2018 წელს, 37 წლის ასაკში, ჩემმა ძმამ მასზე თითქმის 8 წლით უმცროს ქალზე იქორწინა. 2019 წელს ჩემი ძმისშვილი დაიბადა. დედაჩემს აგარაკზე ვეხმარებოდი, იქიდან არასოდეს არავის არ გამოვუგდივარ. ქორწილიც აგარაკზე შედგა. ეს ჩემი ძმის მეორე ქორწინება იყო, ის ქალიც მანამდე სამოქალაქო ქორწინებაში ცხოვრობდა. ყველაფერი კარგად იყო მანამ, სანამ კოვიდის პერიოდი არ დადგა და დედა, მამა, ჩემი ძმა და მისი მეუღლე 2020 წელს საცხოვრებლად აგარაკზე არ გადმოვიდნენ. ქალაქში მხოლოდ ზამთარში ბრუნდებოდნენ. 2022 წლამდე ასე ცხოვრობდნენ.
მამა ძმის მეუღლეს ორსულობის პერიოდში და 2021 წლის შემოდგომამდე, ანუ მის გარდაცვალებამდე – თვეში 200 ლარს უხდიდა. ყველაფერი ამის შემდეგ დაიწყო: მას შემდეგ რაც მე უარი ვთქვი მისთვის ფულის გადაცემაზე, რადგან ამის საშუალება არ მქონდა, ჩემმა რძალმა ფულის გამოძალვა დაიწყო. ხან იმიზეზებდა, რომ ბავშვს ტანსაცმელი სჭირდებოდა, ხან ექიმთან წასასვლელი ფული, ხან საჭმელი აგარაკზე ყოფნისას. ჩემი ძმის ცოლი ბანკში მუშაობს იმ თანამშრომლის მაგიერ, რომელიც დეკრეტულ შვებულებაშია. მათი განყოფილება შემცირებაში მოყვა. როდესაც ის თანამშრომელი დაბრუნდება, ჩემი რძალი უმუშევრად დარჩება.
ახლა დედაჩემის აგარაკი ჩემთვის ფასიანი გახდა. 2021 წლის გაზაფხულზე ჩემმა ძმამ იყიდა აგურის სახლი დედაჩვენის აგარაკთან ახლოს, მაგრამ რემონტი არ გაუკეთებია, ყველა დედასთან ცხოვრობს. ჩემმა რძალმა აბანოში დაწვა ჩემი დივანი, სკამები და ტაბურეტი, რომლებიც ბებიამ მე მაჩუქა. ახლა კი, როცა დედაჩემის აგარაკზე ვიყავი და მას ბოსტანში ვეხმარებოდი, ჩემმა რძალმა ჩემი ტანსაცმლის ჩანთა ბილიკზე გადააგდო და ყვიროდა: ჩემს სახლში უცხო ადამიანების ნივთები არ იქნებაო.
გავარკვიე: აგარაკი ჯერ კიდევ დედაჩემისაა და არავისთვის უჩუქებია. დედაჩემის სახლისთვის საბნები, ბალიშები და თეთრეული ვიყიდე, ჩემი რძალი ამ ყველაფერს ხმარობს და არ ყვირის. გუშინ მითხრეს, რომ თუ იმ თანხას გადავუხდი რასაც ითხოვს, მაშინ არავინ გამაგდებს (გულისხმობს დაგროვილ თანხას, 2021 წლის შემოდგომიდან).
არ ვიცი, რა გავაკეთო. ჩემი რძალი აგარაკზე არაფერს აკეთებს, იქ ბავშვთან ერთად ცხოვრობს გაზაფხულიდან გვიან შემოდგომამდე. დისტანციურად მუშაობს, ინტერნეტი არის, კავშირი კარგია, იქვე არის პატარა ქალაქი და მობილურის ანძა. დედაჩემს დახმარება სჭირდება, ჩემი ძმა კვირაში თითქმის შვიდი დღე მუშაობს. მე ცალკე ვცხოვრობ, ჩემი ძმაც ცალკეა.
ჩემს ძმას საკმაოდ კარგი შემოსავალი აქვს, იპოთეკით შეიძინა სახლი, სადაც არის კონსიერჟი, დაცვა და მიწისქვეშა პარკინგი. გარდა ამისა, მან ცოლს უყიდა აგარაკი. სახლს ესაჭიროება კაპიტალური რემონტი. 2022 წელს მათ გააუმჯობესეს აგარაკი, დაამონტაჟეს სათბურები, დარგეს ბუჩქები და ხეები და ჩემი ძმის ცოლი სამსახურის შემდეგ თავის აგარაკზე რაღაცებს რგავს, დედაჩემის აგარაკზე კი – არაფერს აკეთებს.
უბრალოდ, კონკრეტული თანხის გადახდას მთხოვს, მერე კი ჩემ მიმართ დამოკიდებულებას შეიცვლის. გავარკვიე, რატომ უხდიდა მამაჩემი მას ფულს: მას სურდა, რომ მის შვილს ნორმალური ცოლი ჰყოლოდა. პირველი ცოლი კოლეგასთან ერთად წავიდა კვიპროსში და იქიდან განქორწინება მოითხოვა.
მამაჩემი გარდაიცვალა 2021 წლის შემოდგომაზე, გულის შეტევით. მაშინ ყველა მხოლოდ კოვიდს მკურნალობდა. გადახდები შეწყდა. დაკრძალვაზე ჩემი რძლის დედა მომიახლოვდა და შემომთავაზა, რომ ახალგაზრდა ოჯახს დავხმარებოდი. მეტიც, მის ქალიშვილს სამსახურში პრობლემა აქვს, უსაფრთხოების ბალიში სჭირდება, მაგრამ არა ჩემს ხარჯზე!
დედაჩემი 71 წლისაა, ჩემი ძმის სიდედრი – 60 წლის, მეზობელ რაიონში ცხოვრობს, ბავშვს დედაჩემი უვლის. 71 წლის დედაჩემს დახმარება სჭირდება აგარაკზე – ის არ არის ისეთი ახალგაზრდა, როგორის ჩემი რძლის დედა. რძალთან არ მიჩხუბია. მას ცივი დამოკიდებულება აქვს ჩემს მიმართ და სიძულვილი იმის გამო, რომ უარი ვუთხარი ფულის გადახდაზე. დედა მაიძულებს ჩემს ძმისშვილთან და მის დედასთან ურთიერთობას. ჩემს რძალს კი ახლობელ ადამიანად არ მივაჩნივარ, რადგან მე არ ვეხმარები მის შვილს. მამაჩემი კი – პენსიონერი იყო და ეხმარებოდა.
მე ვმუშაობ სამშენებლო მასალების საბითუმო ვაჭრობაში, 2020 წლის აპრილიდან ვმუშაობთ ოფისებში და საწყობებში, დისტანციურად არ გვიმუშავია. აგარაკზე მისვლის დრო არ მქონდა. შემდეგ პირობები გაუმჯობესდა. ჩემმა ძმამ ოფისში დაიწყო მუშაობა და ჩემი დახმარება დასჭირდათ. ახლა კი ჩემი ნივთები სახლიდან ფრინდება. როდესაც ბოსტანში დახმარება სჭირდებათ, საჭირო ვარ, მაგრამ დასაჯდომი ადგილი არ მაქვს, თითქოს მათთვის უცხო ვიყო.
დედას ძალიან უყვარს შვილიშვილი, მაგრამ არ ესმის, რომ მე არანაირი ურთიერთობა არ მექნება ჩემს რძალთან, სანამ ის ასე მექცევა. ის თავისი მდიდარი სამოქალაქო ქმრის ჯიბრზე გამოჰყვა ცოლად ჩემს ძმას, რომელსაც ოფიცალური ქორწინება და შვილები არ სურდა. მას ის გაცნობის საიტზე არ გაუცნია, არამედ სამსახურის მეგობრების შუამავლობით. ჩემს ძმას საკონსულტაციო მომსახურებას უწევდა. შემდეგ ბანკში დაიწყო მუშაობა, საიდანაც მის განსათავისუფლებლად უკვე მზად არიან.
ჩემს ძმას არ ესმის, რატომ ვტოვებ აგარაკს ასე სწრაფად, მისი ცოლიც დუმს. მას შემდეგ, რაც მან თავისი ერთოთახიანი ბინა და მანქანა გაყიდა, რათა ელიტარულ სახლში კარგი ინვესტირება მოეხდინა, ის დუმს, იმის შიშით, რომ ერთმანეთს არ დაშორდნენ. ფულს ჩემი რძალი მაშინ ითხოვს, როცა ჩემი ძმა სახლში არ არის. მას არსად აქვს წასასვლელი განქორწინების შემდეგ. წინ მოსალოდნელი სამსახურიდან გათავისუფლება და სამსახურის ძებნა ელის 4 წლის ბავშვთან ერთად, რომელსაც ალერგია აქვს.
