ავეჯი ბინაში, რომელიც ყვირის უგემოვნობაზე. მისი ადგილი არ არის თანამედროვე სახლში

0
214

ადამიანის დადანაშაულება ინტერიერის განუახლებლობის გამო არაკეთილშობილური საქმეა. ყველა ადამიანს განსხვავებული შესაძლებლობა აქვს და ასეთი ცხოვრების წესის მიზეზებიც შეიძლება განსხვავდებოდეს. თუ ადამიანს შესაძლებლობა აქვს, მაგრამ უბრალოდ არ სურს თანამედროვე სტილის ავეჯის შეძენა, კითხვები ჩნდება. დღეს ამის შესახებ ვისაუბრებთ.

თანამედროვე სტილის ავეჯი

ხანდახან ისე ხდება, რომ ბინაში შედიხართ და იქ რაღაც თვალს გჭრის. თითქოს ადამიანმა სცდა მოწესრიგება, მაგრამ რაღაც ნიუანსი საერთო სურათიდან ამოვარდნილია. ზოგჯერ ასეთი ნიუანსი საკმაოდ ბევრია. სწორედ ასეთი წარსულის გადმონაშთები უნდა მოიშოროთ.

კედლის კარადა

ინტერიერის დეტალი, რომელსაც საბჭოთა კავშირის სიმბოლო თამამად შეგიძლია უწოდოთ. მაშინ სასარგებლო და მოსახერხებელ ნივთად ითვლებოდა, მაგრამ კედლის კარადას დიდი ადგილი უკავია. აღსანიშნავია, რომ დღემდე შეხვდებით ძველ საბჭოთა ბინებში, თუმცა ბოლო დროს მისი მოშორება დაიწყეს.

ალტერნატივად გთავაზობთ ჭერამდე სიმაღლის კარადას. არ დაგავიწყდეთ, სასურველია, ავეჯი კედლების ფონზე ძალიან არ გამოირჩეოდეს. ნებისმიერი უსარგებლო კაშკაშა დეტალი წარსულში დატოვეთ.

ტორშერი

წარმოიდგინეთ თანამედროვე ბინა იდეალური რემონტით, პლაზმური ტელევიზორით და ლამაზი ღია ავეჯით, მაგრამ რატომღაც მის გვერდით დღემდე დგას ტორშერი, რომელიც უნათებდა კომუნიზმის გზას ბებიათქვენს. ასე არ უნდა იყოს.

თანამედროვე სანათების ფართო არჩევანია. ზოგიერთი მათგანი მართლაც მაგრად გამოიყურება და თქვენს ინტერიერს იდეალურად მოერგება. უბრალოდ გამონახეთ დრო და იყიდეთ ის, რომელიც მოგწონთ. ასე თქვენს სახლს ნახევარი საუკუნით უკან აღარ დააბრუნებთ.

ხალიჩები

რამდენი ეგზემპლარი დამტვრეულია ამ ხალიჩებზე, მით უმეტეს, თუ ვსაუბრობთ კედლებზე ჩამოკიდებულებზე. აღსანიშნავია, რომ უმეტეს შემთხვევაში ეს არის იაფი ხელნაკეთი ნივთი. ჩვეულებრივი სამომხმარებლო საქონელი 90–იანი წლებიდან, რომელიც იმ დროს მოდური იყო. დღეს კი თანამედროვე ავეჯთან კომბინაციაში სასაცილოდ გამოიყურება.

დღეს საკმაოდ მარტივია აირჩიოთ ხალიჩა, რომელიც თქვენს ინტერიერს შეეფერება, სივრცეს არ შეჭამს და ზედმეტ ყურადღებას არ მიიქცევს. გახსოვდეთ, რომ კომფორტზე და მყუდროებაზე უნდა იფიქროთ. აი, გარეგნობა ზემოაღნიშნული ცნებების ნაწილია.

ფოტოშპალერი

ზოგადად, ფოტოშპალერის მიმართ დიდი პრეტენზიები არ გვაქვს, თუ მასზე მოდური პრინტი ან მქრქალი ნახატია. აი, თუ ეს არის არყის კორომი, ცხენების ჯოგი, სავანა და სხვა მსგავსი ნახატი, მაშინ მოიშორეთ. ვერ დაგეხმარებათ ბუნებაში გადასვლაში ან ზღვის ჰაერის ჩასუნთქვაში, არამედ თქვენს ოთახზე შთაბეჭდილებას გააფუჭებს.

არ დაგავიწყდეთ, რომ შპალერზე უარი შეგიძლიათ თქვათ. თუ მაინც გსურთ მისი გამოყენება, ყურადღება მიაქციეთ პასტელურ ფერებს. ასეთი არჩევანი დროთა განმავლობაში არ მოგბეზრდებათ და სითბოსა და მყუდროების ატმოსფეროს შენარჩუნებას ხელს შეუწყობს.

საწოლის გადასაფარებელი

საწოლი საძინებელ ოთახში დიდ ადგილს იკავებს და ყურადღებას აუცილებლად მიაქცევენ. დიდი გადასაფარებელი ან კაშკაშა პლედი უცნაური მოხატულობით ასეთ სიტუაციაში შეუსაბამოდ გამოიყურება. უმჯობესია, მათზე უარი თქვათ.

ამ ელემენტმა უნდა შეავსოს საერთო სურათი და არა თვალს გჭრიდეს. ხარისხიანი მასალა და ერთი დახშული ფერი ასეთ სიტუაციაში სწორი არჩევანი იქნება. მთავარია, კომფორტულად იგრძნოთ თავი, რადგან ეს ის ოთახია, რომელშიც ვისვენებთ.

ჩვენი რჩევები ყველა პრობლემის მოგვარებად არავითარ შემთხვევაში არ უნდა ჩათვალოთ. შესაძლოა, რომელიმე კონკრეტულ შემთხვევაში მავნე და არასწორიც იყოს. გახსოვდეთ, ყოველთვის შეგიძლიათ მიმართოთ პროფესიონალს რჩევისთვის. ის გაითვალისწინებს თქვენს სურვილებს და ოცნების ინტერიერის შექმნაში დაგეხმარებათ.