იცოდით, რომ კარგად შერჩეული ინგრედიენტები არ იძლევა ნაზი და წვნიანი კატლეტის მომზადების გარანტიას? მნიშვნელოვანია არა მხოლოდ პროდუქტები, არამედ მომზადების ერთი ნიუანსი, რომლის შესახებ ყველამ არ იცის. მრავალწლიანი გამოცდილების მქონე შეფმზარეულმა გაამხილა, როგორ მოვამზადოთ წვნიანი და საოცრად გემრიელი კატლეტები.
როგორც ცნობილია, ეს ხორციანი კერძი ჯერ მაღალ ცეცხლზე უნდა მოამზადოთ, შემდეგ – დაბალზე. ასე წარმოიქმნება მოწითალო ქერქი და კატლეტიდან წვენი არ გამოჟონავს. გამოშრობის ერთი შანსიც რომ არ დატოვოთ, კიდევ ერთი დამატებითი მოქმედება შეასრულეთ.
როგორ მოვამზადოთ წვნიანი კატლეტი: გამოცდილი მეთოდი
ღუმელი გააცხელეთ
თუ გსურთ, თქვენი ხორციანი კერძი სანაქებო გამოვიდეს, შეწვისთანავე თეფშზე გადატანა არ იჩქაროთ. კატლეტის მომზადება დაასრულეთ. აიღეთ ტაფა, რომელიც ღუმელში შეგიძლიათ მოათავსოთ. კატლეტები ოქროსფერი ქერქის მიღებამდე შეწვით. ღუმელი 180 გრადუსამდე გააცხელეთ. ტაფა კატლეტებით ღუმელში მოათავსეთ 5-10 წუთით. წვნიანი კერძი მზადაა!
რბილი კატლეტის საუკეთესო რეცეპტი
ინგრედიენტები:
- 700 გ ღორის ხორცის ფარში
- 600 გ ძროხის ხორცის ფარში
- 150 გ თეთრი პური
- 70 მლ რძე
- 1 ხახვი
- 2 კბილი ნიორი
- 3 ს/კ წყალი
- მარილი გემოვნებით
- დაფქული შავი წიწაკა გემოვნებით
- ხორბლის ფქვილი ამოსავლებად
- მზესუმზირას ზეთი შესაწვავად
მომზადების წესი:
- პურს ქერქი მოაჭერით. პურის გული პატარა ნაჭრებად დაჭერით. პურს რძე დაასხით და 10 წუთი გააჩერეთ. ხახვი და ნიორი გაასუფთავეთ და წვრილ სახეხზე გახეხეთ.
- ცალკე თასში ორი სახეობის ფარში აურიეთ. ხახვი, ნიორი და რძეში დალბობილი პური დაუმატეთ. წყალი დაასხით.
- მარილი და შავი წიწაკა დაუმატეთ. ინგრედიენტებს კარგად აურიეთ. ხორცს თავსახური დააფარეთ და ნახევარი საათით მაცივარში შეინახეთ.
- სველი ხელებით ფარშიდან კატლეტებს ფორმა მიეცით. ხორბლის ფქვილში ამოავლეთ. ზედმეტი ფქვილი ჩამოფერთხეთ.
- ღუმელისთვის შესაფერის ტაფაზე მზესუმზირას ზეთი გააცხელეთ. მასში კატლეტები ორივე მხრიდან ოქროსფერი ქერქის მიღებამდე შეწვით. შემდეგ ტაფა 180 გრადუსამდე გახურებულ ღუმელში 5-7 წუთით მოათავსეთ. მზადაა!
მხოლოდ ერთი შტრიხი და კატლეტები ყოველთვის წვნიანი და რბილი გამოვა. აღარ მოგიწევთ ნერვიულობა, რომ კატლეტები გამოშრება.
