ოფლის მძაფრი სუნის მიზეზი შეიძლება იყოს დაავადებები, მათ შორის დიაბეტი და სხვა ენდოკრინული დარღვევები. ამის შესახებ თერაპევტი იანა შმელევა ამბობს.
ექიმი საუბრობს დიაგნოზის არსებობაზე, რომელიც სხეულის სუნის გაუარესებასთან დაკავშირებულია. ექიმი აღნიშნავს, რომ ოფლის სუნი შეიძლება „ლაპარაკობდეს“ დიაბეტზე და ფარისებრი ჯირკვლის დაავადებებზე, ასევე სხვა პათოლოგიებზე.
„ოფლის რაოდენობის და სუნის ცვლილების მიზეზი შეიძლება იყოს ორგანიზმში არსებული დარღვევები. ოფლის სუნზე შეიძლება გავლენას ახდენდეს შაქრიანი დიაბეტი, ფარისებრი ჯირკვლის დაავადებები, თირკმლის დაავადებები, პოლიკისტოზური საკვერცხეების სინდრომი, D ვიტამინის დეფიციტი და სხვა დაავადებები“ – გვიზიარებს შმელევა.
თერაპევტმა დასძინა, რომ სხეულის მდგომარეობის უეცარი ცვლილებების უგულებელყოფა არ შეიძლება. თუ ოფლს მოულოდნელად და მკვეთრად უსიამოვნო სუნი აქვს, ექიმს უნდა მიმართოთ და გამოიკვლიოთ. სპეციალისტმა შეიძლება დაგინიშნოთ რიგი ანალიზები შესაძლო პრობლემების გამოსავლენად. შმელევის თქმით, ამ შემთხვევაში საჭიროა აიღოთ სისხლის საერთო ანალიზი, ასევე სისხლის ანალიზი C-რეაქტიულ ცილაზე, შეამოწმოთ TSH დონე, შაქრის დონე, ჩაიტაროთ მუცლის ღრუს ექოსკოპია.
ექიმი ხაზგასმით აღნიშნავს, რომ ჩვეულებრივ ოფლს უსიამოვნო სუნი არ ასდის. ორგანიზმში ზოგიერთი დარღვევისა და ჰორმონალური რყევების გარდა ოფლის უსიამოვნო სუნის მიზეზი შეიძლება იყოს ჰიგიენის უგულებელყოფა, თეთრეულის და ტანსაცმლის იშვიათი გამოცვლა, მარილის, ცხარე საკვების და სანელებლების ჭარბად მიღება, კოფეინი, ალკოჰოლი, ასევე სტრესი და შფოთვა.
მნიშვნელოვანია! ინფორმაცია მხოლოდ გაცნობით ხასიათს ატარებს. სპეციალისტს მიმართეთ უკუჩვენებებზე და გვერდით მოვლენებზე და არავითარ შემთხვევაში ჩაიტაროთ თვითმკურნალობა. დაავადების პირველივე ნიშნებზე ექიმს მიმართეთ.
