სამკითხვიანი მოკლე ტესტი ინტელექტზე, რომლის გავლა მხოლოდ ერთეულებს შეუძლიათ

210

პაპარაცი გთავაზობთ, შეამოწმოთ თქვენი ინტელექტის დონე მხოლოდ სამი კითხვით. გაარკვიეთ, რამდენად ჭკვიანი ხართ.

ბოლო დროს პოპულარულია მოსაზრება, რომ ინტელექტი ხშირად გადაჭარბებულად ფასდება. ცხოვრებაში წარმატება დიდწილად დამოკიდებულია სითამამეზე და თავხედობაზე, ვიდრე სუფთა ინტელექტზე. ალბათ, ამაში სიმართლის მარცვალი არის, მაგრამ მაღალი IQ მინუსი არასოდეს ყოფილა. გაინტერესებთ თქვენი ინტელექტის დონე? მისი შეფასება უფრო მარტივია, ვიდრე ფიქრობთ.

ტრადიციული IQ ტესტები ბევრი რთული კითხვით მარტივი შეიძლება არ აღმოჩნდეს. ჩვეულებრივ, 50-100 კითხვას შეიცავს, რაც იწვევს იმედგაცრუებას და მოუთმენლობას.

იყიდება

თუ ფიქრობთ, რომ გრძელი ტესტები რთულია, ფსიქოლოგი შეინ ფრედერიკი ლაკონურ ალტერნატივას გთავაზობთ.

2005 წელს შეინ ფრედერიკმა წარმოადგინა ყველაზე მოკლე ინტელექტის ტესტი. ტესტი მხოლოდ სამი კითხვისგან შედგება და თქვენი ამოცანაა, თითოეულს სწრაფად პასუხი გასცეთ.

იელის მენეჯმენტის სკოლის პროფესორი შეინ ფრედერიკი სპეციალიზებულია გადაწყვეტილებების მიღების პროცესის კვლევაზე. დენიელ კანემანთან, ნობელის პრემიის ლაურეატთან, თანამშრომლობით ფრედერიკმა შეიმუშავა ეს ინტელექტის ტესტი და მის დასადასტურებლად კვლევა ჩაატარა. 3428 მონაწილიდან მხოლოდ 17%-მა უპასუხა სამივე კითხვას სწორად. ნახევარზე მეტმა ერთ კითხვას მაინც არასწორად უპასუხეს, ხოლო მესამედმა სამი შესაძლო ქულიდან ერთიც ვერ აიღო. ამერიკის პრესტიჟული უნივერსიტეტების საუკეთესო სტუდენტების ნახევარმაც ტესტი ვერ გაიარა.

ახლა თქვენი ჯერია შეამოწმოთ თქვენი გონებრივი შესაძლებლობები. ერთი წუთი დაფიქრდით, პასუხები ჩაწერეთ და ბოლოს პასუხებს შეადარეთ. 2 წუთი გაქვთ, რომ სამივე კითხვას პასუხი გასცეთ.

მზად ხართ? აი, კითხვები:

კითხვა № 1: ჩოგბურთის ჩოგანი და ბურთი ერთად ღირს 1 დოლარი და 10 ცენტი. ჩოგანი 1 დოლარით მეტი ღირს, ვიდრე ბურთი. რა ღირს ბურთი.

კითხვა № 2: ხუთ დახლს სჭირდება 5 წუთი, რომ 5 დეტალი დაამზადოს. რამდენი დრო დასჭირდება 100 დახლს 100 დეტალის დასამზადებლად?

კითხვა № 3: ტბაში წყლის შროშანები იზრდება. ყვავილები საკმაოდ სწრაფად იზრდებიან, ყოველდღიურად გავრცელების არეალი ორმაგდება. 48 დღეა საჭირო, რომ ტბა სრულად დაიფაროს შროშანებით. რამდენი დღე დასჭირდება შროშანებს, რომ ტბის ნახევარი დაფაროს?

მიიღეთ პასუხები? დროა, სწორ პასუხებს შეხედოთ.

შეინ ფრედერიკის თქმით, ეს კითხვები შექმნილია მარტივი, მაგრამ არასწორი პასუხების მისაღებად: 10 ცენტი, 100 წუთი, 24 დღე. ჩვეულებრივ, ამ პასუხებს იძლევიან ისინი, რომლებიც ეყრდნობიან ინტუიციურ აზროვნებას, ხოლო ისინი, რომელთაც უფრო ანალიტიკური აზროვნება აქვთ განვითარებული, სწორ პასუხებს პოულობენ.

სწორი პასუხების მისაღებად ხშირად გვიწევს უარის თქმა ინსტინქტურ, მაგრამ არასწორ პასუხებზე, რომელიც პირველი გვაფიქრდება. საინტერესოა, რომ კაცებმა ამ ტესტში უფრო მეტი ქულა დააგროვეს, ვიდრე ქალებმა, რაც ამბობს, რომ კაცებს უფრო ახასიათებთ პასუხებზე დაფიქრება და არა ინტუიციაზე დაყრდნობა.

სწორი პასუხები:

პასუხი № 1: ბურთი 5 ცენტი ღირს. ბურთი 10 თეთრი რომ ღირდეს, ჩოგანი უნდა იყოს 1,10 დოლარი, რაც ჯამში 1,20 დოლარს იძლევა და არა 1,10 დოლარს.

პასუხი № 2: პასუხი 5 წუთია. 100 დახლზე 100 დეტალის დამზადებას 5 წუთი დასჭირდება. მწარმოებლურობა მუდმივი რჩება დახლების რაოდენობის მიუხედავად.

პასუხი № 3: ნახევარი ტბის დაფარვას 47 დღე დასჭირდება. ვინაიდან შროშანების გავრცელების არეალი ყოველდღე ორმაგდება, ტბა სრულად დაფარვამდე 1 დღით ადრე ნახევრად დაფარული იქნება.

თუ სამივე კითხვას სწორად გაეცით პასუხი, გილოცავთ! ერთ-ერთი ყველაზე ჭკვიანი ადამიანი ხართ. თუ რაღაც არ გამოვიდა, იმედი არ გაიცრუოთ. ეს უბრალოდ ნიშნავს, რომ უფრო ინტუიციური აზროვნება გაქვთ განვითარებული.