განქორწინების რა მიზეზებს თვლით დაუძლევლად? რომლის შემდეგ სასწრაფოდ უნდა ჩაალაგოთ ნივთები და გაექცეთ მეუღლეს? ერთ–ერთმა მკითხველმა გაგვიზიარა ამბავი, რომელიც ბევრ კითხვას ბადებს. მისმა გმირებმა ერთობლივი ძალებით ბედნიერი ქორწინება დაანგრიეს. სად დაუშვეს შეცდომა?
განქორწინების მიზეზები
მყავს კარგი თურქი ნაცნობი, სულეიმანი. რამდენიმე წელი ერთად ვმუშაობდით დიდი სატრანსპორტო კომპანიის ერთ–ერთ ფილიალში. შემდეგ ბედმა სხვადასხვა მხარეს გაგვფანტა.
სულეიმანი თურქეთში დაბრუნდა კონტრაქტის დასრულების შემდეგ. და არა მარტო, ცოლი ნატალიც წაიყვანა. ერთმანეთი დედაქალაქში მთავარ ოფისში გაიცნეს, სადაც ორივე ადვოკატად მუშაობდა. როცა სულეიმანი სხვა ქალაქში გადაიყვანეს, ნატალი უყოყმანოდ გაჰყვა. ყველაფერი მიატოვა: დედაქალაქის პერსპექტივები და კარიერა. მოგვიანებით, მეგობარმა აღიარა, რომ ამის შემდეგ ქალს სხვანაირად შეხედა. გადაწყვიტა, რომ ასეთი ერთგულებისთვის მასზე აუცილებლად უნდა დაქორწინდეს. ასეც მოხდა.
მათ თურქულ ქორწილში მგონი მთელი სტამბოლი ქეიფობდა. 3 დღით იქირავეს მთელი სასტუმრო სპა კომპლექსით და საცურაო აუზით, 500–ზე მეტი სტუმარი დაპატიჟეს. მათთვის უკრავდა პოპულარული ადგილობრივი ბენდი. პატარძალმა 5 საქორწინო კაბა გამოიცვალა, მისმა ბეჭედმა წარმოუდგენლად დიდი ბრილიანტით ინსტაგრამზე ათასობით მოწონება დაიმსახურა. ზეიმი პომპეზური ფეირვერკით დასრულდა. მოკლედ, დღესასწაულმა წარმატებით ჩაიარა.
შემდეგ ახალდაქორწინებულები რამდენიმე წლით ჩემი თვალთახედვის არედან გაქრნენ. ცოტა ხნის წინ სულეიმანთან მიმოწერა მქონდა. ჩვენი საერთო ნაცნობის ბედით დავინტერესდი. პირადზეც ვილაპარაკეთ. გაირკვა, რომ ცოლს დაშორდა. შოკში ვიყავი.
განქორწინება სულეიმანის ინიციატივით მოხდა. მოულოდნელია, არა? ამის შესახებ მითხრა, როცა სტამბოლში დასასვენებლად ჩავფრინდი. აღმოჩნდა, რომ დაშორების ბევრი მიზეზი დაგროვდა, მაგრამ სამი ყველაზე საგანგაშო იყო.
ძალიან ბევრი სიდედრი
დაოჯახებამდე ნატალის მშობლებთან კარგი ურთიერთობა არ ჰქონდა. ერთმანეთს იშვიათად ეხმიანებოდნენ და წელიწადში მხოლოდ ორჯერ ნახულობდნენ. მშობლები მის ქორწილს არ დაესწრნენ. მოიმიზიზეს, რომ ჯანმრთელობის გაუარესების გამო ვერ მივიდოდნენ.
თავად ნატალი მათ მშვიდ მტრობას ხსნიდა პრიორიტეტების დიდი სხვაობით. მთელი ცხოვრება ოცნებობდა სოფლიდან გადასვლაზე და რაღაცის მიღწევაზე. მშობლები კი მის ამბიციებს ახირებას უწოდებდნენ და ოცნებობდნენ, სწრაფად გათხოვილიყო, რომ შვილები და ოჯახი ჰყოლოდა.
თურქეთში გადახდილმა ქორწილმა კი ყველაფერი შეცვალა. სულეიმანს ძალიან სურდა მეუღლის მშობლებთან ურთიერთობის გაუმჯობესება. სიდედრის გულის მოლბობა შეძლო. თავად ჩავიდა ნატალის მშობლებთან და თურქეთში დაპატიჟა. სიმამრის სიმტკიცე ვერ გატეხა, მაგრამ საქმე დაძრული იყო.
ნელ–ნელა ნატალიმ დედასთან ურთიერთობა დაიწყო. უფრო სწორად, იმიტომ, რომ ემიგრაციაში წასვლის შემდეგ გოგონა იზოლაციაში აღმოჩნდა. სახლში იჯდა, სამსახურის და მეგობრების გარეშე. თურქ ნათესავებს ენობრივი ბარიერის გამო ვერ დაუახლოვდა. აი, დედას ყოველდღე ურეკავდა. თავიდან სულეიმანს ეს უხაროდა. რამდენჯერმე სიდედრი დაპატიჟა კიდეც, ყველა ხარჯი დაფარა.
ქალი მასპინძლობით აღფრთოვანებული იყო. ისე მოეწონა სტამბოლი, რომ ქალიშვილს შესაშური სიხშირით სტუმრობდა. ზოგჯერ, ნატალი სამშობლოში ბრუნდებოდა დედის სანახავად. მისი ქცევა თვალსა და ხელს შუა შეიცვალა. 30 წლის ქალიდან გადაიქცა გოგონად, რომელსაც დედის გარეშე ნაბიჯის გადადგმაც არ შეეძლო.
ძუნწ ქმართან ჩხუბი
ცოლის და სიდედრის დაკავშირებამ წყვილის პირად ცხოვრებაში უთანხმოება გამოიწვია და ბიუჯეტს საგრძნობლად დაარტყა. ნატალი არ მუშაობდა, მისი მშობლები პენსიაზე იყვნენ, ამიტომ სულეიმანი ყველა მხარის სურვილებს იხდიდა.
ერთხელ ცოლთან დალაპარაკება გადაწყვიტა, მაგრამ უშედეგოდ. ნატალიმ ძუნწი, უგულო დესპოტი უწოდა, რომელსაც მისი გამოკეტვა სურს. ის დაიბნა და ხმას აუწია. ცოლ–ქმარმა იჩხუბეს. პირველად დაიძინეს სხვადასხვა ოთახში.
დილით ნატალიმ ბოდიში მოიხადა, მაგრამ გულწრფელობის გარეშე. სულეიმანს ისეთი გრძნობა ჰქონდა, თითქოს სიდედრს ელაპარაკებოდა. როგორც ჩანს, გოგონამ მოასწრო დედასთან მომხდარის განხილვა. თუმცა კონფლიქტი მიჩქმალეს.
ამ მომენტიდან სიდედრთან შეხვედრები შეწყდა, მაგრამ ოჯახური ცხოვრება დაიწყო. ახლა ნებისმიერი წვრილმანი ჩხუბს იწვევდა. ნატალი წყობიდან გამოდიოდა, როცა სულეიმანი სამსახურიდან მოსვლას აგვიანებდა ან მის თვალწინ მეგობრებს თურქულად ელაპარაკებოდა და არა ინგლისურად. ისე, რომ გაეგო, რაზე ლაპარაკობდნენ.
სულეიმანი ბრაზობდა, რომ ნატალი მკვეთრ მაკიაჟს იკეთებდა და აშკარად გულღია ტანსაცმელს იცვამდა. თურქული ენის სწავლას არც ცდილობდა. მხოლოდ თავის ფავორიტ წვნიანს ამზადებდა. ხალხში, მეგობრების კომპანიაში თუ ქმრის ნათესავებთან ურთიერთობის გარკვევას არ ერიდებოდა. ეს მის ეგოს ლახავდა.
განქორწინების მიზეზები: ბლოგერი ცოლის გატაცებები
სულეიმანს ჭკუა ეყო, რომ თავისი ამბიციები მოეთოკა. ერთად მხოლოდ ერთი წელი იცხოვრეს. ეს საკმარისი არ იყო, ერთმანეთის „ახირებებთან“ შესაგუებლად. კარგად ახსოვდა, როგორ გაუჭირდა უცხო ქვეყანაში ადაპტაცია.
ამასობაში ცოლმა სამუშაოს ძებნა დაიწყო. ადვოკატის გზა აღარ ჰქონდა, ამიტომ SMM–ის დაუფლება დაიწყო, რომ ინსტაგრამზე თურქული საქონელი გაეყიდა. ეს იდეა მიაწოდეს ახალმა მეგობრებმა, რომლებიც ონლაინ მარკეტინგის კურსზე გაიცნო. ორივე უცხოელია, ასევე თურქებზე დაქორწინებულები.
სულეიმანს ცოლის ჰობის მიმართ დიდი ენთუზიაზმი არ გამოუჩენია, მაგრამ არც ხელს უშლიდა. დაეხმარა კიდეც, უყიდა ახალი ტელეფონი და კამერა. გოგონა იმდენად გაიტაცა იდეამ, რომ მასში გაცოცხლდა ძველი ნატალი, რომელიც შეუყვარდა.
ამ დროში ცოლმა დაქალებთან შეხვედრებს მოუხშირა. რამდენჯერმე ქმრებთან ერთად შეიკრიბნენ, მაგრამ ოჯახებით დამეგობრება არ გამოვიდა. კაცები სხვადასხვა სფეროში მუშაობდნენ და სალაპარაკო არაფერი ჰქონდათ. სწორედ ამიტომ, სულეიმანმა საერთო შეკრებებზე უარი თქვა, რითაც ნატალის უკმაყოფილება გამოიწვია.
გაყინული კონფლიქტი
ცოლის საქმე წინ წავიდა, გამოჩნდა პირველი ფული. მათი ურთიერთობა კი არ დათბა. თითქოს ჩხუბში პაუზა აიღეს. სხვებთან აღარ დადიოდნენ, ხშირად ჩხუბობდნენ. ახლა ნატალი ჩხუბის შემდეგ სტუმრების ოთახში არ მიდიოდა, არამედ დაქალებთან გარბოდა. შემდეგ მთვრალი ბრუნდებოდა და ახალი ძალით სკანდალს აწყობდა.
ერთხელ მორიგი კამათის შემდეგ ნატალი სახლში აღარ დაბრუნდა. სულეიმანი გვიან ღამემდე ელოდა, შემდეგ მის დაქალებს დაურეკა, ძველ ნაცნობს, პოლიციელსაც დაურეკა. გაირკვა, რომ ნატალი კარგადაა. უბრალოდ სამშობლოში გაფრინდა ისე, რომ ქმრისთვის არაფერი უთქვამს.
მართალია, ერთ თვეში სტამბოლში დაბრუნდა, მაგრამ ქმარი იქ აღარ დახვდა. სულეიმანი მშობლებთან გადავიდა, რომ ერთმანეთს არ შეხვედროდნენ. განქორწინება ოჯახის ადვოკატმა გააფორმა. ნატალი ჯეროვნად შეფასებას იმსახურებს – უბრალოდ განქორწინების საბუთები, თავისი ნივთები ჩაალაგა და წამოვიდა, ქონების გაყოფა არ მოუთხოვია.
სიტყვაზე, ახლა სულეიმანი კარგადაა. დაქორწინდა თურქზე, მისი მშობლების მეგობრების ქალიშვილზე. ქალიშვილს ერთად ზრდიან. მამაკაცი ცოლზე გიჟდება. უხარია, რომ მისი ცოლი სოციალურ ქსელებს არ მართავს, ხოლო დედამისი მეზობელ სახლში ცხოვრობს.
