ზამთრისთვის მომზადებულ კონსერვებს შორის ყაბაყის ხიზილალა ყოველთვის განსაკუთრებულ ადგილს იკავებს. ის უყვარს როგორც ბავშვებს, ასევე უფროსებს. იდეალურად ეთავსება ნებისმიერ გარნირს, ხორცს და უბრალოდ პურს. ყველა დიასახლისმა მისი მომზადება არ იცის და თუ ეს თქვენზეა, შეგვიძლია დაგეხმაროთ. ყაბაყის ხიზილალა ჩვენი რეცეპტით წარმოუდგენლად გემრიელი გამოვა.
ეს რეცეპტი კოლეგამ გამიმხილა. მთელი ზამთარი სამსახურში მოჰქონდა მის მიერ მომზადებული ყაბაყის ხიზილალა. ამ გემომ ბავშვობა გამახსენა. ძველად ამ კონსერვის ყიდვა ნებისმიერ მაღაზიაში შეიძლებოდა. ჩემი კოლეგის რეცეპტით ხიზილალა ზუსტად ისეთი გამოდის, როგორიც ბავშვობაში მახსოვს. როგორც კი ყაბაყის სეზონი დადგა, მაშინვე რეცეპტი ვთხოვე, რომ ოჯახის წევრები გემრიელობით გავახარო.
ყაბაყის ხიზილალა მთელი ოჯახისთვის
ეს რეცეპტი კარგია იმით, რომ ხიზილალა ძალიან სწრაფად მზადდება და წარმოუდგენლად გემრიელი გამოდის. დაუმატეთ ერთი უჩვეულო ინგრედიენტი, რომელიც გემოს უფრო გამოხატულს გახდის. მოამზადეთ და თავად დარწმუნდით!
ყაბაყის ხიზილალას რეცეპტი
ინგრედიენტები:
- 2 კგ ყაბაყი
- 3 ხახვი
- 1 თავი ნიორი
- 200 გ მაიონეზი
- 5 ს/კ პომიდვრის პასტა
- 3 ჩ/კ ძმარი
- 80 გ შაქარი
- მარილი გემოვნებით
- ქათმის სანელებლები
მომზადების წესი:
1. ყაბაყის მომზადებით დაიწყეთ. ახალი ბოსტნეული აიღეთ, რომ ხიზილალა გემრიელი გამოვიდეს. თუ ყაბაყი მსხვილი და ძველია, მაგარი ქერქი მოაშორეთ.
2. ხახვი გაასუფთავეთ და ნაჭრებად დაჭერით. ხახვი და ყაბაყი ხორცსაკეპ მანქანაში გაატარეთ ან დააბლენდერეთ.
3. სქელძირიან ქვაბში ხიზილალა მოათავსეთ და 50 წუთი სუსტ ცეცხლზე ჩაშუშეთ. ყაბაყის პიურეს დროდადრო მოურიეთ, რომ არ დაიწვას.
4. მომავალ ხიზილალას დაუმატეთ პომიდვრის პასტა, მარილი, ქათმის სანელებლები და მაიონეზი. სხვათა შორის, მაიონეზის ნაცვლად არაჟანი შეგიძლიათ გამოიყენოთ. ქათმის სანელებლები ხიზილალას საოცარ გემოს ანიჭებს.
5. ხიზილალას თავსახური დაახურეთ და კიდევ 30 წუთი ჩაშუშეთ, რომ მოიხარშოს და გასქელდეს. მუდმივად მოურიეთ.
6. დროის გასვლის შემდეგ ხიზილალას დაქუცმაცებული ნიორი და შაქარი დაუმატეთ. ხიზილალა ქურაზე კიდევ 7 წუთი გააჩერეთ.
7. სულ ბოლოს სუფრის ძმარი ჩაასხით, კარგად აურიეთ და ქვაბი ქურიდან გადმოდგით.
8. მზა ხიზილალა სტერილურ ქილებში გადაანაწილეთ და მოხუფეთ. ყაბაყის ხიზილალა ზამთრისთვის მზადაა.
