ცხვირ–ტუჩის ნაოჭები უსიამოვნო პრობლემაა, რომელსაც ბევრი ქალი აწყდება. ნაოჭების გაჩენა შეიძლება გამოწვეული იყოს სხვადასხვა ფაქტორებით, როგორიცაა ასაკთან დაკავშირებული ცვლილებები, კანის ელასტიკურობის დაკარგვა ან მისი არასწორი მოვლა. გარეგნობაზე ნეგატიური ეფექტის მიუხედავად არსებობს მეთოდი, როგორ შენიღბოთ ცხვირ–ტუჩის ნაოჭები მაკიაჟის გამოყენებით.
ცნობილმა ვიზაჟისტმა გამიზიარა ხრიკები, რომელთა დახმარებით სახის იერი უფრო ახალგაზრდული ხდება. წაიკითხეთ, როგორ შეამციროთ ცხვირ–ტუჩის ნაოჭების ხილვადობა ინექციების და ქირურგიული ჩარევის გარეშე.
როგორ შევნიღბოთ ცხვირ–ტუჩის ნაოჭები სახლში
ვიკეთებთ სწორ მაკიაჟს
- კანის მომზადება. სახე გაისუფთავეთ და მაკიაჟის ქვეშ დამატენიანებელი კრემი წაისვით. ასე შექმნით თანაბარ და გლუვ ბაზას მაკიაჟის წასასმელად.
- ბაზა გამოიყენეთ. მაკიაჟის ქვეშ ბაზა ჩვეულებრივი კრემის ნაცვლად შეიძლება გახდეს თქვენი საუკეთესო მეგობარი ცხვირ–ტუჩის ნაოჭის დასამალად. აირჩიეთ კოსმეტიკური საშუალება, რომელსაც აქვს მქრქალი ეფექტი და წვრილ ნაოჭებს ავსებს. მთელ სახეზე თანაბრად გადაანაწილეთ, ცხვირ–ტუჩის ნაოჭებს განსაკუთრებული ყურადღება მიაქციეთ.
- კორექტორი. ნაოჭების საფუძვლიანად დასამალად კორექტორი გამოიყენეთ. თქვენს ტონალურზე 1–2 ტონით ღია უნდა იყოს. კორექტორი ნაოჭებზე წაისვით, შემდეგ თითების მსუბუქი მოძრაობით ან ფუნჯით ჩაშალეთ.
- ტონალური კრემი და პუდრი. კორექტორზე ტონალური კრემი წაისვით. თანაბრად გადაანაწილეთ. მაკიაჟი პუდრის თხელი ფენით დააფიქსირეთ. ასე კორექტორის და ტონალური კრემი არ აიგორგლება.
ცხვირ–ტუჩის ნაოჭების მოშორება
- სახის მასაჟი. ეს პროცედურა არ დაივიწყოთ, რომ ცხვირ–ტუჩის ნაოჭების ხილვადობა შეამციროთ. რეგულარული მასაჟი სისხლის მიმოქცევას აუმჯობესებს და სახის კუნთებს აძლიერებს. ასე ცხვირ–ტუჩის ნაოჭები ნაკლებად შესამჩნევი გახდება.
- კანის დატენიანება. გამოიყენეთ მკვებავი კრემი ან ნიღაბი, რომ ეპიდერმისის სიმკვრივისა და ელასტიკურობა შეინარჩუნოთ.
- მზისგან დაცვა. მზის პირდაპირი სხივების ქვეშ დიდხანს ყოფნას მოერიდეთ. ასევე გამოიყენეთ სპფ–ის მქონე საშუალებები, რომ დაიცვათ კანი ულტრაიისფერი გამოსხივებისგან, რომელიც კანის დაბერებას აჩქარებს.
სწორი მაკიაჟის და კორექტორის გამოყენებით, რომელიც თქვენს ტონალურზე 1–2 ტონით ღიაა, ცხვირ–ტუჩის ნაოჭების დროებით დამალვას შეძლებთ. ნაოჭების ხილვადობა მაკიაჟის გარეშე რომ შეამციროთ, არ დაგავიწყდეთ სახის მასაჟი, მკვებავი ნიღბის წასმა და მზისგან დაცვა. ამ პროცედურების კომპლექსური გამოყენებით პრობლემა ნაკლებად შესამჩნევი გახდება.
