რა ჰქვია დის ქმარს, რომელმაც ცოლისდასთან ცხოვრება დაიწყო? წესიერი სიტყვები არ მახსენდება, რადგან ღალატის ფაქტი აშკარაა. მაგრამ ყველაფერი ასე ნათელია? ჩვენი გმირის ამბავი ამ სიტუაციას მოულოდნელი კუთხიდან დაგანახებთ.
რა ჰქვია დის ქმარს?
იმ პარასკევს დილით გარიჟრაჟზე გამეღვიძა. ვიღაც კარზე უწყვეტად აკაკუნებდა. მალხაზი მორიგე იყო, ამიტომ მაშინვე მივხვდი: დედა მოვიდა. რამდენიმე დღის წინ ნათიამ, ჩემმა დამ გააფრთხილა ჩამოსვლის შესახებ.
– უნდა მიატოვო ნათიას ქმარი! – კარიდანვე თავს დამესხა დედა.
– ჩუმად, ჩემს ვაჟს გამიღვიძებ – გავაჩუმე დედა.
– შენი შვილი არ არის. დატოვე ეს ოჯახი. ნათია შენი და არის. ეს ყველაფერი არასწორია – ამტკიცებდა დედა.
ეს ყველაფერი მართალია. ნამდვილად ჩემი დის ქმართან ვცხოვრობ, მისი ვაჟი კი დედას მეძახის. მაგრამ მალხაზი ოჯახიდან არ წამომიყვანია. საქმე იმაშია, რომ 3 წლის წინ ჩემმა დამ ოჯახი მიატოვა და საზღვარგარეთ წავიდა.
მოძულებული ქალიშვილი
ნათია ყოველთვის ფავორიტი შვილი იყო, დედის სიხარული. მე, როგორც უფროსს, დედის ყურადღების ნამსხვრევები მხვდებოდა. დედა არც მალავდა, რომ უმცროსი ქალიშვილი უფრო მეტად უყვარდა. მე პირველ უბედურ ქორწინებაში საძულველი მამაკაცისგან გამაჩინა. ნათიასთან ყველაფერი პირიქით იყო. ყველაფერი სწორად იყო. სწორედ ამიტომ, ჩვენს ოჯახში უმცროსი შვილი სიყვარულსა და აღფრთოვანებაში ცურავდა, მე კი ორივესთვის ვმუშაობდი და ვსწავლობდი.
ჩემს პირად ცხოვრებას მკაცრად აკონტროლებდნენ, სკოლის დამთავრებამდე ბიჭებთან შეხვედრას მიკრძალავდნენ. როცა ნათია 18 წლის ასაკში დაორსულდა, დედას აბორტის გაკეთება არ მოუთხოვია. პირიქით, მდიდრული ქორწილი გადაუხადა. ჩემმა დამ სახლში ქმარი მალხაზი მოიყვანა. წესიერი, მშრომელი კაცი აღმოჩნდა. თავქარიანი ნათიასთვის ეს საკმარისი არ იყო.
როცა მათი ვაჟი დიტო 3 წლის გახდა, ჩემმა დამ ყველა გააოცა ახალი ამბით. შორეულ იტალიაში ნამდვილი სიყვარული ელის, ანუ ნახვამდის ოჯახო! რა თქმა უნდა, შვილი ქმარს დაუტოვა. ყველაზე საინტერესოა, რომ დედამ მხარი დაუჭირა. ოქროს გოგონა ხომ ნამდვილ სიყვარულს იმსახურებს.
გაბედული გადაწყვეტილება
მალხაზი ბავშვთან ერთად ჩვენთან დარჩა საცხოვრებლად, თავგადასავლების მოყვარული კი საზღვარგარეთ წავიდა ბედნიერების საძიებლად. დედა დაჟინებით მოითხოვდა, რომ დისშვილზე ზრუნვა საკუთარ თავზე ამეღო. ჩემი და ახალ ადგილას მოეწყობა და შვილს წაიყვანს. თხოვნაზე უარი არ მითქვამს. მით უფრო, დიტოს დედა ძალიან ენატრებოდა. დამყავდა ბაღში, ერთად ვსეირნობდით და ვთამაშობდით. არ მინდოდა, რომ დიტოს თავი მიტოვებულად ეგრძნო.
მალხაზი ჩვენი სახლიდან მხოლოდ 6 თვის შემდეგ გადავიდა. მისი მესმოდა. სიდედრის სახლში ცხოვრება, როცა შენი ცოლი სხვის მკლავებში ეხვევა, დამამცირებელია. კიდევ 6 თვის შემდეგ ახალი ამბით გამოჩნდა. ფული გამოიმუშავა, ბინა იქირავა და ვაჟის წასაყვანად დაბრუნდა. პატარა ოჯახს ხშირად ვსტუმრობდი, ბავშვის მოვლაში ვეხმარებოდი. შეუმჩნევლად მე და სიძეს ერთმანეთი შეგვიყვარდა. მალე მასთან გადავედი.
თავისთავად, ახლობლები საქმის კურსში ჩავაყენე. არც დედა, არც ჩემი და წინააღმდეგი არ იყვნენ. ნათიასთან ოფიციალური განქორწინების შემდეგ მალხაზმა ხელი მთხოვა. ეს მამაკაცი უსაზღვროდ შემიყვარდა, ამიტომ უყოყმანოდ დავთანხმდი.
ხელის მოწერა ვერ მოვასწარით. ჩემმა დამ ჩემი ბედი ისევ დაჩრდილა. იტალიელ საქმროსთან არაფერი გამოუვიდა და ახლა ჩემოდნებს ალაგებს და ბრუნდება. დედამ ამის შესახებ პირველმა გაიგო და მაშინვე ჩვენს სახლში გამოიქცა. საყვარელი ქალიშვილი ქმარ–შვილთან ოჯახში ბრუნდება.
რა ჰქვია დის ქმარს: ოჯახური დრამა
სიმართლე გითხრათ, ცხოვრებაში პირველად თავი დაცულად ვიგრძენი. ამაში მეუღლე დამეხმარა. დამარწმუნა, რომ სიყვარულს და ქალურ ბედნიერებას ვიმსახურებ. არა სიტყვით, არამედ საქმით. ახლა ჩემი სისხლით ნათესავები ამ ყველაფრის წართმევას ცდილობენ.
დედა დაჟინებით მოითხოვს, რომ მალხაზი მივატოვო, ჩემს დას ბედნიერება დავუბრუნო. თითქოს მალხაზი რაღაც უგრძნობი ნივთია. ქალბატონი გაერთო და სახლში ბრუნდება. უნდა, რომ ყველაფერი ისე იყოს, როგორც ადრე. როგორც ყოველთვის იყო.
დედაჩემის და ჩემი დის საქციელი არ გამკვირვებია. ისინი მხოლოდ საკუთარ თავზე ფიქრობენ. ვარსებობ თუ არა, არ აინტერესებთ. მე ხომ დისთვის ქმარი არ წამირთმევია. თავად გააკეთა არჩევანი 3 წლის წინ. ახლა მოუწევს შედეგებთან შეგუება. ჩემს სიყვარულს მტკიცედ დავიცავ.
რა ჰქვია დის ქმარს, რომლის ცოლმაც კუდი აიქნია და ის და მისი შვილი ბორტს მიღმა გადააგდო? სწორია, თავისუფალი და დამოუკიდებელი მამაკაცი, რომელსაც ახლა ახალი ცხოვრება და ახალი ოჯახი აქვს!
