ზოგიერთი ქალი სინანულით აღნიშნავს: რომანტიკა დიდი ხანია გაქრა, კაცები საჩუქრებს უმიზეზოდ აღარ გასცემენ. სხვა ქალები გაოცებით წარბებს წევენ: რა სისულელეა? რაინდები ჩვენს შორის არიან და შეუძლიათ უანგარო კეთილშობილური საქმეების კეთება. ზოგჯერ ქალებს შორის ეს ემოციური კამათი ზედმეტად მწვავდება.
კაცები საჩუქრებს არ გასცემენ
მყავს ახლო მეგობარი, ვანო. დიახ, ასეც ხდება. მისი წყალობით ქალსა და კაცს შორის მეგობრობის მჯერა. ნახევარი ცხოვრებაა ერთმანეთს ვიცნობთ, ერთად ვსწავლობდით უნივერსიტეტში და არა ერთი სირთულე გამოვცადეთ. იქნებ, ჩვენს შორის რაღაც რომანტიული მომხდარიყო, მაგრამ ვარსკვლავებმა არ ინებეს. ხან მე მყავდა სხვა, ხან მას.
დღეს ამაზე არ გვინდა. ვანო კარგად აღზრდილი მამაკაცია. ჩემთვის მთავარი მაჩვენებელი, რომ კაცი საკუთარ თავთან ჰარმონიაშია, არის მისი გულწრფელი სურვილი, ნებისმიერ შემთხვევაში ასიამოვნოს ქალს, თუნდაც მისი ქალი არ იყოს.
რამდენიმე დღის წინ ვანომ ჩექმა მიყიდა. აი, ასე უბრალოდ: გამოსაცვლელი ოთახიდან ფოტო გავუგზავნე, 10 წუთის შემდეგ ბარათზე თანხა ჩამირიცხა.
სწორად გამიგეთ: სამადლოდ სარჩენი არ ვარ. თავად შემიძლია ტანსაცმლის და ფეხსაცმლის ყიდვა. რესტორანშიც შემიძლია წავიდე და შპალერიც გავაკრა. ადვილია, როცა ფული გაქვს. მამაკაცი–პრობლემების მომგვარებელი არ მჭირდება. ჩემს პრობლემებს სხვების დაუხმარებლად ვაგვარებ. არა მხოლოდ ჩემს პრობლემებს. ახლობლებსაც ჩემი მხარდაჭერის იმედი აქვთ.
ამავდროულად, ვერ ვიტან ბიჭებს, რომლებიც მზად არ არიან, ქალი წვრილმანებით გაახარონ. ესენი არიან ჯენტლმენების ტიპები, რომლებიც წინააღმდეგი არ არიან, რომ რესტორანში ჩემი წილი გადავიხადო ან ჩანთა ჩემი ფულით ვიყიდო. არაფერი ესმით ავეჯის აწყობის, რემონტის, მშენებლობის თუ სხვა საოჯახო საკითხების შესახებ. უფრო მეტიც, ეს აკმაყოფილებთ. მე ხომ ვარ, ვინც ყველაფერს მოაგვარებს!
არ მიყვარს ისინი, რომელთა გვერდით თავად ვარ ავტომექანიკოსი. თავად ჩავიხედავ მანქანის კაპოტის ქვეშ და თავად გამოვცვლი ბორბლებს. ის კი გვერდით დადგება, სიგარეტს მოუკიდებს, რჩევებს გასცემს. არა, მადლობა!
ახლა პასუხისმგებლობაზე არ ვლაპარაკობ. მამაკაცურობა გამოიხატება არა მხოლოდ რაღაცის გადაჭრის უნარში, არამედ გულუხვ ქცევაში. თან აუცილებელი არაა მატერიალური იყოს! უბრალოდ აიღეთ და გულით აჩუქეთ ქალს. დაეხმარეთ, მაგალითად, ჩანთების სახლში ატანაში ან თაიგული აჩუქეთ. მაშინაც კი, თუ იცი, რომ სანაცვლოდ არაფერს მიიღებთ. სწორედ ასე იქცევიან ნამდვილი მამაკაცები.
მეგობრების მოსაზრებები
ჩექმის ინციდენტის შემდეგ ერთ რამეს მივხვდი: მეგობრებს პირადი ბედნიერება არ უნდა გაუზიაროთ. თუნდაც ეს ბედნიერება ერთგული გულუხვი მეგობარი იყოს. ახალი შენაძენის დასასველებლად დავპატიჟე საყვარელი მეგობრები: ნატო, ნათია და რენა. იმდენი რამ მოვისმინე, რომ ყურები გამომეჭედა.
მხოლოდ ნათიამ დაიჭირა ჩემი მხარე. თქვა, რომ ასეც უნდა იყოს. თუ კაცმა თავის ფასი იცის და ფულის გამომუშავება შეუძლია, ახლო მეგობრისთვის გულითადი საჩუქრის გაკეთება მისთვის წვრილმანია. მთავარია, რომ გამიხარდა. არიან ძუნწები, რომლებიც ცოლსაც კაპიკებს უთვლიან. რა უნდა ვთქვათ მეგობრებზე?
ნატო და რენა ჯერ თავის გაკონტროლებას ცდილობდნენ, შემდეგ ჩექმის ქება დაიწყეს. შემდეგ ორივე კბენაზე გადავიდა. თითქოს, სად გაგონილა, რომ მამაკაცი, თან უცხო, საჩუქრებს არიგებდეს.
შური თუ კონსტრუქციული კრიტიკა?
ნატომ თქვა, რომ თაყვანისმცემლების ასე დახარჯვა შერცხვებოდა. ათობით ჰყავს, თითოეულს რომ მისწეროს, მისი თხოვნით ერთი მაინც რამეს უყიდის. რა თქმა უნდა, უფასოდ.
რენამ აშკარად მიმანიშნა, რომ ასე მხოლოდ პირფერები იქცევიან. თურმე ვანომ მომატყუა. მეგობრების ზონაში ვტოვებ და მადლობისთვის საჩუქრებს ვიღებ. ეს ჩექმა უმიზეზოდ არ უჩუქებია და საპასუხო ნაბიჯს ელოდება.
აღშფოთებისგან კინაღამ ყავით დავიხრჩვე. ამას ჰქვია მეგობრები! რა უნდა მოუვიდეს ადამიანს, რომ სიკეთის და გულწრფელობის აღარ ირწმუნოს? თუ არ ჰყავთ ასეთი მეგობრები, არ ღირს კბილების კრაჭუნი უფრო წარმატებულ დაქალზე. უბრალოდ შურთ, რადგან თავად კაცები არაფერს ჩუქნიან. ამ ნოტაზე დავშორდით, ერთმანეთზე უკიდურესად უკმაყოფილოები.
