![Poster_2024_06_26-12_49_15](https://paparazzi.ge/wp-content/uploads/2024/06/Poster_2024_06_26-12_49_15-696x450.jpg)
ჩინელი მეცნიერების მიერ ჩატარებულმა კვლევამ აჩვენა, რომ ნიორი დადებით გავლენას ახდენს სისხლში გლუკოზის და ლიპიდების დონეზე.
ჯანმრთელ ორგანიზმს დამოუკიდებლად შეუძლია შაქრის და ქოლესტერინის დონის დარეგულირება. გლუკოზის და ლიპიდების მეტაბოლიზმის დარღვევა ზრდის ადამიანისთვის სახიფათო პათოლოგიების განვითარების ალბათობას, როგორიცაა ათეროსკლეროზი, შაქრიანი დიაბეტი და ღვიძლის ცხიმოვანი დისტროფია. ჩინელმა მეცნიერებმა დაასკვნეს, რომ ნივრის რეგულარული მიღება შაქრის და ქოლესტერინის დონის ნორმალიზებას ხელს უწყობს.
„დადგინდა, რომ მათ, ვინც რაციონში შეიტანა ნიორი, ჰქონდათ სისხლში გლუკოზის დაბალი დონე, ასევე გლუკოზის უკეთესი კონტროლი, „კარგი“ ქოლესტერინი მაღალი სიმკვრივის ლიპოპროტეინების სახით, ნაკლები „ცუდი“ ქოლესტერინი, ქოლესტერინი ზოგადად შემცირებულია“ – ამბობენ მეცნიერები.
მეცნიერებმა ჩაატარეს მონაცემების მეტაანალიზი, რომლის ფარგლებშიც გაანალიზეს კვლევების ფართო სპექტრის შედეგები. შეისწავლეს, რა გავლენას ახდენს უმი ნივრის, ნივრის ექსტრაქტის და ნივრის ფხვნილის აბის მიღება ადამიანის ორგანიზმზე.
მკვლევრებმა დაასკვნეს, რომ ნივრის ჭამა დადებითად მოქმედებს სისხლში შაქრის და ქოლესტერინის დონეზე, მათი მაჩვენებლების გაუმჯობესება ნივრის მიღებასთან დაკავშირებულია.
მეცნიერები ყურადღებას ამახვილებენ იმაზე, რომ ნიორი ანტიოქსიდანტი ალიცინის წყაროა. ამ ნაერთს აქვს სპეციფიკური ეფექტი ნაწლავის მიკრობიომზე, რითაც აუმჯობესებს სისხლში გლუკოზის და ლიპიდების დონის კონტროლის ბუნებრივ მექანიზმებს.
მნიშვნელოვანია! ინფორმაცია მხოლოდ გაცნობით ხასიათს ატარებს. სპეციალისტს მიმართეთ უკუჩვენებებზე და გვერდით მოვლენებზე და არავითარ შემთხვევაში ჩაიტაროთ თვითმკურნალობა. დაავადების პირველივე ნიშნებზე ექიმს მიმართეთ.