„სიმართლე გითხრათ, გათხოვება არასოდეს მინდოდა: საჭმლის მომზადების და ვიღაცის მომსახურების სიძულვილი ბავშვობაში გამიჩნდა დედაჩემის გამო, რომელიც მთელი დღე სამსახურში მუშაობდა, ბებიაზე ზრუნავდა მის სოფლის სახლთან ერთად, ღამით საჭმელს ამზადებდა და ყველას უყვიროდა. მაგრამ ახალგაზრდობის და სისულელეების გამო ერთი ბიჭს დავუკავშირდი და ყველაფერი დატრიალდა.
ახლა გათხოვილი ვარ, 6 წლის შვილი მყავს და უბრალოდ ამ ყველაფრისგან თავის დაღწევა მინდა. მძულს ყველაფერი, რაც უკავშირდება ოჯახის მომსახურებას, კერძების მომზადებას, ბავშვის ტირილს, დალაგებას, დღესასწაულები მძულს! მესმის, რომ ამ 7 წლის განმავლობაში მთელი ძალით ვცდილობდი მოთმენას, კბილების დაჭერით ვაკეთებდი წვნიანს, ვამზადებდი სადილს სამსახურის შემდეგ, ყავაზე და ენერგეტიკულებზე ვიჯექი.
ახლა ზღვარზე ვარ: მეტი აღარ შემიძლია. 3 კვირაა არ ვამზადებ საჭმელს, ქმარი ყვირის და ბრაზობს, შაურმას და პელმენს დემონსტრაციულად ჭამს, თავად მომზადება არ უნდა. მესმის, რომ დასასრულია, მაგრამ როგორ მინდა ვიცხოვრო, ჰაერი ჩავისუნთქო, შაბათ–კვირას დავისვენო, წიგნები წავიკითხო, სადმე წავიდე. რომ არ მომიწიოს მხოლოდ ამ დასაწვავ ქურასთან დგომა და ჭურჭლის რეცხვა, თეთრეულის დაუთოება, თავის მტვრევა, ვინ სად რას ჩაიცვამს.
გასათხოვარ კოლეგებს და დაქალებს ვუყურებ და აი, მესმის ცხოვრება: აქვთ დრო საკუთარი თავისთვის, სპორტისთვის, დასვენებისთვის, თვითგანვითარებისთვის. შაბათ–კვირას საინტერესოდ ატარებენ. მე კი მინდა გამოუსწორებელი გავაკეთო, რომ ეს ყველაფერი შეწყდეს.“
რას ურჩევენ ფორუმებზე ამ ქალს:
- მზა კერძები შეუკვეთეთ ან დაიქირავეთ ვინმე ან კაფეში წადით. ყველაზე მარტივია, ყველაფერი დაჭერით, საცხობ პარკში ჩაყარეთ და ღუმელში მოათავსეთ. 2 ქათამი და ნებისმიერი გარნირი გამოაცხვე და ჭამოს. ზოგადად, როგორც მივხვდი, მზარეულზე უნდა დაქორწინდე.
- გამოყავი ერთი დღე, კატლეტები გააკეთეთ, ბულგარული წიწაკები ფარშით გაავსეთ და შეყინეთ. როცა დაგჭირდება, გამოიღე და ღუმელში მოამზადე. გარნირად – ბოსტნეული, კომბოსტო. ვერმიშელის მოხარშვას 3 წუთი სჭირდება.
- კარტოფილი დაჭერი, ზემოდან 2 შეკვრა ბარკლები, სანელებლები და ღუმელში. მორჩა, თავისუფალი ხარ.
- იყიდეთ ჭურჭლის სარეცხი მანქანა, რობოტი მტვერსასრუტი, მეტი ნივთი, რომ ნაკლები რეცხოთ და, შესაბამისად, ნაკლები დააუთოოთ. მზა კერძები შეუკვეთეთ. თუ სახსრები არ გაქვთ, მაშინ უნდა გესმოდეთ, რომ ახლა ქმარ–შვილი რომც აორთქლდეს, მაინც ვერ დააღწევთ თავს რუტინას.
- არასწორი მეუღლე შეარჩიეთ. უნდა აირჩიოთ ის, ვინც დაგეხმარებათ საჭმლის მომზადებაში, დალაგებაში, ბავშვის მოვლაში.
- თუ მდიდარი არ ხართ, ბევრი ყიდულობს იაფ ნახევრად მზა პროდუქტებს: გუფთები, კატლეტები, ბლინები შიგთავსით – დაე, მიეჩვიოს. უბრალოდ გეგმა შეადგინეთ, როგორ მოამზადოთ ნაკლები, ჭურჭელი ქმარს შეუძლია გარეცხოს. წვნიანი 4 დღისთვის შეგიძლიათ მოამზადოთ, ასე სხვა საკვებზე დაზოგავთ. ერთხელ სამსახურში და სკოლაში ჭამონ, დილით ხაჭო მიეცით.
- ალბათ, უკვე მიეჩვივნენ გემრიელ კერძებს. თუ რაღაც გემრიელი მინდა, მე (ქმარი) ვაკეთებ ფარშს (3 კგ) სხვადასხვა ნახევრად მზა პროდუქტისთვის. ვაკეთებთ 30 კატლეტს, გუფთას, ფარშს ვდებთ ტოლმასა და მობრაწულში. საღამოს ვაკეთებ სენდვიჩებს რბილი ყველით, კვერცხს შემწვარ ყვავილოვან კომბოსტოსთან ან კვერცხს ძეხვთან ერთად.
