მარილი – მრავალწლიანი გამოცდილებით დადასტურებული ერთ-ერთი ბუნებრივი გამწმენდი საშუალებაა. ის დაგეხმარებათ სანტექნიკაზე არსებული ძველი ნადების მოშორებაში და მილების დაბლოკვის პრობლემის მოგვარებაშიც კი. პაპარაცის დღევანდელ სტატიაში გაგიზიარებთ ხრიკს, თუ როგორ უნდა გამოიყენოთ მარილი უნიტაზისა და ნიჟარის გასაწმენდად. უფრო მეტიც, ეს ხრიკი უსიამოვნო სუნის აღმოფხვრაშიც კი დაგეხმარებათ.
მარილი სანტექნიკის გასაწმენდად
თუ სამზარეულოს ნიჟარა ცუდად ატარებს წყალს და აბაზანაში უსიამოვნო სუნი ტრიალებს, ეს აშკარა ნიშანია იმისა, რომ მილებს გაწმენდა სჭირდება. მაღაზიებში იყიდება უამრავი ქიმიური საშუალება, მაგრამ რა საჭიროა ფულის დახარჯვა, როცა საჭირო პროდუქტი უკვე არის თქვენს სამზარეულოში. ამ ამოცანას ჩვეულებრივი სამზარეულოს მარილი გაუმკლავდება.
როგორ მუშაობს მარილი, როგორც გამწმენდი საშუალება?
მარილის კრისტალებს შეუძლიათ ერთდროულად რამდენიმე ფუნქციის შესრულება. წყლის გადინებისას ისინი ასრულებენ მექანიკურ წმენდას და აშორებენ ნადებს მილების კედლებიდან. მარილს ასევე შეუძლია შთანთქას უსიამოვნო სუნი და დაშალოს დაგროვილი ცხიმი, რაც იდეალურია სამზარეულოს ნიჟარისთვის. გარდა ამისა, მას გააჩნია სადეზინფექციო თვისებები, ის ანადგურებს ბაქტერიებსა და მიკროორგანიზმებს.
როგორ გამოვიყენოთ მარილი დასუფთავებისთვის
ნიჟარის გასაწმენდად სანიაღვრეში უნდა ჩაყაროთ 1 ჭიქა მარილი. თუ მილები საშუალებას იძლევა, მარილს დაასხით 2 ლიტრი ცხელი წყალი. თუმცა, იაფი პლასტმასი შეიძლება დაზიანდეს. ამ შემთხვევაში, უნდა გამოტოვოთ ეს ნაბიჯი.
უნიტაზის გაწმენდისას, პროცედურა იგივეა, მაგრამ დაგჭირდებათ 2 ჭიქა მარილი. უბრალოდ დააყარეთ იმ ადგილებს, სადაც ნადებია, დაასხით ცხელი წყალი და გააჩერეთ 15 წუთის განმავლობაში. ამის შემდეგ, უნიტაზი უბრალოდ ჩარეცხეთ. დამატებით, შეგიძლიათ გამოიყენოთ ჩვეულებრივი უნიტაზის საწმენდი საშუალება.
კიდევ რაში გამოიყენებენ მარილს
გამოცდილი მოაგარაკეები მარილის დადასტურებულ ხრიკს იყენებენ. ზამთარში, ეზოს საპირფარეშოში წყლის გაყინვის თავიდან ასაცილებლად, ისინი ყრიან რამდენიმე სუფრის კოვზ მარილს უნიტაზის ავზში. ჯერ ერთი, მარილიანი წყალი არ იყინება. მეორეც, მარილი ასრულებს სადეზინფექციო საშუალების როლს და ხელს უშლის წყლის გაფუჭებას, როდესაც უნიტაზს დიდი ხნის განმავლობაში არ იყენებენ. შედეგად, არ იქნება უსიამოვნო სუნი სააბაზანოში, აგარაკზე მეპატრონეების ხანგრძლივი პერიოდით არყოფნის შემდეგაც კი.
როგორც ხედავთ, სანტექნიკის გასაწმენდად მარილის გამოყენების რამდენიმე გზა არსებობს. ყველა ეს ხრიკი დადასტურებულია და 100%-ით ეფექტური. მოიშორეთ ნადები და ლაქები ამ მარტივი ხალხური საშუალების გამოყენებით.
