დიასახლისების უმეტესობა საგონებელში ვარდება, როცა ფანჯრების გაწმენდის დრო მოდის. ფანჯრების მინები და ჩარჩოები ორივე მხრიდან უნდა გაიწმინდოს და თან ისე, რომ ზოლებიც არ დარჩეს. ხშირად ძვირადღირებული ქიმიკატებიც ამ საკითხში უძლურია. შესაძლოა, ნაყიდი საშუალებები ფანჯრის მინას კარგად წმენდდეს, მაგრამ ზოლებს მაინც ტოვებს.
დაივიწყეთ რეკლამირებული და ხშირად არაეფექტური ნაყიდი საშუალებები. გიამბობთ, როგორ გაწმინდოთ ფანჯრები ზოლების დატოვების გარეშე მარტივი ხელმისაწვდომი პროდუქტით, რომელიც ნამდვილად გაქვთ სახლში. ფანჯრების წმენდა პრობლემა აღარ იქნება და სიამოვნებასაც მოგიტანთ.
რით გავწმინდოთ ფანჯრები ისე, რომ არ დარჩეს ზოლები?
ფანჯრები ზოლების დატოვების გარეშე რომ გაწმინდოთ, დაგჭირდებათ წყალი და 6-9 %-იანი ძმარი. პირველ რიგში, ფანჯრის მინა და ჩარჩო ცივი წყლით გაწმინდეთ. ჭუჭყი მოაშორეთ. ამ მიზნით ჯობია გამოიყენოთ ბამბის ან მიკროფიბრის ქსოვილი.
ამის შემდეგ ძმრის ხსნარი მოამზადეთ: 1 ს/კ ძმარი და 1 ლ ცივი წყალი აურიეთ. მიღებული ნარევით ფანჯრები გაწმინდეთ და უხაო ქსოვილით გაამშრალეთ.
ესეც ასე! თქვენი ფანჯრები სისუფთავით ბრწყინავს ერთი ზოლის გარეშე. აღმოჩნდა, რომ ფანჯრების გაწმენდა სასიამოვნო საქმე შეიძლება იყოს. მარტივი პროდუქტი, რომელსაც ხშირად ვიყენებთ კულინარიაში, ძალიან გამოსადეგია სახლის დალაგების პროცესში. საქმე მხოლოდ ფანჯრებს არ ეხება. ძმარს შეუძლია ჩაანაცვლოს მაღაზიაში ნაყიდი სხვადასხვა საშუალებების ნახევარი.
