1. კირჩხიბები არასდროს ღალატობენ მეგობრებსა და საყვარელ ადამიანებს
ერთგულება – ზოდიაქოს ამ ნიშნის წარმომადგენლის მთავარი დამახასიათებელი თვისებაა. ეს ადამიანები იდეალურები არიან როგორც მეგობრობისთვის, ასევე სასიყვარულო ურთიერთობებისთვის, რადგან ისინი არასდროს მოგატყუებენ. სიმართლის სიყვარული მათ სისხლში აქვთ გამჯდარი.
2. ვნება
სიყვარულის გარეშე კირჩხიბი არასდროს მოკიდებს ხელს რაიმე საქმეს! პარტნიორის სურვილებს ხშირ შემთხვევაში ამ ნიშნის წარმომადგენლები საკუთარ სურვილებზე მაღლა აყენებენ. აღსანიშნავია ის ფაქტი, რომ ეს ადამიანები ძალზედ ეჭვიანები არიან, თუმცა ყოველივე ეს გამოწვეულია იმით, რომ მათ საყვარელი ადამიანების დაცვა სურთ.
3. კირჩხიბებს უყვართ ოცნება
ამ ნიშნის წარმომადგენლებს შეუძლიათ ცხოვრება ზღაპრად გადააქციონ. მეოცნებობა იმდენად აქვთ გამჯდარი ამ ადამიანებს, რომ თითოეული ქცევისა და საუბრის მანერაზე ყველაფერი ეტყობათ. ასე ცხოვრება გაცილებით საინტერესოა!
4. თანაგრძნობა
სხვა ადამიანის თანაგრძნობა და გვერდში დგომა კირჩხიბებს ზოდიაქოს ყველა სხვა ნიშანზე უკეთ გამოსდით. საკუთარი პრობლემების გაზიარებისას ეს ადამიანები გულისყურით მოგისმენენ და თითოეულ თქვენს ტკივილს საკუთარ თავზე გამოსცდიან. გულწრფელობა და გულახდილობა, რომელსაც კირჩხიბი იყენებს საკუთარი აზრის გადმოცემის დროს, ყველაზე მეტად უნდა დააფასოთ!
5. შრომისმოყვარეობა
მთელი ცხოვრება მხოლოდ იმისთვის ღირს, რომ რაღაც კონკრეტული მიზნისთვის იბრძოლო! კირჩხიბებმა იციან, თუ როგორ გამოიმუშაონ სოლიდური თანხა საკუთარ შრომისმოყვარეობაზე დაყრდნობით. მათ გათვითცნობიერებული აქვთ ის ფაქტი, რომ ამ ცხოვრებაში ფეხი ფეხზე გადადებული ჯდომით ვერაფერს მიაღწევენ. მათთვის დანებება უცხოა…
6. ადაპტაციის უნარი
გარემოებებიდან გამომდინარე კირჩხიბებს ძალიან მარტივად შეუძლიათ საკუთარი ქცევების, ჩვევებისა და ზოგადად ცხოვრების სტილის შეცვლა. ამ ადამიანებს აქვთ სწრაფი ადაპტაციის უნარი, რაც მათ კიდევ უფრო ძლიერს ხდის. ცნობისთვის, კირჩხიბთან ერთად თქვენი ოჯახური თანაცხოვრება რუტინად არასდროს გადაიქცევა…
7. კირჩხიბები – გახსნილი ადამიანები
ისინი არ ექვემდებარებიან სტერეოტიპებს და მიყვებიან დროს კვალდაკვალ. კირჩხიბებს უყვართ ყოველივე ახალის შესწავლა, განსჯა, თუმცა ვერ იტანენ სხვა ადამიანებზე ჭორაობას. აი კიდევ ერთ-ერთი მიზეზი, რის გამოც უნდა შეიყვაროთ და დააფასოთ ისინი…
8. თავისუფლების, დამოუკიდებლობის სიყვარული
ეს ნიშნავს, რომ კირჩხიბები არასდროს ექვემდებარებიან ბრბოს და ყოველთვის უპირატესობას ანიჭებენ იმას, რაც თვითონ მოსწონთ. გსურთ, რომ იყოთ ამ ნიშნის წარმომადგენელთან სიცოცხლის ბოლომდე? მაშინ არასდროს შეზღუდოთ ისინი…
9. მუდმივი სიურპრიზები
ამ ადამიანებთან ერთად არასდროს მოიწყენთ. გახსოვდეთ, რომ თუ თქვენ კირჩხიბის სიყვარულის მოპოვება შეძელით, გაემზადეთ ყოველ ეტაპზე და საფეხურზე მუდმივი სიურპრიზებისთვის. კირჩხიბებს სათადარიგო გეგმები და იდეები ყოველთვის მრავლად აქვთ…
10. კირჩხიბი – კამათის ოსტატი
არავის შეუძლია მოიქცეს ისე გაწონასწორებულად, მშვიდად და დინჯად კამათის დროს, როგორც კირჩხიბს. მისი ცივსისხლიანობა მინიმუმ ორ ადამიანს ეყოფა. ამ ნიშნის წარმომადგენლებს შეუძლიათ საკუთარი შეცდომების აღიარება და აზრის შეცვლა. მათთან მოლაპარაკების წარმოება ძალზედ მარტივია და ეს ძალიან მნიშვნელოვანია!
