რატომ არ მოსწონს ხალხს ჯენიფერ ლოპესი და რატომ ჩაეფლო მომღერალი გახმაურებული სკანდალების სერიაში

250

მომღერალ და მსახიობ ჯენიფერ ლოპესს ხშირად უბერებელს უწოდებენ. ამაში უცნაური არაფერია, რადგან მართლაც მიმზიდველად გამოიყურება. აი, ბოლო დროს მისი სახელის გარშემო ბევრი სკანდალი ატყდა. ისეთი შეგრძნებაა, თითქოს მაყურებლების ფავორიტი თანდათან ანტიგმირად იქცევა. კითხვა „რამდენი წლის არის ჯენიფერ ლოპესი?“ აღარ არის აქტუალური. ხალხი ახალი სკანდალებით უფრო და უფრო ინტერესდება.

რამდენი წლის არის ჯენიფერ ლოპესი?

და მაინც, თავიდან დავიწყოთ და მომღერლის ბიოგრაფიაზე ცოტა ვისაუბროთ. ჯენიფერი 1969 წელს დაიბადა. ზაფხულის შუა რიცხვებში 55 წლის გახდება. ლოპესი წარმოშობით ბრონქსიდან, ნიუ–იორკიდანაა. ამ ფაქტს თავის შემოქმედებაში ხშირად იყენებს. მაგალითად, აქვს სიმღერა „Jenny from the block”, სადაც მომღერალი ირწმუნება, რომ თავისი მიღწევების მიუხედავად რჩება გოგონად თავისი უბნიდან.

იყიდება

უმუშევრობის და კრიმინალის მაღალი დონის მქონე უბანში ცხოვრებამ ლოპესის ცხოვრებაში თავისი კვალი დატოვა. თუმცა უნდა ვაღიაროთ, რომ ახლა იქაც არ უყვართ. ამბობენ, ლოპესი ბრონქსს იხსენებს მხოლოდ მაშინ, როცა გამომუშავების შესაძლებლობა არსებობს. ამას მოგვიანებით დავუბრუნდებით.

სკოლის დამთავრების შემდეგ ლოპესი მუშაობდა დამხმარედ იურიდიულ ოფისში, ასევე გაყიდვების ასისტენტად პარფიუმერიის მაღაზიაში. მართალია, ღამით კლუბებში გამოდიოდა. მაშინ მიიღო ერთ–ერთი პირველი მეტსახელი. არასტანდარტული ფიგურის გამო (წვრილი წელი და ფართო თეძოები) გოგონას უწოდეს „გიტარა“, რა თქმა უნდა, ესპანურად.

1986 წელს ლოპესმა დაიწყო სამსახიობო კარიერა როლში ფილმში „ჩემი პატარა გოგონა“. მართალია, ეკრანზე მეორე გამოჩენისთვის მთელი 5 წელი ლოდინი მოუწია. 1991 წლიდან რეგულარულად ჩნდება ფილმებსა თუ სერიალებში.

რაც შეეხება სიმღერებს, პირველი ალბომი „On the 6“ 1999 წელს გამოუშვა. სხვათა შორის, ალბომს ეწოდა მეტროს ხაზის სახელი, რომლითაც ლოპესი სკოლაში დადიოდა.

სკანდალები პირად ფრონტზე

მოდით, გულწრფელები ვიყოთ, ჯენის პირად ცხოვრებაში გარკვევა ადვილი არ არის. ბევრჯერ იყო დაქორწინებული და რეგულარულად შორდებოდა თავის რჩეულებს. ამჟამინდელი ქორწინება ბენ აფლეკთან მისი მეოთხე ოფიციალური ქორწინებაა. ლოპესი რამდენჯერმე იყო დანიშნული, მაგრამ საქმე ქორწილით არ დასრულებულა. ხანმოკლე რომანებზე არ შევჩერდებით.

აფლეკთან ისტორია განსაკუთრებულია. ისინი მზად იყვნენ დაქორწინებისთვის ჯერ კიდევ 2000–იანი წლების დასაწყისში, მაგრამ მაშინ დაშორდნენ. ამბობენ, რომ ამ გადაწყვეტილების მიზეზი საზოგადოების გადაჭარბებული ყურადღება გახდა. ლოპესს ძალიან უყვარს ყველაფრის გამოფენა, ხოლო ბენს თავისუფალი დროის სახლში გატარება უყვარს.

წყვილმა მრავალი წლის შემდეგ მათ ურთიერთობას მეორე შანსი მისცა. 2022 წელს დაქორწინდნენ. ახლა თითქმის ყოველდღე პრესაში ჩნდება ახალი ამბავი, რომ ვარსკვლავების განქორწინებამდე სულ რამდენიმე დღე ან მაქსიმუმ თვე რჩება. სავარაუდოდ, აფლეკი უკვე გადავიდა მათი საერთო სასახლიდან. ასევე ბენი საჯაროდ ბეჭდის გარეშე გამოჩნდა.

5 წლის განმავლობაში პირველად წელს უნდა გამართულიყო ლოპესის საკონცერტო ტური აშშ–სა და კანადაში, მაგრამ ცოტა ხნის წინ ცნობილი გახდა, რომ მომღერალმა ტური გააუქმა. ყველამ, ვინც უკვე შეიძინა ბილეთები, თანხის დაბრუნებას ჰპირდებიან. ჯენიფერს გაუქმების მიზეზი არ განუმარტავს. არსებობს ორი ვარაუდი: ბილეთების ცუდი გაყიდვა (ზოგიერთ ადგილას მათი ნახევარიც არ იყიდეს) ან პირადი პრობლემები.

რთული ხასიათი

ლოპესის ერთგული ფანები დარწმუნებულნი არიან, რომ ყველაფერი, რაზეც მასალის ამ ნაწილში ვისაუბრეთ, შურიანი ხალხის მონაგონია. მაგრამ ფაქტი ფაქტად რჩება: J.Lo რეგულარულად ხვდება ცნობილი ადამიანების სიაში, ვისთანაც მუშაობა ძალიან რთულია. ამ თემაზე რამდენიმე ისტორიას მოგიყვებით.

ჯენიფერის კონცერტის ორგანიზატორები ამტკიცებენ, რომ მომღერალი ითხოვს აბსოლუტურად სუფთა გასახდელს. იქ არა მხოლოდ დასუფთავებული უნდა იყოს, არამედ სტერილური სისუფთავე. ოთახში უნდა ტრიალებდეს გარკვეული სანთლების სურნელი, ასევე ახლად გამომცხვარი ფუნთუშების სუნი. თავად მომღერალი ამ უკანასკნელს არ ეკარება, ანუ სწორედ სუნი არის მნიშვნელოვანი.

მძღოლები, რომელთაც ლოპესთან ნამუშევარი აქვთ, ამბობენ, რომ მათგან ითხოვენ სამ რამეს: მომღერალთან საუბრის დაწყება არ შეიძლება, მასზე ყურება არ შეიძლება და მისი ბარგი არასოდეს უნდა შეეხოს მიწას. ამტკიცებენ, იყო შემთხვევები, როცა მძღოლები გაათავისუფლეს, რადგან უკანა ხედვის სარკეში უყურებდა გზას, მაგრამ ლოპესმა სკანდალი ატეხა, თითქოს მას ათვალიერებდნენ.

სხვათა შორის, ამბავი, რომ მომღერალი ყველას უკრძალავს მის ყურებას, დაადასტურეს მშენებლებმა, რომლებმაც ჯენიფერის ერთ–ერთი სასახლე ააშენეს. მოკლედ, როგორც ამბობენ, ყველას თავისებური ხასიათი აქვს.

პირფერობა

ზემოთ დაგპირდით, რომ ისევ ვისაუბრებთ ბრონქსზე. ამ ნაწილში ვისაუბრებთ ისტორიებს იმ უბანზე, სადაც ლოპესი გაიზარდა. ლოპესი თავის შემოქმედებაში ხშირად ახსენებს, რომ ქვემოდან მოვიდა. თანამემამულეები მასზე ბრაზობენ. აღიარებენ, რომ ბრონქსი ძალიან პრობლემური უბანია, მაგრამ არა ჯურღმული, როგორც მომღერალი ამტკიცებს.

ამავდროულად, თუ ლოპესი ასე ხშირად ახსენებს ბრონქსს, შეუძლია მათ დაეხმაროს. მაგალითად, ჯენიფერის ფანებიც გაოცებულნი არიან, როცა საქმე ეხება სკოლას, სადაც მომღერალი სწავლობდა. თავის დროზე მისი სასწავლო დაწესებულება დაფინანსების არქონის გამო დახურეს. ბევრი ინტერესდებოდა, რატომ არ დახარჯა ლოპესმა თავისი მრავალმილიონიანი ჰონორარი სკოლის გადასარჩენად?

კიდევ ერთი ამბავი უკავშირდება საკუთარი ბრენდის რეკლამას. სოციალურ ქსელებში მომღერალი რეგულარულად აჩვენებს კოსმეტიკას თავისი ხაზიდან და ის, თუ როგორ იყენებს მათ. პერიოდულად კამერის წინ უმაკიაჟოდ ჩნდება და ა.შ. და მაინც, თითქმის ყველა სარეკლამო ფოტოზე გამოყენებულია ფილტრი და სხვა პროგრამა, რომელიც ლოპესის სახეს სრულყოფილს ხდის. ხალხი რეგულარულად წერს, რომ ეს სულ მცირე არაკეთილსინდისიერი საქციელია.

კიდევ ერთი ამბავი, რომელმაც ხალხი აღაშფოთა, ფულის გამომუშავების მორიგ ხერხს ეხება. რამდენიმე ხნის წინ ლოპესმა ალკოჰოლური სასმელების საკუთარი ბრენდი გამოუშვა. აქ შეახსენეს, რომ პირველ რიგში, მთელი თავისი კარიერის განმავლობაში მომღერალი ამბობდა, რომ ალკოჰოლს საერთოდ არ იღებს. მეორეც, მისი ქმარი რამდენიმე ხნის წინ ალკოჰოლზე დამოკიდებულების გამო მკურნალობდა. გამოდის, ყველა პრინციპი უკან მოიტოვა რამდენიმე „მწვანის“ მისაღებად.

მოკლედ, ბოლო დროს ჯენიფერის ცხოვრება გართულდა. ვნახოთ, როგორ დასრულდება აფლეკთან ისტორია. შესაძლოა, მომავალში ფანებმა შეძლონ ლოპესის ცოცხალ შესრულებაზე მოხვედრა. რაც შეეხება ბოტოქსის და პლასტიკური ქირურგების მომსახურების ბრალდებებს, ალბათ, ისინი არასოდეს გაქრება.