ამ შინ დამზადებულ ნაყენებს თუ სასმელებს ორგანიზმიდან შლაკები და ტოქსინები გამოაქვს, ასევე აძლიერებს იმუნურ სისტემას და ზოგიერთ დაავადებასთან ბრძოლაშიც ეფექტურია. მაგალითად, გაცივებასთან, თავის ტკივილთან და ა.შ.
თქვენ წინაშე 3 ყველაზე მარტივად მოსამზადებელი და ეფექტური სასმელია:
დეტოქს-სასმელი ვაშლის ძმრით
ინგრედიენტები:
- 1 სუფრის კოვზი ვაშლის ძმარი
- ნახევარი ლიმონის წვენი
- 1 ჩაის კოვზი თაფლი
ვაშლის ძმარს ერთი ჭიქა ცხელი წყალი დაასხით, დაუმატეთ ლიმონის წვენი და თაფლი. მზადაა! დალიეთ თუნდაც ერთ ან ორ კვირაში ერთხელ.
არომატული მწვანე ჩაი
ინგრედიენტები:
- 3 ჩაის კოვზი მწვანე ჩაი
- 2 ფოთოლი ახალი პიტნა
- 2 სუფრის კოვზი თაფლი
- სამი ფორთოხლის წვენი
- 3 სუფრის კოვზი გახეხილი კოჭა (ჯანჯაფილი)
ნახევარი ლიტრი წყალი დაუღებამდე მიიყვანეთ და ადუღებულ წყალში ჩაყარეთ გახეხილი კოჭა, 5 წუთით. ქვაბი გადმოდგით ცეცხლიდან და დაუმატეთ ჩაი, ასევე პიტნა. იდგეს 5 წუთი, შემდეგ გადაწურეთ. დაუმატეთ თაფლი გემოვნებით. გააგრილეთ და დაუმატეთ ფორთოხლის წვენი. მიირთვით გაგრილებული.
კოქტეილი ჟოლოთი და მწვანე ჩაით
ინგრედიენტები:
- 1 ჭიქა ცივი მწვანე ჩაი
- 100 მლ ნატურალური იოგურტი დანამატების გარეშე
- 100 გრ გაყინული ჟოლო
- 1 ცალი ბანანი
- 1 ჩაის კოვზი თაფლი
- 1 პაკეტი ვანილის შაქარი
- ყინულის კუბები
ყველა ინგრედიენტი ბლენდერში ათქვიფეთ. როცა კონსისტენცია ერთგვაროვანი გახდება და ქაფს მოიკიდებს, ჭიქებში ჩამოასხით და მიირთვით.
