როდესაც ზამთარი მოდის, დიასახლისები იწყებენ ოლივიეს და ვინეგრეტის მომზადებას, რომ ოჯახის წევრები გემრიელი კერძებით გაახარონ. დამწნილებული კიტრი ამ სალათების საერთო ნაწილია. ეს კომპონენტი შედის ბოსტნეულის წასახემსებლის შემადგენლობაში და ამით სალათას პიკანტურობას მატებს. მაგრამ არსებობს ერთი მინუსი მის გამოყენებაში. სალათისთვის მწნილი კიტრის დაჭრა საკმაოდ პრობლემურია. მისი სტრუქტურა ზუსტ ჭრას ხელს უშლის. რა გავაკეთოთ ამ შემთხვევაში?
გამოსავალი არსებობს! ზამთრისთვის დაამწნილეთ კუბებად დაჭრილი კიტრი, რომელსაც შემდეგ სალათაში დაამატებთ. ასე დროს დაზოგავთ. თან ახალი ბოსტნეულის დაჭრა უფრო ადვილია, ვიდრე მწნილის.
როგორ მოვამზადოთ კიტრის მწნილი ოლივიესთვის
ზამთრისთვის ყველა კიტრი მთელი სახით არ შეინახოთ. ნახევარ კილოზე მეტი გადადეთ, რომ სალათებისთვის მოსახერხებელი ნამზადი გააკეთოთ. ეს რაოდენობა საკმარისია ორი 500 მლ მოცულობის ქილისთვის.
ინგრედიენტები:
- 600 გ ახალი კიტრი
- 4 კბილი ნიორი
- 4 ტოტი კამა
- 2 რგოლი ცხარე წიწაკა
- 5 ჩ/კ 9%-იანი ძმარი
- 25 გ შაქარი
- 25 გ მარილი
- 500 მლ წყალი
- 2 დაფნის ფოთოლი
- 2 მარცვალი შავი წიწაკა
მომზადების წესი:
1. კიტრი კარგად გარეცხეთ. ბოლოები მოაჭერით. ნიორი გაასუფთავეთ.
2. სტერილურ ქილებში მოათავსეთ ცხარე წიწაკის რგოლები და მწვანილი. 2 კბილი გასუფთავებული ნიორი ჩაუმატეთ.
3. კიტრი პატარა კუბებად დაჭერით და ქილაში ჩაყარეთ. კიტრს მდუღარე წყალი დაასხით. თავსახური დააფარეთ და 15 წუთი გააჩერეთ. შემდეგ წყალი გადაასხით. ქილა ისევ მდუღარე წყლით აავსეთ და კიდევ 10 წუთი გააჩერეთ.
4. მარილწყალი მოამზადეთ. ქვაბში წყალი ჩაასხით და ადუღებამდე მიიყვანეთ. დაუმატეთ მარილი, შაქარი, შავი წიწაკა და დაფნის ფოთოლი. 3 წუთი ხარშეთ.
5. ქილიდან წყალი გადაასხით. თითოეულ ქილას ძმარი დაუმატეთ. შემდეგ მდუღარე მარილწყალი ჩაასხით.
6. ქილები სტერილური თავსახურებით მოხუფეთ, გადააბრუნეთ და პლედით შეფუთეთ. სრულ გაგრილებამდე გააჩერეთ.
კიტრის ნამზადი გრილ ადგილას შეინახეთ და საჭიროების შემთხვევაში გამოიღეთ. აღსანიშნავია, რომ დაჭრილი ბოსტნეულის სალათაში დამატება უმარტივესი ამოცანაა. დაჭრილი კიტრი საწურზე გადაიტანეთ და მარილწყლის დაწურვას დაელოდეთ. შემდეგ კიტრი დანარჩენ ინგრედიენტებს დაუმატეთ და გემრიელ სალათას აურიეთ.
