ცხოვრების მჯდომარე წესი, არასწორი ან ზედმეტად მძიმე ფიზიკური დატვირთვები – ადრე თუ გვიან, ეს ყველაფერი იწვევს ხერხემალთან დაკავშირებულ პრობლემებს. განსაკუთრებით, ზიანდება წელის არე. წელის დანაყოფიის პრობლემებს კი თან ახლავს ძალიან უსიამოვნო შედეგები.
რადიკულიტი ხანში შესული ადამიანებისთვის ცნობილი მდგომარეობაა, თუმცა, ეს სიმპტომი სულ უფრო მეტად გვხვდება ახალგაზრდებშიც. ბევრი ფიქრობს, რომ ტკივილის ამ ნაწილს უნდა შეეგუონ, თუმცა, ჩვენ გვჯერა, რომ საუკეთესო გამოსავალი მისი განკურნებაა. ამისთვის კი ყველაზე ეფექტური გზა – სწორი სავარჯიშოებია.
ჩვენი რედაქცია გიზიარებთ ეფექტურ სავარჯიშოს, წელის ტკივილის წინააღმდეგ, როგორც რადიკულიტის დროს, ისე პროფილაქტიკისთვისაც.
სავარჯიშო წელის ტკივილის მოსახსნელად
იმისათვის, რომ ხერხემლის ტკივილი და დისკომფორტი გაიშვიათდეს მაინც, აუცილებელია ზურგის კუნთების გაძლიერება. სწორედ ამაზეა გათვლილი ალექსანდრე დროჟენიკოვის სავარჯიშო, რომელსაც ამ სტატიაში გიზიარებთ. სავარჯიშო მხოლოდ ერთი, თუმცა მარტივი და ეფექტურია.
ქვემოთ დართულ ვიდეოში ნახავთ, თუ როგორ ასრულებს ამ სავარჯიშოს თვითონ პრაქტიკოსი დროჟენიკოვი, ახლა კი შესრულების პრაქტიკაში გავერკვეთ – მნიშვნელოვანია ყველაფრის სწორად შესრულება.
საწყისი მდგომარეობა: დაჯექით სკამზე, ფიტ-ბურთზე ან საწოლის კიდეზე. ფეხები გაშალეთ მხრების სიგანეზე. შემდეგ ოდნავ დაიხარეთ წინ და იდაყვებით მუხლებს დაეყრდენით.
ხელები შეაერთეთ. როცა საწყისი მდგომარეობა მზად იქნება, კონცენტრირდით სუნთქვაზე – სავარჯიშოს მთავარი არსი სწორედ ამაში მდგომარეობს. მაშ ასე, ჩაისუნთქეთ ცხვირით სწრაფად და მკვეთრად, შემდეგ ამოისუნთქეთ ხმაურიანად, ძლიერად, “ფუ”-ხმასთან ერთად.
ამასთან, ამოსუნთქვისას ეცადეთ, მუხლები შეაერთოთ, ხოლო იდაყვებით გაუწიეთ წინააღმდეგობა. მთელი არსი ამ ზეწოლაში მდგომარეობს. ასე კუნთები იმუშავებს, მათში სისხლის მიმოქცევა გაუმჯობესდება და ტკივილი თანდათან ქრება.
გაიმეორეთ სავარჯიშო რამდენჯერმე. დაიწყეთ 2-3 გამეორებით, ხერხემალი ზედმეტად რომ არ დატვირთოთ, შემდეგ კი გაზარდეთ გამეორებათა რაოდენობა. შეასრულეთ სავარჯიშო დღეში ორჯერ მაინც. რეგულარულობა სწრაფი და ეფექტური შედეგის წინაპირობაა.
ესეც ზემოხსენებული ვიდეო:
