სხვისი ახალგაზრდა ცოლი ნამდვილი პრობლემა შეიძლება გახდეს. განსაკუთრებით, თუ ყოფილი ქმრის ახალი ცოლია. ჩვენი ამბის გმირი 60 წლის ასაკში მარტო დარჩა. შვილებს საკუთარი ოჯახები აქვთ, ხოლო ქმარმა შეურაცხმყოფელი სიტყვები თქვა და ახალგაზრდა ლამაზმანთან წავიდა. თუმცა ბუმერანგის კანონი ყველასთვის მოქმედებს. ვინ გაიცინებს ბოლოს?
სხვისი ახალგაზრდა ცოლი
ჩემი მეუღლე 53 წლის იყო, როცა ოჯახურმა იდილიამ რღვევა დაიწყო. მე საყვარელი ცოლიდან ბუზღუნა მოხუცად და ცუდ დიასახლისად გადავიქეცი. მასზე ცუდად ვზრუნავ, ვზარმაცობ. ქმარი გახდა უხეში, შარიანი და ჭირვეული.
თავიდან ყველაფერს ასაკს ვაბრალებდი: დროთა განმავლობაში, ყველაფერი ფუჭდება, ხასიათიც. კეთილმა ხალხმა თვალები ამიხილა. თურმე, ჩემს ქმარს ახალგაზრდა საყვარელი ჰყავს!
ამ სიახლემ სრულად გამაოცა. ვის შეიძლება მოსწონებოდა ჩემი თორნიკე? არც ლამაზია, არც მდიდარი. პურის ქარხანაში რიგითი თანამშრომელია, მაღაზიებს პროდუქციას აწვდის. აი, ერთ-ერთ მაღაზიაში ლამაზი გამყიდველი მოეწონა. მასზე 15 წლით უმცროსი.
ამ ქარაფშუტაზე შემდეგი რამ გავიგე. სამ შვილს მარტო ზრდის. როგორც ჩანს, შვილებისთვის მომავალ მამას ეძებს. ჩემი თორნიკე ამ როლისთვის შესაფერისია. უწყინარია, არ სვამს, არ ეწევა, ხელფასს ბოლო თეთრამდე იძლევა. კარტს ფულზე არ თამაშობს, მხოლოდ ფეხბურთი და თევზაობა უყვარს.
ბრძნული გადაწყვეტილება
ასე გადავწყვიტე. ვაჟი და ქალიშვილი დიდი ხანია მოწყობილნი არიან. შვილიშვილებს უფრო დიდი ხალისით მოვუვლი, ვიდრე მოხუც კაზანოვას. ჯანდაბამდე წასულა. დამშვიდობებისას ჩემი შეურაცხყოფის შანსი ხელიდან არ გაუშვა.
რა არ მითხრა, სასაცილოც არის და სატირალიც. სათანადოდ არ მიყვარდა, არ ვაფასებდი, არ ვცდილობდი. შვილები ყოველთვის პირველ ადგილზე იყვნენ. გაიზარდნენ და მე აღარ ვჭირდები. მარტო ცხოვრება მომიწევს, რადგან ასეთ განძს არ ვაფასებდი. ახლა ამას სხვა გააკეთებს. დაე, ასე იყოს!
იცით, რა იწვევს ყველაზე მეტ კითხვას? როგორ ახერხებს სამშვილიანი ქალი კაცისთვის სიამოვნებას? იქნებ, საქმე ასაკშია?
სხვისმა ახალგაზრდა ცოლმა სიურპრიზი მომიმზადა
როცა განქორწინების შემდეგ ქონების გაყოფა დავიწყეთ, თორნიკეს ქალმა კბილები გამოაჩინა. სხვისი ახალგაზრდა ცოლი მზად იყო თითოეული ლარისთვის ებრძოლა. ყოფილი ქმარი საწინააღმდეგოდ არაფერს ამბობდა. ყველა თეფშს ეჭიდებოდა!
რაც არ უნდა გაბრაზებული ვიყო თორნიკეზე, ბედმა უფრო მეტად დასაჯა. მართალია, რასაც ამბობენ: არ არსებობს იმაზე დიდი სასჯელი, ვიდრე ახდენილი ოცნება.
კაზანოვას ახალგაზრდა ცოლი მეოთხედ დაორსულდა. რაც შეეხება ახალ ქმარს? ჩემთან გამოიქცა დამნაშავე თვალებით. სულ გაჭაღარავებული, თითქოს წყალში ჩაძირული. თხოვნით, უკან მიმიღე, მე სულელი. არ ესმოდა, ვერ მაფასებდა და ამ სტილში. არ შეუძლია, საწყალს, ბავშვების კვნესასა და ტირილში ცხოვრება. კიდევ ერთ პატარას ვერ აიტანს. სურს, დაუბრუნდეს მშვიდ ყოფას, უყუროს ფეხბურთს მეგობრებთან ერთად და ივახშმოს სიწყნარეში.
ყველაფრისთვის უნდა გადაიხადოთ
კინაღამ ავხარხარდი. „არა, ქმარიკო. ცხენს გზაჯვარედინზე არ ცვლიან, მით უმეტეს ცოლებს. რაღაც ძალიან გიხაროდა, ახლა მაქსიმალურად გაერთე!“ – ვუთხარი მას.
ახლახან ნათლობის ფოტოები შემხვდა. ბედნიერი დედის გვერდით თორნიკე იდგა. გამხდარი, პირქუში, სულ ჭაღარა. გული მკარნახობს, ოთხ ბავშვზე არ გაჩერებულან.
რაც შემეხება მე, დღემდე მაინტერესებს, საიდან ამდენი სიმშვიდე. იქნებ, საქმე ჩემს ჭაღარა თმაშია. რაღა მაქვს სადარდო და სანაღვლო? მეორედ დაქორწინებას აღარ ვაპირებ. თუ ვინმე ღირსეული შემხვდება, ერთად ცხოვრებას შეიძლება დავთანხმდე.
ახლა მხოლოდ შვილებზე და შვილიშვილებზე ვფიქრობ. მყავს ადამიანები, ვისთვისაც უნდა ვიცოცხლო. ყოფილი ქმარი უკვე გაიზარდა და თავად აგოს პასუხი საკუთარ ქმედებებზე. უნდოდა, რომ ყველა მომსახურებოდა. მაგრამ, როგორც ამბობენ, რაც მოგივა დავითაო, ყველა შენი თავითაო.
