სულ რაღაც 20 წლის წინ მობილური ტელეფონი ნამდვილი უცნაურობა და ფუფუნების საგანი იყო. ახლა ამ გაჯეტით ვერავის გააკვირვებთ. წიგნები, ფოტოები, ახალი ამბები და ბევრი სხვა მნიშვნელოვანი ამოცანა სმარტფონში გადატანილია. მართალია, ყველა ფუნქცია ხელმისაწვდომი რომ იყოს, ტელეფონი საკმარისად სწრაფად უნდა მუშაობდეს. ამიტომაც, მნიშვნელოვანია იცოდეთ, როგორ დააჩქაროთ ტელეფონი.
ჩემი მეგობარი სხვადასხვა ტექნიკურ სიახლეებზე გიჟდება და სწორედ მისგან გავიგე, რომ ტელეფონის სიჩქარის გაზრდა შესაძლებელია. დავიჩივლე ჩემი ტელეფონის და აპლიკაციების ნელ მუშაობაზე. მან კი აიღო გაჯეტი და რაღაც პროგრამების ჩხრეკა დაიწყო. ჩემდა გასაოცრად ტელეფონმა ბევრად უკეთ დაიწყო მუშაობა. მეხსიერებაც გათავისუფლდა. მოქმედების ალგორითმი ჩავიწერე, რომლის წყალობით ახლა სმარტფონი ყოველთვის შესანიშნავ მდგომარეობაშია.
როგორ დავაჩქაროთ სმარტფონის მუშაობა დამოუკიდებლად
რა თქმა უნდა, ტელეფონის სიჩქარე დიდწილად დამოკიდებულია გაჯეტის ტექნიკურ მახასიათებლებზე. მაგრამ ამ ქარხნული პარამეტრების ფარგლებში ტელეფონის მუშაობის დაჩქარება შეგიძლიათ. დამატებითი აპლიკაციის გადმოწერა საჭირო არც არის.
ქეში და მეხსიერება გაასუფთავეთ
ტელეფონში ზედმეტი ფაილები მის მუშაობაზე გავლენას ახდენს. გავსებული მეხსიერება აფერხებს აპლიკაციების გახსნას და საშუალებას არ გაძლევთ გაჯეტი სრულად გამოიყენოთ. იგივე ეხება ქეშს, რომელიც აპლიკაციის მუშაობის შემდეგ რჩება. ეს შეგიძლიათ გააკეთოთ ჩაშენებული პროგრამებით ან ხელით.
არ გაავსოთ მეხსიერება არასაჭირო ფაილებით. ძველი ფოტოები და ვიდეოები დროდადრო წაშალეთ. ასე არა მხოლოდ დააჩქარებთ ტელეფონის მუშაობას, არამედ საჭირო ფაილს უფრო სწრაფად მოძებნით.
გამოუყენებელი აპლიკაციები წაშალეთ
თქვენი აპლიკაციების სიას გადახედეთ. ყველას იყენებთ? სავარაუდოდ, ზოგიერთ აპლიკაციას იშვიათად რთავთ ან საერთოდ არ რთავთ. მესენჯერები და სხვადასხვა თამაშები ტელეფონის მუშაობას ძალიან აფერხებს. თუ გაქვთ აპლიკაცია, რომელიც არ გჭირდებათ, წაშალეთ.
ოპერაციული სისტემა განაახლეთ
თანამედროვე ტელეფონების მწარმოებლების უმეტესობა რეგულარულად აგზავნის განახლებებს მათი ტექნიკისთვის. ამ განახლებების ჩამოწერით თქვენი ტელეფონი ოპტიმალურ სიჩქარეზე იმუშავებს. მართალია, ძველი მოდელის ტელეფონები ხშირად მხარს არ უჭერს პროგრამული უზრუნველყოფის განახლებებს. ამ შემთხვევაში, ტელეფონის გამოცვლაზე დაფიქრდით.
ცოცხალი ფონები და ანიმაციები არ გამოიყენოთ
ანიმაციური სურათები ძალიან ლამაზად გამოიყურება, მაგრამ თუ თქვენი ტელეფონი ნელა მუშაობს, ამ ანიმაციებს აზრი არ აქვს, რადგან მაინც არ გამოჩნდება. ტელეფონის პარამეტრებში შეგიძლიათ შეამციროთ ანიმაციის ინტენსივობა ან მთლიანად გამორთოთ. ცოცხალი ფონები ჩვეულებრივი ფოტოთი შეცვალეთ, უკეთესია – ჩვეულებრივი მუქი ფონი.
მთავარი ეკრანი გაწმინდეთ
ხშირად ვხედავთ, რამდენი ვიჯეტი ამშვენებს სმარტფონის მთავარ ეკრანს. კალენდარი, ამინდი, ვალუტის გაცვლითი კურსი და სიახლეები – ეს ყველაფერი ტელეფონის მუშაობას ანელებს. ფონურ რეჟიმში ამ დანამატების ჩამოტვირთვაზე და მუშაობაზე დამატებითი ენერგია იხარჯება, ანუ ტელეფონს ანელებს.
დახურეთ აპლიკაციები, რომელთაც არ იყენებთ
თუ ფიქრობთ, როგორ დააჩქაროთ ტელეფონი, არ დაგავიწყდეთ დახუროთ აპლიკაციები, რომელთაც აღარ იყენებთ. ონლაინ ბანკინგი, თამაშები, სოციალური ქსელები და მესენჯერები – მათი დახურვა ხშირად გვავიწყდება, ისინი კი ტელეფონის მუშაობას ანელებენ. თითოეული აპლიკაცია საჭიროებისამებრ ჩართეთ.
გეოლოკაცია გამორთეთ
ზოგიერთი აპლიკაცია მოითხოვს გეოლოკაციის მონაცემებზე წვდომას მაშინაც, როცა მას არ იყენებთ. პარამეტრებში ჩართეთ ეს ფუნქცია მხოლოდ აპლიკაციის გამოყენებისას. ასე არა მხოლოდ ტელეფონს დააჩქარებთ, არამედ ბატარეის სწრაფად დაცლას თავიდან აიცილებთ.
ქარხნული პარამეტრების აღდგენა
თუ ზემოთ ჩამოთვლილი მეთოდები გამოიყენეთ და შედეგი ვერ დაინახეთ, პარამეტრები გადატვირთეთ ქარხნულ მონაცემებამდე. წინასწარ შეინახეთ ყველა საჭირო ფაილი და ინფორმაცია ღრუბელში ან ბარათზე. ასე ტელეფონს გაწმენდთ ყველა ნაგვისგან, რომელიც გამოყენების დროში შეიძლება დაგროვილიყო. გაჯეტის მუშაობა მნიშვნელოვნად დაჩქარდება.
ამრიგად, ტელეფონის არასაჭირო ფაილებისგან გაწმენდით გაიგებთ, როგორ დააჩქაროთ ტელეფონი და მისი მუშაობა. არ დაგავიწყდეთ, რომ ტელეფონს ოპტიმალური მუშაობისთვის სწორად დატენვა სჭირდება.
