თითოეულ ქვეყანას საკუთარი კვების ტრადიციები აქვს. მეზობელ ქვეყნებშიც ტრადიციები შეიძლება ძალიან განსხვავდებოდეს. ეს განსაკუთრებით ეხება სასმელებს. მაგალითად, იტალიაში მიღებულია კაპუჩინოს დალევა მხოლოდ დღის პირველ ნახევარში. ეს დაუწერელი წესი ყველა იტალიელმა იცის.
ჩემი მეგობარი უკვე 15 წელია იტალიაში ცხოვრობს. როცა რამდენიმე დღით სამშობლოში დაბრუნდა, ქალაქში სასეირნოდ გავედით. უკვე საღამოვდებოდა, როცა მეგობარმა ისურვა კაფეში შესვლა და მისი საყვარელი სასმლის, კაპუჩინოს შეკვეთა. თურმე, იტალიურ ტრადიციებში მას მხოლოდ დღის 12 საათამდე სვამენ. ამიტომაც, ყოველ საღამოს მე და ჩემი მეგობარი კაპუჩინოს დასალევად გავდიოდით.
რატომ შეიძლება იტალიაში კაპუჩინოს დალევა მხოლოდ სადილობამდე?
იტალია ერთ-ერთი ქვეყანაა, რომელიც ყავის სამშობლოდ ითვლება. ეს სრული სიმართლე არ არის, მაგრამ სწორედ იტალიაში იწყება ისეთი პოპულარული ყავის სასმელების ისტორია, როგორიცაა კაპუჩინო და ესპრესო. იტალიელები ყავას სვამენ დიდი რაოდენობით, ყოველთვის და ყველგან. მართალია, თუ ხედავთ, რომ ადამიანმა შეუკვეთა კაპუჩინო სადილის ან ვახშმის შემდეგ იტალიურ კაფეში, დარწმუნებული იყავით, რომ ტურისტია.
რატომ არ სვამენ იტალიელები კაპუჩინოს დღის 12 საათის შემდეგ?
ამ ყავის დისკრიმინაციის რამდენიმე მიზეზი არსებობს:
ისტორია
ასეა თუ ისე, შუადღის შემდეგ კაპუჩინოზე უარის თქმა სასმელში რძესთან ასოცირდება. ზოგიერთი ექსპერტი ამტკიცებს, რომ ეს გრძელდება იმ შორეული დროიდან, როდესაც იტალიელებს სახლში მაცივარი არ ჰქონდათ. იტალიაში საკმაოდ ცხელი კლიმატია, რაც ართულებდა რძის შენახვას. ამიტომაც დღის პირველ ნახევარში იღებდნენ ყველა რძის პროდუქტს, რომელიც შეიძლება გაფუჭებულიყო.
საჭმლის მონელება
იტალიელები კაპუჩინოს სქელი მკვრივი ქაფით სვამენ, ამიტომ ძალიან ცხიმიან რძეს იყენებენ. მის მონელებას საკმაოდ დიდი დრო სჭირდება. ამ მიზეზით მიღებულია კაპუჩინოს დალევა საუზმეზე, რომ რძემ მოასწროს სწორად მონელება და არ გამოიწვიოს კუჭ-ნაწლავის ტრაქტის დარღვევა ან სხვა პრობლემა.
ამავდროულად, იტალიელები, როგორც წესი, ნოყიერად სადილობენ ან ვახშმობენ. ცხიმიანი ცხელი ყავა ტრაპეზის საუკეთესო დასასრული არ იქნება. თუ ძალიან გინდა ყავა სადილის შემდეგ, იტალიელები ესპრესოს დალევას გირჩევენ.
გემო
იტალიელები თვლიან, რომ რძის განსაკუთრებული გემო სხვა საკვების აღქმას ხელს უშლის. ამიტომაც, რძიანი ყავის დალევა დილით არის მიღებული. იტალიელების უმეტესობა საუზმეზე მიირთმევს კრუასანს ან ფუნთუშას, ამიტომ კაპუჩინო მათ კარაქის გემოს იდეალურად ავსებს. ამრიგად, გემოს რეცეპტორები საუკეთესოდ მუშაობს.
რა თქმა უნდა, თუ სადილის შემდეგ იტალიაში კაპუჩინოს დალევას ისურვებთ, მოგიმზადებენ, მაგრამ ახლა იცით, რომ ნამდვილი იტალიელები ასე არ იქცევიან.
