არსებობს ცუდ ენერგიებთან ბრძოლის სპეციალური მეთოდები, რომელთა შესახებ კარგად იციან სხვადასხვა ალქაჯებმა, მკითხავებმა და ბებიაქალებმა. ისინი ფლობენ ბავშვთა დაავადებებთან, რთულ მშობიარობასთან და მსგავს უსიამოვნებასთან ბრძოლის იდუმალ მეთოდებს. გათვალვის წინააღმდეგ ბრძოლაში ეკლესიაში სიარულიც დაგეხმარებათ. მთავარია, მამაო თავისი საქმის პროფესიონალი იყო და მთელი სერიოზულობით მოგისმინოს.
საიდან მოდიან ადამიანები, რომლებიც ცდილობენ, სხვებს ზიანი მიაყენონ? კარგი კითხვაა. ითვლება, რომ არსებობს კაცობრიობის მცირე პროცენტი, რომელსაც სასიცოცხლოდ სჭირდება ადამიანების ენერგიით გამოკვება. თან მხოლოდ საუკეთესო ენერგია სჭირდებათ. საფრთხის ქვეშ არიან ბავშვები, ახალგაზრდა ქალები, კეთილი გულის მამაკაცები და ქალები. „ბოროტი ძალები“ (მოდით, ასე ვუწოდოთ მათ) მათ გატეხვას ცდილობენ. რისთვის? გადარჩენისთვის.
ბრძოლა გათვალვის წინააღმდეგ
ალბათ, ბავშვობაში წაგიკითხავთ ზღაპრები ბოროტ ალქაჯებზე, ცხვირზე მეჭეჭებით. მათზე, რომლებიც ცოცხებით დაფრინავენ, შავ კატებთან მეგობრობენ და ყოველგვარი სისულელის ჩადენა უყვართ. ამავდროულად, კარგი ალქაჯი საერთოდ არ არის ალქაჯი. უფრო ჯადოქარია, რომელიც ბავშვებს ბოროტებისგან თავის დაღწევაში ეხმარება, თაგვებს ცხენებად აქცევს, გოგრას კარეტად და ა.შ. დიახ, მიუხედავად იმისა, რომ ამ ზღაპრების ორიგინალი გაცილებით სასტიკია და არც ისე ბავშვური, მაინც ზღაპარია. თუმცა, როგორც ასეთი ლიტერატურის უმეტესობას, მათაც აქვთ გარკვეული ლოგიკური დასაბუთება.
როცა ქალს ანგელოზის ხასიათი აქვს და ლამაზია, მაგრამ მამაკაცი მასთან არ ჩერდება, ვისთან წავა? როცა ოჯახი ვერ ახერხებს ბავშვის გაჩენას, ხოლო გაჩენის შემდეგ ბავშვი ხშირად ავადმყოფობს, ვის მიმართავს? არა ყოველთვის, მაგრამ ბევრი ადამიანი თავისი დარგის სპეციალისტთან მიდის. მათ ნებისმიერი სახელი შეგიძლიათ უწოდოთ: ნათელმხილველი, მკითხავი, თუნდაც კუდიანი. ამით არსი არ იცვლება.
ჩვენ პროგრესულ საუკუნეში ვცხოვრობთ, მაგრამ დღემდე გვესმის, როგორ ეხმარებიან „საოცარი“ ადამიანები სხვებს იმის პოვნაში, რასაც ეძებენ, იქნება ეს სიყვარული, ბედნიერება თუ სიმდიდრე. არ ვსაუბრობთ თაღლითებზე, რომლებიც გვხვდება როგორც ქალაქებში, ასევე სოფლებში, არამედ ერთეულებზე, რომლებიც ჩვენთვის უცნობ განსაკუთრებულ ნიჭს ფლობენ. თაღლითები ყოველთვის არსებობდნენ. მაგალითად, ისინი, რომელთაც თავი მოჰქონდათ ექიმად, სპორტსმენად, ფსიქოლოგად, ლინგვისტად. ამის გამო ამ პროფესიებს ხომ არ გავაუქმებთ?
ასეა თუ ისე, მსოფლიოს ნებისმიერ წერტილში, დიდ ქვეყანაში თუ პატარა ტომში, ყველამ იცის გამორჩეული უნარების მქონე ადამიანების შესახებ. ხალხი ხშირად მიმართავს მათ დახმარებისთვის. ვფიქრობთ, ამ შემთხვევაში დაცინვა ზედმეტია, თუმცა უფლება გაქვთ ისე მოიქცეთ, როგორც გსურთ. თუ გავარკვიეთ „კეთილ“ ნახევარში, როგორია ამ უნიკუმის მეორე ნახევარი? ნუთუ მართლა ბოროტია? რატომ აკეთებს ამას? იმიტომ, რომ ასე უნდოდა თუ არსებობს ობიექტური მიზეზი?
ბაბა იაგა და „უკვდავი“კოშეი
უძველესი დროიდან ბევრი მწერალი თავის წიგნებში და ავტობიოგრაფიებშიც მოგვითხრობდა იმაზე, როგორ შეხვდნენ „გამორჩეულ, სხვებისგან განსხვავებულ“ ქალებს. ვგულისხმობთ ქარიზმას, ცოდნას, უნარებს, ხმის ტემბრს ან სუნს. ხშირად, ამ ალქაჯებს სასიამოვნო სურნელი ასდიოდათ. რა არის პრობლემა? პრობლემა იმაშია, რომ ასეთ ქალებს მთელი ამ სილამაზის შესანარჩუნებლად სჭირდებათ გამოკვება და არა რძემჟავა პროდუქტებით.
ადამიანის ენერგია – აი, რა სჭირდება ალქაჯს უპირველეს ყოვლისა. ხანდახან ეს არის მწუხარება, ხან სასოწარკვეთა, ხან ბრაზი. ისინი ყველაფერს ისე აწყობენ, რომ ადამიანმა ეს ემოციები განიცადოს. თან ისე, რომ ყველაფერში დაადანაშაულოს მხოლოდ საკუთარი თავი ან ვინმე სხვა, მაგრამ არა ტანჯვის წყარო. ცნობილია შემთხვევები, როცა მთელი სოფელი დაუპირისპირდა ერთ მარტოხელა ქალს ან გოგონას, რომელიც ხორცშესხმულ ანგელოზს ჰგავდა. მის გარშემო კი პირუტყვი შიმშილობდა, წყაროები შრებოდა და ხანძრები ჩნდებოდა.
ხდებოდა და ახლაც ხდება, როცა ოჯახი თავისთვის ცხოვრობს, დარდი არ იცის და უცებ ყველაფერი ხელიდან ეცლება. ქმარი თავს ცუდად გრძნობს, სამსახური აღარ აქვს, არც ფული. ბავშვები ყვირიან, ცხოვრების პირობები სწრაფად ვარდება. სამაგიეროდ, ცოლი დღითიდღე უფრო და უფრო ლამაზდება, უბრალოდ იფურჩქნება. მეზობლები ამბობენ, რომ, ალბათ, ვიღაც იპოვა. მაგრამ არა, უბრალოდ ასე მოხდა, თავს კარგად გრძნობს. ასე დაემთხვა, რა ქნას?!
მაშინაც კი, თუ ასეთი ადამიანები დიდხანს და შედარებით კარგად ცხოვრობენ, ყველაფერი შეიძლება შეიცვალოს. სილამაზე მარადიული არ არის. ადრე თუ გვიან, მამაკაცი მის მიმართ ინტერესს კარგავს, ხალხს აღარ იზიდავს მისი საუბრები, სხვა ქალები ზიზღით გვერდს უვლიან, შინაგან დაძაბულობას და ნეგატივს გრძნობენ. რას აკეთებენ ალქაჯები, როცა აღარ ყოფნით რესურსი? ნუთუ მიდიან ტყეში, წრეზე იკრიბებიან და რიტუალებში მონაწილეობენ? შესაძლოა, ადრე ასეც აკეთებდნენ, მაგრამ ახლა სხვა სტრატეგია აქვთ.
იღებენ გრძელ და უფერო თავშალს, რომელშიც ისე ეხვევიან, გაგიჭირდებათ გამოიცნოთ, ვინ დგას თქვენს წინ. ასაკი და აღნაგობაც არ ჩანს. შემდეგ მიდიან ეკლესიაში. იქ, სადაც დღესასწაულებზე იკრიბებიან ადამიანები ბავშვებთან ერთად სალოცავად. იქ, სადაც მარტივად და ზუსტად შეუძლია იპოვოს „ახალი მსხვერპლი“.
– ოჰ, შვილო, რამდენი წლის ხარ? როგორი დიდი ბიჭი ხარ, როგორც ჩემი შვილიშვილი.
– ქალიშვილო, აჩუქე ბებიას წვრილი ფული. შენთვის ეს დიდი არაფერია. აი, სანაცვლოდ მოგცემ ჩემი დიდი ბებიის სამაჯურს. ძალიან მოგიხდება!
– ბიჭუნა, რა გქვია? აი, აიღე კანფეტი. გაიზარდე დიდი ბიჭი.
ყველა ეს შეხვედრა და კონტაქტი ძალიან სასარგებლოა მათთვის, ვისაც თქვენი ენერგია სჭირდება. აი, რიგით ადამიანს მოუტანს მხოლოდ ცუდ განწყობას, ავადმყოფობას, პრობლემებს სამსახურში და ოჯახურ ცხოვრებაში. ყველაფერი დამოკიდებულია ჯადოს ძალაზე. ხაფანგში რომ გაებათ, სიფრთხილე გამოიჩინეთ და თავით იფიქრეთ. ვინ იცის, ვინ გელოდებათ კუთხეში. უმჯობესია, თავი დაიზღვიოთ.
