დასასხმელი ნამცხვარი გარგარით – დამეხმარა, როცა მოულოდნელად აღმოჩნდა, რომ მეგობარს ჩემთან ჩაის დასალევად სურდა მოსვლა. საათზე ცოტა ნაკლები დრო მქონდა, ამიტომ ყველაზე მარტივი და სწრაფი რეცეპტის ძებნა დავიწყე. პაპარაცის დღევანდელ სტატიაში – გარგარის ნამცხვრის რეცეპტს გთავაზობთ!
ნამცხვარი რიაჟენკით
ეს ნამცხვარი ძალიან სწრაფად მზადდება ერთი მარტივი მიზეზის გამო. სინამდვილეში, ყველა ინგრედიენტი ერთად უნდა შეურიოთ ერთმანეთს ერთგვაროვანი მასის მიღებამდე. შემდეგ ცომი ფორმაში უნდა გადაიტანოთ და ზედ დაალაგოთ გარგარი. მოდი გავაკეთოთ!
სხვათა შორის, შეგიძლიათ გამოიყენოთ ის ფორმა, რომელიც ყველაზე მეტად მოგწონთ: მრგვალიც და კვადრატულიც. მრგვალი ფორმის ოპტიმალური დიამეტრი 20-22 სანტიმეტრია.
ინგრედიენტები
- 200 მლ რიაჟენკა;
- 2 კვერცხი;
- 150 გ შაქარი;
- 100 მლ მცენარეული ზეთი;
- 270-300 გ ხორბლის ფქვილი;
- 1,5 ჩ.კ. ფქვილი;
- 10 ვანილის შაქარი;
- 6 ცალი გარგარი;
- მწიკვი მარილი;
- მწიკვი კურკუმა.
მომზადების წესი
1.პირველ რიგში კვერცხები ათქვიფეთ შაქართან ერთად თეთრი ფუმფულა მასის წარმოქმნამდე. შემდეგ დაასხით მცენარეული ზეთი და კარგად აურიეთ.
2. შემდეგ დაუმატეთ ვანილის შაქარი, მარილი, კურკუმა და რიაჟენკა. ისევ აურიეთ. შემდეგი ნაბიჯი არის გაცრილი ხორბლის ფქვილის და გამაფხვიერებლის დამატება. ურიეთ, სანამ არ მიიღებთ სქელი არაჟნის მსგავს მასას. ფქვილის დამატება აღარ არის საჭირო, თუმცა ცომი შეიძლება თხელი მოგეჩვენოთ.
3. საცხობ ფორმას წაუსვით მცენარეული ზეთი (ან კარაქი) და მოაყარეთ მანის ბურღული. თუ გსურთ, შეგიძლიათ უბრალოდ პერგამენტის ქაღალდი დააფინოთ. გააცხელეთ ღუმელი 180 გრადუსზე. ჩაასხით ცომი საცხობ ფორმაში.
4. გარგარი გარეცხეთ და გააშრეთ ქაღალდის პირსახოცებით. გაჭერით შუაზე, ამოიღეთ კურკა და ნაყოფი ცომზე დაალაგეთ, ოდნავ ჩაძირეთ მასში.
5. ნამცხვარი გამოაცხვეთ ღუმელში 30-35 წუთის განმავლობაში 180 გრადუსზე. გამოცხობის შემდეგ სუფრასთან მიტანის წინ ოდნავ გააგრილეთ. გემრიელად მიირთვით!
ნამცხვარი რიაჟენკით: რჩევა
ამ ნამცხვრის მომზადება შეგიძლიათ ასევე კეფირით. ის ისეთივე გემრიელი და სურნელოვანი გამოვა! სურვილისებრ, ცომს ვანილის შაქრის ნაცვლად დაამატეთ დარიჩინი და თხილი. ამ შემთხვევაში ნამცხვარს სულ სხვა გემო ექნება.
გარგარის ნაცვლად შეგიძლიათ გამოიყენოთ ნებისმიერი სხვა ხილიც. მაგალითად, იგივე ატამი და ვაშლატამა, რომელიც ახლა ბაზარზე ძალიან ბევრია.
