ჩვენი ტვინი უნიკალური, ნაკლებად ცნობილი სტრუქტურაა. დღემდე მეცნიერები ვერ ხსნიან, როგორ ფუნქციონირებს ტვინი და სად არის მისი საზღვრები. მეცნიერები ამბობენ, რომ საშუალო სტატისტიკური ადამიანი თავისი ტვინის მაქსიმუმ 30%–ს იყენებს. პაპარაცი გთავაზობთ ცოტათი გააფართოოთ თქვენი ტვინის შესაძლებლობები და იპოვოთ განსხვავება ამ ორ სურათს შორის. გიამბობთ, რა როლს თამაშობს ამოცანები და თავსატეხები მეხსიერების ვარჯიშში.
როგორ გვეხმარება ამოცანები და თავსატეხები მეხსიერების ვარჯიშში?
ადამიანი ყოველდღე დიდი რაოდენობით ინფორმაციას იმახსოვრებს. ზოგიერთი ინფორმაცია სამუშაოსთვის გვჭირდება, ზოგი სასიამოვნო მოგონება ან მოვლენაა. დღეს კომპიუტერული ტექნოლოგიების სამყაროში იმდენი ინფორმაციაა, რომ ყველას გადამუშავება და დამახსოვრება შეუძლებელია. ვუყურებთ მოკლე ვიდეოებს, რომელთა აზრი მაშინვე გვავიწყდება. გარდა იმაზე, რომ მათზე დიდ დროს ვხარჯავთ, მეხსიერებაც საჭირო ინფორმაციით არ ივსება.
მეცნიერები გამოყოფენ მეხსიერების სამ ტიპს. ეს არის სენსორული, მოკლევადიანი და გრძელვადიანი.
სენსორული მეხსიერება წარმოიქმნება ჩვენი სხეულის და გრძნობის ორგანოების იმპულსებისგან. ასეთი მეხსიერება სამ წამზე მეტხანს არ გრძელდება. სწორედ ამიტომ, არ გვახსოვს რამხელა ტკივილი განვიცადეთ თითის გაჭრისას. მაგრამ ჩვენს ტვინს ახსოვს, რომ ეს მტკივნეულია და დანასთან სიფრთხილე გვმართებს.
მოკლევადიანი მეხსიერება საშუალებას გვაძლევს დავიმახსოვროთ მოვლენა 30 წამი განმავლობაში. თუ მოვლენა აღარ განმეორდება, ტვინი ამ მოგონებებს სამუდამოდ წაშლის. თუ იგივე მოქმედება მეორდება ყოველდღე 30 წამის განმავლობაში, მეხსიერება გადადის გრძელვადიან მეხსიერებაში. ჩვევის გამოსამუშავებლად რეკომენდებულია, ერთი და იგივე მოქმედება ყოველდღე შეასრულოთ.
გრძელვადიანი მეხსიერება ინახავს ინფორმაციას მთელი ცხოვრების განმავლობაში. მასში ინახება ყველა მნიშვნელოვანი მოვლენა, თარიღი, ემოცია. ჩვენი სხეულის მოძრაობებიც, როგორ გამოვიყენოთ ესა თუ ის საგანი, ეს ყველაფერი გრძელვადიანი მეხსიერებაა. დროთა განმავლობაში, გრძელვადიანი მეხსიერება „რევიზიას“ გადის და ზოგიერთი მოვლენა და თარიღი გვავიწყდება. რაც უფრო ძლიერია ემოცია, რომელსაც ამ მომენტის დროს განვიცდიდით, მით მეტია ალბათობა, რომ მეხსიერებაში სამუდამოდ დარჩება. აი, ძლიერი სტრესის დროს მეხსიერებამ შეიძლება დაბლოკოს მიღებული ინფორმაცია. ამიტომ ხალხს ხშირად ბუნდოვნად ახსოვს მისი ცხოვრების ნეგატიური მომენტები.
სავარჯიშოები გრძელვადიანი მეხსიერებისთვის
მეხსიერების გასაუმჯობესებლად და მეტი ინფორმაციის დასამახსოვრებლად, უნდა ავარჯიშოთ. ისე, როგორც კუნთებს ავარჯიშებთ. თუ ახალი ინფორმაციის დამახსოვრება გიჭირთ, ჩვენი მარტივი რეკომენდაციები გამოიყენეთ. მაგალითად, შემოთავაზებული სურათების მსგავსად, რომლებიც საშუალებას გაძლევთ ყურადღება გაამახვილოთ და დაიმახსოვროთ არსებული განსხვავებების ადგილმდებარეობა. მნიშვნელოვანია, არა მხოლოდ ინფორმაციის დამახსოვრება, არამედ საჭირო ინფორმაციის სწრაფად პოვნა მეხსიერებაში. ასევე შეგიძლიათ გაიხსენოთ საბავშვო თამაში, ობიექტების და ფიგურების ადგილმდებარეობის გახსენება. ასეთი ვარჯიშები ძალიან კარგია ვიზუალური მეხსიერების ვარჯიშისთვის.
კიდევ ერთი კარგი სავარჯიშოა ხმამაღლა კითხვა. ჩუმად კითხვისას ხშირად ტექსტს თვალს სწრაფად ვავლებთ და არსს ვიჭერთ. ხმამაღლა კითხვა გაცილებით ნელა მიმდინარეობს და იძულებულნი ვართ, თითოეული სიტყვა მთლიანად წავიკითხოთ. ასე უკეთ ვიმახსოვრებთ წაკითხულს და ლექსიკას ვამდიდრებთ. სმენითი მეხსიერების გასავითარებლად ექსპერტები გვირჩევენ აუდიოწიგნების ან პოდკასტების მოსმენას. ეს მეთოდი საშუალებას გაძლევთ კონცენტრირდეთ იმაზე, რასაც უსმენთ.
სავარჯიშოები მოკლევადიანი მეხსიერებისთვის
როგორც ვთქვით, მოკლევადიანი მეხსიერება გვჭირდება ჩვევების ფორმირებისთვის. მის გასავითარებლად ზეპირი ანგარიში დაგეხმარებათ. სკოლაში გამრავლების ცხრილის დაზეპირებას ტყუილად არ გვაიძულებდნენ. შეკრება–გამოკლების მარტივი მაგალითებით დაიწყეთ. შემდეგ გამრავლებაზე და გამოკლებაზე გადადით და საპროცენტო ფასდაკლების მარტივად გამოთვლას ისწავლით.
კიდევ ერთი სავარჯიშო, რომელიც თქვენი ტვინის ორივე ნახევარსფეროს განვითარებაში დაგეხმარებათ. შეასრულეთ რაიმე მოქმედება წამყვანი ხელის გარეშე. თითოეულ ჩვენგანს რაღაცის გაკეთება მარჯვენა ან მარცხენა ხელით უკეთ გამოგვდის. ტვინმა ამის შესახებ იცის და მოქმედებას ავტომატურად ასრულებს. როცა ხელს ცვლით, თქვენს ტვინში ახალი ნეირონული კავშირები წარმოიქმნება. ასეთი ვარჯიში ხელს უწყობს მოტორული მეხსიერების განვითარებას და მოძრაობაზე კონცენტრაციას.
თავსატეხი
დავუბრუნდეთ ჩვენს ამოცანას. ამ სურათებზე არის განსხვავებები. თუ თქვენი ყურადღების დონის შემოწმება გსურთ, იპოვეთ განსხვავებები 30 წამში. რაც უფრო სწრაფად გაუმკლავდებით, მით უკეთესი. გამოცადეთ თქვენი ძალა. ქვემოთ პასუხს იპოვით.
როგორ ფიქრობთ, გაუმკლავდით? შეამოწმეთ, იპოვეთ თუ არა ყველა განსხვავება.
თავსატეხები გვეხმარება მეხსიერების და ყურადღებიანობის განვითარებაში. რაც მეტ მსგავს ამოცანას ამოხსნით, მით უკეთესი. ვიმედოვნებთ, ჩვენი რეკომენდაციები დაგეხმარებათ მეხსიერების და კონცენტრაციის განვითარებაში.
