ის თუ როგორ მიმართავს მშობელი ბავშვს – მის თვითიდენტიფიკაციასა და მსოფლმხედველობაზე ახდენს გავლენას. მნიშვნელოვანია ბავშვებს სწორი სიტყვებით მივაწოდოთ ის თუ როგორ არის სამყარო მოწობილი და როგორ უნდა მოიქცეს ის. რაც შეეხება მეტსახელებს – აჯობებს ისინი ხუმრობიტაც არ გამოიყენოთ.
სწორი სიტყვები ბავშვებს
ბავშვს სწორი ჩვევები, ქცევა და სამყაროს აღქმა ოჯახში უყალიბდება. ამიტომ სანამ ბავშვი სკოლაში არ წავა მის აღზრდას მაქსიმალურად დიდი დრო უნდ ადაუთმოთ. თუმცა ზოგჯერ მშობლები არ უფიქრდებიან თუ რამდენად ძლიერად მოქმედებს მათი სიტყვები ამ პატარა ადამიანზე. დედა და მამა ბავშვისთვის ყველაზე ახლობელი ადამიანები არიან. როდესაც ერთ-ერთი მშობელი ბავშვს უცნაურ მეტსახელებს უწოდებს ეს მის ფსიქიკაში იბეჭდება. აჯობებს ბავშვს მხოლოდ სახელით მიმართოთ და პატივისცემით მოექცეთ.
არასწორი მეტსახელები
ჭკვიანი გოგო/ბიჭი
სიტყვა რომელსაც ბევრი მშობელი იყენებს. ამ სახელმა მომავალში ბავშვზე შეიძლება ცუდი გავლენა მოახდინოს. გარკვეულ მომენტამდე ის იფიქრებს, რომ ყველაფერი შეუძია ხოლო როდესაც რთულ სიტუაციას წააწყდება და მის გადაწყვეტას ვერ შეძლებს – თვითშეფასება დაუქვეითდება. ასეთ შემთხვევაში აჯობებს ბავშვის ქმედებები შეაფასოთ. უთხარით რომ მოგწონთ მისი მოთხრობა ან დალაგებული ოთახი და ა.შ.
უმცროსი მეთაური
ასეთი მეტსახელით შესაძლოა ბავშვი გაანაწყენოთ. მომავალში გოგონამ შეიძლება იფიქროს რომ მართვა არ შეუძლია და თავისი ლიდერული შესაძლებლობები დათრგუნოს. აჯობებს ბავშვს პატივისცემის გამოხატვით თხოვოთ რაიმე და ბრძანებითი ტონი არ გამოიყენოთ.
სულელი/უტვინო
დამამცირებელი მეტსახელი ნებისმიერ ასაკში. განსაკუთრებით თუ ბავშვს ეს დედისგან ან მამისგან ესმის. დედა და მამა ზრუნვასა და სითბოს უნდა ასხივებდნენ და არა დაცინვასა და დამამცირებელ სიტყვებს. თუ თქვენ არ მოექცევით თქვენს შვილს პატივისცემით, დანარჩენი სამყაროსგან რას უნდა ელოდეთ?
პრინცესა
ბავშვზე მიკერებული იარლიყი თავს ზრდასრულ ასაკშიც იცენს. თუ თქვენი გოგონა პრინცესას სამოსშია რ არის გამოწყობილი – ასე ნუ მიმართავთ. აჯობებს გაიზარდოს და თავის თავს ისე მიმართოს როგორც მოსწონს.
გულთამპყრობელი
ბავშვი შესაძლოა ვერც მიხვდეს ამ სიტყვის მნიშვნელობას, თუმცა ის მის სამომავლო ქცევას განსაზღვრავს. ლამაზი გოგონები/ბიჭები რომლებიც პარტნიორებს გულს უტეხენ – ნუთუ ეს კარგია? გაზრდის შემდეგ ისინი ტოქსიკურ პარტნიორებად იქცევიან, რომლებიც თავიანთ გარეგნობას ბოროტად იყენებენ.
მშობლის სიტყვა ბავშვისთვის კანონია. აჯობებს ფრაზებს ყურადღებით დაუკვირდეთ. ის რაც თქვენთვის უმნიშვნელოა, შეიძლება ბავშვი გონებაში ან გულში სამუდამოდ ჩაიბეჭდოს. იმსითვის, რო თქვენსა და ბავშვს შორის კარგი და ნდობით სავსე ურთიერთობა ჩამოყალიბდეს – აუცილებლად აუჭირეთ მას მხარი ყველაფერში და მისთვის იარლიყის მიკერებას მოეშვით.
