ყველა მებოსტნეს აქვს საკუთარი ხრიკები, რომელთაც იყენებს მდიდარი მოსავლის ასაღებად. ასეთ ხრიკებს იყენებენ კარტოფილის მოყვანისას, როცა მსხვილი ბოსტნეულის მიღება სურთ. ამისთვის გამოცდილი მებოსტნეები დარგვამდე სათესლე კარტოფილზე განივ ნასერს აკეთებენ. „პაპარაცი“ გიამბობთ, რას უწყობს ხელს ამის გაკეთება.
ჯერ არ დაგიწყიათ კარტოფილის გაზრდა დასარგავად? მაშინ ეს სტატია თქვენთვის სასარგებლო იქნება. მსხვილი კარტოფილის უხვი მოსავალი გარანტირებულია!
რისთვის და როგორ უნდა ჩაჭრათ სათესლე კარტოფილი?
რა არის დასერვა?
დასერვა აგროტექნიკური მეთოდია, რომელიც ხელს უწყობს კარტოფილის მძინარე კვირტების გაღვიძებას. შედეგად, ტუბერზე აბსოლუტურად ყველა თვალი იზრდება. სწორედ ამიტომ, სანამ კარტოფილს გასაღივებლად გააგზავნით, ეს მეთოდი გამოიყენეთ. სავალდებულო ნაბიჯია დარგვამდე, თუ გსურთ მდიდარი მოსავლის აღება.
საქმე იმაშია, რომ ტუბერის ზემოდან ამოსული ყლორტები გამოყოფენ ნივთიერებებს, რომლებიც ანელებენ გვერდითა კვირტებიდან გამონაზარდების გამოჩენას. შედეგად, მიიღებთ უფრო ნაკლებ კარტოფილს, რომელიც დიდი ზომით ვერ დაიკვეხნის. სიტუაციის გამოსწორება შესაძლებელია დასერვის ტექნიკით. ამ ტექნიკის მიზანია, ყველა ტუბერი თანაბრად გაიზარდოს და შთამბეჭდავ ზომებს მიაღწიოს.
მოქმედების წესი
ტუბერებში თანაბარი კვების უზრუნველსაყოფად სასურველია შექმნათ ბარიერები, რომლებიც წვენების მოძრაობას ხელს შეუშლის. სწორედ ამიტომ, აუცილებელია ტუბერების დასერვა. მნიშვნელოვანია! ეს ხრიკი უნდა გამოიყენოთ კარტოფილის გაღივების დაწყებამდე.
ბოსტნეულზე რგოლის ფორმის ნასერი შეგიძლიათ გააკეთოთ. ასევე შეგიძლიათ ჩაჭრათ ცალ მხარეს ან დიაგონალზე. ამ მიზნით გამოიყენეთ კარგად დეზინფიცირებული დანა, რომელიც ყოველი ტუბერის ჩაჭრის შემდეგ წყლით უნდა გარეცხოთ. დანით ტუბერები დაახლოებით 1,5 სმ სიღრმეზე ჩაჭერით, შემდეგ კარტოფილი გაშალეთ და ღივის გამოსვლას დაელოდეთ.
არ დაგავიწყდეთ ამ მნიშვნელოვანი ნაბიჯის შესრულება კარტოფილის გაღივებამდე. ასე მოსავალს 1,5-ჯერ გაზრდით.
