარტოფილის საცხობად ვიყენებთ. ახლა ამ სიას პურიც შეემატა.

არომატული, ოქროსფერი, ხრაშუნა ქერქით და ტექსტურით, როგორც საუკეთესო საცხობში. არ მეგონა, რომ ნაყიდი საფუარით ასეთი შედეგის მიღწევა შეიძლებოდა. არანაირი გამაფხვიერებელი და სხვა დანამატი. მხოლოდ ფქვილი, საფუარი, მარილი, შაქარი, წყალი და ცოტა მზესუმზირის ზეთი. ჩაიწერეთ რეცეპტი!

პური საცხობ პარკში, როგორც საუკეთესო საცხობში

იყიდება

ყველაზე მეტად მდიდრული ოქროსფერი ქერქი მაოცებს. როცა პირველად ვცადე, მეგონა, რომ პური პარკში ჩაიხარშებოდა, მაგრამ არა! კარგად ამოვიდა და შეწითლდა. მთავარია, მომზადების მომენტი არ გამოტოვოთ. ღუმელიდან გამოღებისთანავე პარკი უნდა გახსნათ, რომ პური ორთქლში არ ჩაიხარშოს.

ინგრედიენტები:

  • 700 გ თეთრი ხორბლის ფქვილი
  • 400 მლ წყალი
  • 15 გ დაპრესილი საფუარი
  • 3 ს/კ მზესუმზირის ან ზეითუნის ზეთი
  • 1,5 ჩ/კ მარილი
  • 1 ჩ/კ შაქარი

მომზადების წესი:

1. დაიწყეთ ცომის ხაშით. საფუარი შაქართან ერთად თბილ წყალში გახსენით. თუ დაპრესილი საფუარი არ გაქვთ, მშრალი გამოიყენეთ. ამ შემთხვევაში დაგჭირდებათ 6 გრამი და 5 წუთი მოცდა, რომ გააქტიურდეს.

2. ახლა ფქვილი და საფუვრიანი წყალი აურიეთ. უმჯობესია დიდი თასი გამოიყენოთ. მსუბუქად აურიეთ, სანამ შეიკვრება, შემდეგ ზეთი და მარილი დაუმატეთ. ახლა ცომი მოზილეთ.

3. სწორ ზედაპირზე 2 ს/კ ფქვილი დაყარეთ და ცომი მოზილეთ. ეს მნიშვნელოვანი პროცესია, რადგან უნდა გახდეს გლუვი და ელასტიური. ცომი 7–10 წუთის განმავლობაში კარგად უნდა მოზილოთ.

4. ახლა ცომს გადაუსვით კოვზი მზესუმზირის ზეთი, კიდევ ერთი კოვზი ზეთი ცომის თასს წაუსვით.

5. ცომი დააგუნდავეთ, თასში ჩადეთ, პარკი დააფარეთ. თბილ ადგილას 1 საათი გააჩერეთ.

6. როცა ცომი ამოვა (მოცულობაში საგრძნობლად გაიზრდება), ჩაზილეთ. სწორ ზედაპირზე რამდენიმე სანტიმეტრის სისქის მართკუთხედად ცოტა გაწელეთ. რულეტივით დაახვიეთ.

7. რულეტს ყველა მხრიდან ფქვილი მოაყარეთ და ზემოდან დასერეთ. შემდეგ რულეტი ფრთხილად ჩადეთ საცხობ პარკში და 180 გრადუსზე 1 საათი აცხვეთ. მზადაა! 15 წუთის შემდეგ, როცა პური ოდნავ გაცივდება, სუფრაზე შეგიძლიათ გაიტანოთ.

ძალიან მნიშვნელოვანია, გამოცხობის შემდეგ პარკი გახსნათ. დაჭრა არ იჩქაროთ! პური შიგნით ჯერ ისევ მზადდება. ზედმეტად სველი და წებოვანია, სანამ ცხელია, ამიტომ დაჭრა არ გამოვა. 15 წუთი ან უკეთესია 30 წუთი მოიცადოთ.

იდეალური ტექსტურა გამოვა, როგორიც საცხობში იყიდება. გემო და ხარისხი კი ბევრად უკეთესი იქნება. დარწმუნებული იყავით, რომ სუპერმარკეტში ასეთს ვერ იყიდით.

ზოგჯერ ბევრ პურს ვაცხობ, 3 პურს. ასე უფრო მოსახერხებელია, რადგან ცომის მომზადებაზე დროს ვზოგავ. ასე პური მთელი კვირა მყოფნის. ამ შემთხვევაში მხოლოდ პურის გამოცხობა საკმარისი არაა, უნდა იზრუნოთ, რომ არ დაძველდეს. ამაში საყინულე მეხმარება. ზუსტად ასე იქცევიან რესტორნებში: პური რესტორანში ყოველთვის ახალია არა იმიტომ, რომ მიმტანები წამდაუწუმ საცხობში გარბიან, და არა იმიტომ, რომ პურს 24 საათი აცხობენ. ნახევრად მზა პური მაცივარში ინახება და თავის დროს ელოდება.

ასე ვაკეთებ: 2–3 მთელ პურს საყინულეში ვინახავ. X დღეს, როცა პური მჭირდება, პურს ვიღებ და 150–160 გრადუსამდე გახურებულ ღუმელში 30 წუთი ვაცხობ. დრო უნდა აკონტროლო, თქვენს ღუმელზე დამოკიდებულია. ახალგამომცხვარი პურისგან ვერ გაარჩევთ. გაითვალისწინეთ, პურის შენახვა საყინულეში მხოლოდ 2 კვირით შეიძლება.

ამბობენ, რომ პური ყველაფრის თავიაო. ჩვენს ოჯახში ყოველთვის დევს სასადილო მაგიდაზეა. თითქმის ყველაფერს პურს ვაყოლებთ, ბრინჯსაც და კარტოფილსაც. ახალგამომცხვარი, ხრაშუნა პურის ჭამა სასიამოვნოა.