კეფირის დიეტის დაცვის ჩემი მორიგი მცდელობა მარცხით დასრულდა და მაცივარში დამრჩა რამდენიმე პაკეტი რძემჟავა სასმელი. უკვე შევწვი ოლადები, გამოვაცხვე მანანის ბურღული, მაგრამ კეფირი არ მთავრდება. ამ დროს ქმარმა შემოიხედა სამზარეულოში კითხვით: „არ გვაქვს ორცხობილა?“ გადავწყვიტე ფხვიერი ორცხობილების გაკეთება შეუმდგარი დიეტის ნარჩენებისგან.
ამასობაში მეგობარიც მესტუმრა. ორცხობილების მომზადების ჩემი გეგმა გავუმხილე და მანაც გამოცდილი რეცეპტი გამიზიარა. ქალურ საუბარში ისე გავერთეთ, ვერც მივხვდი, რომ ორცხობილები უკვე მზად იყო. კეფირზე მომზადებული ფხვიერი ორცხობილებისგან ასეთ ნაზ გემოს არ ველოდი. ახლა ოჯახის წევრები ამ ნაზ ტკბილეულს ყოველდღე მთხოვენ. თქვენც სცადეთ ამ გემრიელობის მომზადება.
კეფირზე მომზადებული ფხვიერი ორცხობილა შაქრიანი ქერქით
ფხვიერი ორცხობილას ასეთი რეცეპტი მომზადების სიმარტივით გამოირჩევა, გემო საოცრად ნაზი და არომატული გამოდის. ცომეულის გასამრავალფეროვნებლად ცომს შეგიძლიათ დაუმატოთ დარიჩინი, კოჭა, ციტრუსის ცედრა ან კაკაო.
შაქრიანი ფხვიერი ორცხობილას რეცეპტი
ინგრედიენტები:
- 270 გ ფქვილი
- 100 მლ კეფირი
- 60 მლ მზესუმზირას ზეთი
- 1 კვერცხი
- 3 ს/კ შაქარი
- 1 პაკეტი ვანილის შაქარი
- 0,5 ჩ/კ სოდა
- მწიკვი მარილი
მომზადების წესი:
1. კვერცხი თასში ჩატეხეთ, დაუმატეთ 1 სუფრის კოვზი შაქარი და მარილი. სათქვეფით ათქვიფეთ.
2. დაუმატეთ კეფირი, მზესუმზირას ზეთი, ნახევარი პაკეტი ვანილი და სოდა, ისევ აურიეთ. თუ სოდა არ გაქვთ, 1 ჩაის კოვზი გამაფხვიერებლით ჩაანაცვლეთ.
3. გაცრილი ფქვილი ცომს ნაწილ-ნაწილ დაუმატეთ. ცომი კარგად მოზილეთ, რომ გლუვი და ერთგვაროვანი გამოვიდეს.
4. სამუშაო ზედაპირს ფქვილი მოაყარეთ. ცომი გააბრტყელეთ ისე, რომ 1 სმ სისქის ფირფიტა მიიღოთ.
5. დარჩენილი შაქარი და ვანილი აურიეთ. შაქრის ნარევი ცომზე თანაბრად გაანაწილეთ. საგორავი ცომს კიდევ ერთხელ გადაატარეთ, შაქარი მასზე რომ დააფიქსიროთ. ასე შაქრის მკვრივ ქერქს შექმნით.
6. მიღებული ცომის ფირფიტა 2 სმ ზომის კვადრატებად დაჭერით.
7. საცხობ ფორმას პერგამენტი დააფინეთ და მასზე შაქრიანი კვადრატები გადაიტანეთ.
8. 180 გრადუსამდე გახურებულ ღუმელში ფხვიერი ორცხობილას კვადრატები მოათავსეთ. ფხვიერი ორცხობილები კეფირზე 10-20 წუთი აცხვეთ. ზუსტი დრო ღუმელის სიმძლავრეზე დამოკიდებულია. ფხვიერი ორცხობილები ძალიან ფაფუკი და მოწითალო გამოდის.
9. მზა ფხვიერი ორცხობილები გააცივეთ და ჩაიზე, ყავაზე ან კომპოტზე მისაყოლებლად სუფრაზე გაიტანეთ.
რეცეპტი წარმოუდგენლად მარტივია. გემრიელად მიირთვით!
