ფსიქოლოგები ხშირად იყენებენ სხვადასხვა ტესტებს თავიანთ პრაქტიკაში. მათი დახმარებით ხედავენ ადამიანს ისეთს, როგორიც არის, ფარსის და შელამაზების გარეშე. მათი წყალობით, პროფესიონალები ავლენენ გარკვეულ ფსიქოლოგიურ პრობლემას, პროგნოზირებენ ქცევას ამა თუ იმ სიტუაციაში, განსაზღვრავენ ფსიქიკურ თვისებებს. ამ ტიპის დიაგნოსტირების ერთ-ერთი ყველაზე პოპულარული მეთოდია ფსიქოლოგიური ტესტები სურათებით. „პაპარაცი“ დღევანდელ სტატიაში გთავაზობთ იდუმალ ტესტს შიშებზე. მზად ხართ, შეიცნოთ საკუთარი თავი?
ფსიქოლოგიური ტესტები შეიძლება იყოს ისეთივე საინტერესო და გასართობი, როგორიც არის საპნის ოპერა ჩახლართული სიუჟეტებით. როგორ შეუძლია ჩვეულებრივ სურათებს იმაზე მეტის თქმა, ვიდრე ფიქრობთ? ერთად ვნახოთ.
მოკლე ფსიქოლოგიური ტესტი შიშების გამოსავლენად
თითოეულ ჩვენგანს გვაქვს საკუთარი შიში, როგორც ცნობიერი, ასევე ქვეცნობიერი. ყოველთვის არ ვიცით, რა შინაგანი დოგმები გვიშლის ხელს წინსვლაში. სწრაფი ვიზუალური ტესტი დაგეხმარებათ გაარკვიოთ, რისი გეშინიათ. ამ უბრალო სურათში ყველა სხვადასხვა რამეს ხედავს. რას ხედავთ თქვენ?
სურათს შეხედე და გვითხარი, რა დაინახეთ პირველად
ვაშლი
ყველაზე მეტად სიკვდილის გეშინიათ. არა მხოლოდ თქვენი, არამედ ახლობლების სიკვდილი. სიკვდილის შიში ერთ-ერთი ყველაზე ღრმა შიშია ადამიანში. შეუცნობელი და გაურკვეველი რამ, რაც არღვევს ჩვენს ძირითად მოთხოვნილებას უსაფრთხოების შესახებ, შფოთვას ბადებს.
სიკვდილი ჩვენი არსებობის განუყოფელი ნაწილია. მისი მუდმივი გათვალისწინებით უფრო მეტად ვაფასებთ საკუთარ ცხოვრებას. შფოთვის შესამცირებლად, შეეცადეთ გააცნობიეროთ, რომ ამ მომენტში არაფერი გემუქრებათ. თქვენს გრძნობებზე და გარემოცვაზე კონცენტრირდით, სუნთქვითი ვარჯიშები გააკეთეთ: ჩაისუნთქეთ სიმშვიდე და ამოისუნთქეთ შფოთვა.
პეპელა
თქვენი ქვეცნობიერი ღალატის შიშით იტანჯება. კარგად იცით, რომ შეუძლებელია აჩქარებული გულისცემის დამშვიდება, ასევე გაღიზიანების შემცირება, რომელიც ბედის დამორჩილების შეუძლებლობით გამოწვეულია. ხალხის მიმართ უნდობლობა თქვენში იწვევს შფოთვას, სტრესს, ემოციურ გადაწვას. გარეგნულად სახეს ინარჩუნებთ, მაგრამ შიგნიდან ნემსებზე ზიხარ.
თუ ვინმემ გიღალატათ ან მოგატყუოთ, მიზეზი არ არის, ყველა ადამიანის გულწრფელ ზრახვებში ეჭვი შეიტანოთ. სწორედ ასეთი ნეგატიური დოგმა იზიდავს მოღალატეებს. ივარჯიშეთ თითოეული ადამიანის ინდივიდუალურად განხილვაში. ნდობაზე დაფუძნებული ურთიერთობები ააგეთ. თუ ვინმე ამით ისარგებლებს, შეამცირეთ თქვენი ღიაობის დონე საჭიროების მიხედვით და მხოლოდ კონკრეტული ადამიანისთვის. შეწყვიტეთ გარშემომყოფების დასჯა შეცდომისთვის, რომელიც მათ არ დაუშვიათ.
დანა
თქვენში ავადმყოფობის შიშია. იმის მიუხედავად, რომ ეს აბსოლუტურად ნორმალური მოვლენაა, ზოგიერთ ადამიანში ნამდვილი ფობია შეიძლება იყოს.
თუ შესაძლო ავადმყოფობაზე ფიქრებს ვერ იშორებთ, განცდები ახლობლებს გაუზიარეთ. ასე შფოთვის გრძნობას შეამცირებთ. თქვენი სიმპტომები ინტერნეტში არ მოძებნოთ. მიიღეთ ინფორმაცია მხოლოდ სანდო წყაროებიდან და რეგულარულად ჩაიტარეთ პირადი ექიმის მიერ დანიშნული გამოკვლევები.
მუხლუხი
იმქვეყნიური ძალები და შემზარავი სიბნელე გაშინებთ. ამისთვის რაიმე ობიექტური მიზეზი არ არსებობს, თუმცა შეიძლება განპირობებული იყოს წინა ტრავმული მოვლენით. შესაძლოა ვინმემ შეგაშინათ საშინელი ისტორიებით, თქვენ კი ყველაფერი გულთან ახლოს მიიტანეთ.
შიშს თვალებში ჩახედეთ, რომ თქვენზე ძალაუფლება წაართვათ. იგრძენით თავი უსაფრთხოდ და ეჭვი შეიტანეთ მოჩვენებების, ტელეპათიური ძალების ან სხვა პარანორმალური მოვლენების რეალობაში.
ბუზი
თქვენ გდევს შეუცნობლის შიში, რომელიც თქვენში აღვიძებს ფანტაზიას და ხატავს სხვადასხვა საშინელ სურათებს. გეშინიათ ცვლილებების, ახალი ადგილების და უცნობი ხალხის. თქვენი კომფორტის ზონა თქვენი საყრდენი წერტილია.
აღიარეთ, რომ გაქვთ პრობლემა და ასე შიში ხელშესახებ ფორმას მიიღებს. არ დაგავიწყდეთ, რომ თავად მართავთ საკუთარ ცხოვრებას. ეს მოგანიჭებთ თავდაჯერებულობას და სითამამეს გადადგათ ნაბიჯი შეუცნობლისკენ.
იმუშავეთ საკუთარ თავზე და უფლება არ მისცეთ შიშს, მართოს თქვენი ცხოვრება!
