ბავშვებს ფანტაზიორობა ძალიან უყვართ. ისინი იცნობენ სამყაროს და იქ, სადაც ჯერ კიდევ არ იციან, როგორი უნდა იყოს ზრდასრული ცხოვრება, ხვდებიან. უფროსები ხშირად ეჩხუბებიან პატარა მეოცნებეებს. საერთოდ არ ფიქრობენ, როგორ ეხმარება ფანტაზიის განვითარება ზრდასრულ ცხოვრებაში რთული ამოცანების და სიტუაციების მოგვარებაში. პაპარაცი გთავაზობთ თქვენს წარმოსახვაზე იმუშაოთ. ამოცანა ძალიან მარტივია, იპოვეთ მამაკაცი ფოტოზე. როგორ ფიქრობთ, შეძლებთ? საინტერესოა, რამდენი დრო დაგჭირდებათ.
სანამ ამოცანას ხსნით, გიამბობთ, როგორი სავარჯიშოები დაგეხმარებათ წარმოსახვის განვითარებაში. ასეთი სავარჯიშო დაგეხმარებათ იპოვოთ ახალი მიდგომები ყოველდღიური პრობლემების გადასაჭრელად. თუ გეჩვენებათ, რომ სამყარო ერთფეროვანია, დროა ფანტაზია ჩართოთ. წარმოსახვის განვითარება დაგეხმარებათ გარშემომყოფების უკეთ გაგებაში, ბავშვების აღსაზრდელად მიდგომის პოვნაში. მდიდარი წარმოსახვის მქონე ადამიანს შეუძლია ახალი მოწყობილობების გამოგონება, სტანდარტული საკითხების არასტანდარტულად გადაჭრა, სამყაროს შეცნობა და მისით აღტაცება.
ვარჯიში წარმოსახვის განსავითარებლად
გახსოვთ, როგორ უყვარდა ყველას ბავშვობაში ღრუბლებზე დაკვირვება? თითოეული ღრუბელი რაღაც ცხოველს ან ზღაპრის პერსონაჟს ჰგავდა. ასაკთან ერთად ყველა ღრუბელი ერთნაირი გახდა. უხილავი ფიგურების წარმოსახვის უნარის დასაბრუნებლად მარტივი თამაში შეგიძლიათ ითამაშოთ. ქაღალდზე რამდენიმე წერტილი ქაოტურად დასვით. ახლა ეს წერტილები ხაზებით შეაერთეთ. რა ფიგურა გამოვიდა? იქნებ საჭიროა რაიმე ელემენტის დამატება ლამაზი ცხოველის მისაღებად? თუ გიჭირთ წერტილებიდან ფიგურის მიღება, ვინმესთან ერთად ითამაშეთ. უმჯობესია, ჩართოთ ბავშვი ან ადამიანი, რომელსაც ფანტაზია კარგად აქვს განვითარებული. ასე შეძლებთ იდეების გადაღებას და რთულის მარტივად დანახვის სწავლას.
კიდევ ერთი სავარჯიშო ფანტაზიის განვითარებისთვის არის ასოციაციური სერიების შედგენა. ბევრი ადამიანი იგონებს ასოციაციებს, რომ დაიმახსოვროს მნიშვნელოვანი თარიღები, ტელეფონის ნომრები, ახალი ნაცნობების სახელები ან მნიშვნელოვანი ინფორმაცია. ამ მიმართულებით სავარჯიშოდ ქაღალდი აიღეთ და დაწერეთ ათი ნებისმიერი საგანი, რომელიც გარს გახვევიათ. ნებისმიერი რამ შეიძლება იყოს, ყველაფერი, რასაც გარშემო ხედავთ. ახლა თითოეულ საგანს მიუწერეთ რამდენიმე ასოციაცია. ყველაფერი, რასაც პირველი გაიფიქრებთ, ასოციაციების გაანალიზება არ სცადოთ. ეს შეიძლება იყოს ემოცია, ფრაზა წიგნიდან ან ფილმიდან, კონკრეტული ადამიანი, უბრალოდ სიტყვა. თავი არ შეიკავოთ, ფანტაზიას გასაქანი მიეცით. ყოველდღე შეგიძლიათ ივარჯიშოთ, როცა შინაგან სიცარიელეს გრძნობთ. პერიოდულად უკვე ჩამოყალიბებული ასოციაციები გადაიკითხეთ.
წარმოსახვის განვითარება
ფანტაზია, როგორც ცოდნა არსაიდან არ მოდის. წარმოსახვის განვითარებას ნიადაგი, საფუძველი სჭირდება. წარმოსახვის გასამდიდრებლად წაიკითხეთ მხატვრული ლიტერატურა ადგილების, მოვლენების და გმირების დიდი აღწერებით. ეწვიეთ მუზეუმებს, გამოფენებს, კონცერტებს, ლიტერატურულ და მუსიკალურ საღამოებს. შეისწავლეთ ხელოვნების რა სახეობები არსებობს და რომელია პოპულარული ახლა. აბსტრაქტულ ხელოვნებას განსაკუთრებული ყურადღება მიაქციეთ. სწორედ მასში დებენ მხატვრები, მოქანდაკეები აზრს, რომლის დანახვა მხოლოდ ფანტაზიით შეიძლება.
ახლა სცადეთ, თავი წარმოიდგინოთ სხვის ადგილას. პარკში ან კაფეში წადით, ერთი ლამაზი ადამიანი ამოირჩიეთ. დააკვირდით მის მოძრაობას, მიმიკას, ქცევას. წარმოიდგინეთ, სად მუშაობს, როგორი ინტერიერი აქვს ბინაში, რაზე ფიქრობს. ახლა წარმოიდგინეთ, რომ ეს ადამიანი თქვენი ხართ. როგორ მოიქცეოდით, როგორ გაატარებდით თავისუფალ დროს. თუ შესაძლებელია ან სურვილი გაქვთ, დაწერეთ წარმოსახვაში ჩამოყალიბებული ადამიანის მოკლე ისტორია.
ეს არ არის ყველა სავარჯიშო წარმოსახვის განვითარებისთვის, თუმცა მათი დახმარებით ფანტაზიის გაფართოება შეგიძლიათ დაიწყოთ. ასეთი სავარჯიშოები როგორც დამწყებს, ასევე შემოქმედებითი პროფესიის ადამიანს გამოადგება. ყოველთვის, როცა გრძნობთ ემოციურ გადაღლას, გაღიზიანებას ან აპათიას, გაიხსენეთ და შეასრულეთ ერთი სავარჯიშო მაინც.
