გამოუცდელი მზარეულიც კი სეზონის ბოლო ყაბაყს უყურებს და უჩნდება კითხვა: „მისგან რა არ გამიკეთებია?“ ხიზილალა იყო, ყველის ქვეშ გამოვაცხე, დავამარინადე და ვეგეტარიანული პასტაც გავაკეთე. თუ მარტივ ბოსტნეულის რეცეპტს ჯერ კიდევ ეძებთ, თქვენთვის ყაბაყის მომზადების უმარტივესი მეთოდი გვაქვს.
ის ხიზილალას კლასიკურ რეცეპტს ძალიან ჰგავს, მაგრამ მას ყველს და სტაფილოს უმატებენ. გაოცდებით, მაგრამ მთელ კერძს ძირეულად შეცვლის და პასტის მსგავს კონსისტენციას მიანიჭებს. იდეალური გადასასმელი სენდვიჩებისთვის!
ინგრედიენტები:
- 500 გრ ყაბაყი
- 1 სტაფილო
- 1 ხახვი
- 150 გრ მდნარი ყველი
- 2 ს/კ მზესუმზირას ზეთი
- 1 ს/კ კამა
- მარილი გემოვნებით
მომზადება:
1. გარეცხილი ყაბაყი 2 სმ კუბებად დაჭერით, სტაფილო გაასუფთავეთ და გახეხეთ. ხახვს ფურცლები მოაშორეთ და წვრილად დაჭერით.
2. გახურებულ ზეთში ჯერ სტაფილო, შემდეგ ხახვი მოათავსეთ და ბოსტნეულის დარბილებამდე შეწვით. შემდეგ ყაბაყი დაუმატეთ და კიდევ 5 წუთით თუშეთ.
3. ბოსტნეული ცეცხლიდან გადმოდგით და გაგრილება აცადეთ. ამ დროში მდნარი ყველი კუბებად დაჭერით.
4. მოთუშული ყაბაყი, ხახვი, ბოსტნეული, ყველი და მწვანილი ბლენდერში მოათავსეთ. მარილი დაუმატეთ და ერთგვაროვანი მასის მიღებამდე დააბლენდერეთ. მზა მასა კონტეინერში გადაიტანეთ და რამდენიმე საათით მაცივარში შეინახეთ, სანამ სრულად მომზადდება.
ყაბაყს ბევრი სანელებელი არ უხდება, რადგან მას ძალიან ნაზი გემო და მისი ჩაკვლა ადვილად შეიძლება. სწორედ ამიტომ, გამოგადგებათ 1–2 კბილი ნიორი, შავი წიწაკა და მწვანილი. მიღებული ყაბაყის პაშტეტი სჯობს ტოსტებს და ახალ გამომცხვარ პურს წაუსვათ და ზამთრისთვის არ შეინახოთ. არ შეგეშინდეთ, თუ მასა ძალიან თხევადი იქნება: ყველი მაცივარში გამაგრდება და საჭირო კონსისტენციას მიანიჭებს. გემრიელად მიირთვით!
