რა შეიძლება იყოს იმაზე უკეთესი, ვიდრე ბედნიერ მომავალზე ფიქრი, ოცნება, გეგმების შედგენა?! თუმცა რეალური ცხოვრება სავსეა სიურპრიზებით და მოულოდნელობებით. ხშირად, ცხოვრება არც ისე დადებით სიურპრიზებს გვიმზადებს. თუ ზარმაცი ხართ და უბრალოდ დინებას მიყვებით, სანერვიულო თითქმის არაფერი გაქვთ. მათ, ვინც ცდილობს გამორჩევას, სპორტში, კარიერასა თუ შემოქმედებით საქმიანობაში წარმატების მიღწევას, ზურგს უკან ბევრი მოშურნე ჰყავთ და ხშირად მათი არსებობის შესახებ არც იციან.
ასეთ არაკეთილმოსურნეებს ნებისმიერი რამ შეგიძლიათ უწოდოთ. მაგალითად, ბოროტი, ნეგატიური ხალხი, ენერგეტიკული ვამპირები, ჯადოქრები. ამით არაფერი შეიცვლება. რა თქმა უნდა, მასობრივმა კულტურამ ეს ცნებები აბსურდამდე, საბავშვო მულტფილმების რანგამდე დაიყვანა. მაგრამ ეს შემთხვევით არ გააკეთეს, არამედ იმისთვის, რომ ხალხმა ნაკლები იფიქროს. და მაინც, მცოდნე ხალხი ამბობს: რაღაც ბნელი ყოველთვის გელოდება კუთხეში. რაღაც, რასაც სჭირდება თქვენი ენერგია, სასიცოცხლო ძალა, ჯანმრთელობა. ბევრს კი არ აქვს საკმარისი ცოდნა თავდასაცავად. შესაძლოა დაგეხმაროთ ეკლესიაში სიარული ან ბრძენი ბებიები, რომელთა რაოდენობა ყოველწლიურად სულ უფრო და უფრო მცირდება.
უსაფრთხო პრაქტიკები
ამბობენ, მის წვერზე კოშეის სიკვდილი იმალება და გასაკვირი არც არის. ნემსი ან, მისი პათოსური ვარიანტი, ქინძისთავი საბაზისო ნივთია და ამიტომ ეფექტური საშუალებაა გათვალვის და ავი ზრახვების წინააღმდეგ. ასი წლის წინ (ზოგი დღესაც აკეთებს) ხალხი ჯიბეში ბრაწს აჩვენებდა და თვალებში უყურებდა მათ, ვინც ბოროტებას უსურვებდა ან თავად იყვნენ ბოროტები. და იცით, რა? ეხმარებოდათ. მათ სურთ ენერგია წაგართვან, შენ კი აძლევ იმას, რასაც ითხოვენ. მხოლოდ არის ერთი ნიუანსი.
დაფიქრებულხართ, რატომ მიდიოდნენ დიდგვაროვნები ყველა ხალხმრავალ შეკრებაზე, როგორიცაა ქორწილი, ბავშვის დაბადება, დაკრძალვა, ყოველთვის ქინძისთავით დამაგრებული აქსესუარით, თან გამოსაჩენ ადგილებში? ბუტონიერი, ბროში, ჭრელი ლენტი. რატომღაც, ეს აქსესუარი ყოველთვის ფიგურირებდა. რატომ? დიდგვაროვნებმა კარგად იცოდნენ თამაშის წესები და ამის ჩვენებას არ ერიდებოდნენ. აი, უბრალო ხალხი, ვისაც ესმოდა, რომ კარგად მომზადებული ქინძისთავი ზედმეტი არ იქნებოდა ქუჩაში, მალავდა მას საგარეო ტანსაცმლის შიდა მხარეს.
რა ქინძისთავია? ძალიან მარტივი, ჩვეულებრივი, მაგრამ ახალი ქინძისთავი ან ნემსი, რომელიც ჯერ არავის გაუკეთებია. ისეთი, რომელიც სხვისი ფიქრებით და საქმით არ არის გაჯერებული. ვერცხლის უკეთესია, მაგრამ ფოლადიც გამოდგება. ასეთი ქინძისთავი ტანსაცმელზე, მარცხენა მხარეს, გულთან ახლოს დაიმაგრე და ეკლესიაში წადი. ეკლესიაში რამდენიმე წუთით გაჩერებაც საკმარისია. შემდეგ ქინძისთავი ნაკურთხი წყლით სავსე კონტეინერში მოათავსე და 1 დღე გააჩერე. თილისმა მზად არის, რომ დაგიცვათ დღე-ღამის ნებისმიერ მონაკვეთში. მთავარია, ახლოს გქონდეთ.
როდის შეიცავს საფრთხეს?
ზოგადად, ქინძისთავი ენერგიის გამტარია და შეუძლია არა მხოლოდ კარგი, არამედ ცუდი ენერგიის გატარება. თუ იპოვეთ თქვენი სახლის კარში ჩაჭედილი ან დამალული ქინძისთავი, ცუდი ნიშანია. ვიღაც ცდილობს, ზიანი მოგაყენოთ. კარი, ხალიჩა, თამასა – ამ ადგილებში მარტივია შელოცვილი ნემსის დამალვა. არაკეთილმოსურნემ შეიძლება გამოიყენოს რაღაც ცუდისთვის.
ადრე დავწერეთ, რომ ეკლესიის მახლობლად ხშირად შეგიძლიათ ნახოთ ხალხი, რომლებიც თქვენი ენერგიით გამოკვებაზე უარს არ იტყვიან ან სიამოვნებით გადმოგცემენ ცუდ ენერგიას. ამ მიზნით ცდილობენ, დაგიწყონ ლაპარაკი აბსტრაქტულ თემებზე, შეგეხონ ხელზე ან ტანსაცმელზე, თქვენი ყურადღება მიიქციონ. ასეთ ხალხს გვერდი აუარეთ, წინააღმდეგ შემთხვევაში კარგად არ დასრულდება. არაკეთილმოსურნე ხალხის არსენალში არის კიდევ ერთი „ხრიკი“, რომელიც დღევანდელ თემასთან პირდაპირ კავშირშია.
ისინი იღებენ სუფთა ნემსს, ქინძისთავს ან ბროშს. ისეთს, მდიდრულად რომ გამოიყურებოდეს. ამ აქსესუარს ულოცავენ და ხალხმრავალ ადგილებში ყრიან. ასე ელის აქსესუარი თავის დროს და ადამიანს. მისი მპოვნელი ფიქრობს, რომ გაუმართლა, ამიტომაც მბზინავ ნივთს იღებს და ჯიბეში ინახავს. მორჩა, საქმე გაკეთებულია. მნიშვნელობა არ აქვს, შეინახავთ თუ გაყიდით. ამ შემთხვევაში მხოლოდ ეკლესიაში სიარული ან მცოდნე ხალხთან ვიზიტი დაგიცავთ წარუმატებლობისგან, ავადმყოფობისგან და სხვა უსიამოვნებებისგან.
დიახ, ასე მუშაობს შელოცვები. ზოგი ფიქრობს, რომ ნებისმიერი საგანი, მაგალითად, ფული გამოდგება. ამიტომ მიწიდან არ იღებს მსხვილ კუპიურასაც. ამაში არის სიმართლის მარცვალი, ნამდვილად ასეა, თუმცა ნემსთან ან ქინძისთავთან შედარებით ეს ყველაფერი ბავშვური გართობაა.
ეს რეალურია?!
ამ შემთხვევაში პესიმიზმი გასაგებია. დღეს უფრო გვაოცებს ელექტრო მანქანები ან ახალი, უფრო ძლიერი გაჯეტები, რომლებზეც ადრე ვერც ვიოცნებებდით. თუმცა, ადამიანები თანდათან ივიწყებენ წარსულს და ბოროტებას სხვა არაფერი სჭირდება. ინფორმაცია რიტუალებზე, რომლებიც ოდესღაც რაღაც სერიოზული და წმინდა იყო, დღეს ირონიით და დაცინვით წარმოდგენილია.
ავიღოთ წვრილი წითელი ძაფი, რომელსაც მაჯაზე ატარებენ. ალბათ, გინახავთ ცნობილი ადამიანები, რომლებიც მაჯაზე წითელი ძაფით გამოდიან სცენაზე ან სხვადასხვა დაჯილდოებაზე და ბანკეტზე. არ რცხვენიათ ამ აქსესუარის ტარება? ძვირია? სულაც არა. იუდაიზმი ამბობს, რომ ასეთი ძაფი დროის დასაწყისის სიმბოლოა. ეს არის ძლიერი სიმბოლო, რომელსაც შეუძლია დაიცვას ადამიანი ბოროტებისა და ცუდი აზრებისგან. არაფერს გახსენებთ? ქინძისთავსაც მსგავსი დანიშნულება აქვს. უბრალოდ ამას დამატებული აქვს მუჭა მარკეტინგი და სამი ტომარა პათოსი.
მე-17 საუკუნეში ევროპელები ატარებდნენ კურდღლის თათს წარმატებისთვის, ახლა უმაღლესი დონის სპორტსმენები კვირების განმავლობაში არ იხსნიან სახვევს, სამაჯურს და წინდებსაც. ყველაფერი, დიდი შედეგის მისაღწევად. დიახ, ზოგიერთ მათგანს შეიძლება ეწოდოს მარტივი რიტუალი, რომელსაც სარგებელი არ მოაქვს, მაგრამ ფაქტია, რომ ეს არის გამოძახილი იმისა, როგორ ებრძოდნენ ადამიანები ბოროტ სულებს და დღემდე აგრძელებენ. რა დასკვნებს გამოიტანთ მოცემული ინფორმაციით, თქვენი გადასაწყვეტია. ჩვენი ამოცანაა საჭირო ინფორმაციის მოწოდება.
