გარკვეული პერიოდის განმავლობაში ყველამ ერთდროულად დაიწყო ხალიჩებზე უარის თქმა. ხალხი დაიღალა მათი წმენდით, გაბერტყვით და მათზე ზრუნვით. მაგრამ ბოლო დროს მაინც დაუბრუნდნენ დიზაინის და კომფორტის ამ ელემენტს. რა თქმა უნდა, ასეთი საფარით ბინა უფრო თბილი და ლამაზია, განსაკუთრებით თუ სწორად შეარჩევთ. აი, ხალიჩების წმენდა ყოველთვის რთული საქმე იყო. თუ სახლში გყავთ პატარა ბავშვები ან ცხოველები, ხალიჩას განსაკუთრებული ყურადღება უნდა მიაქციოთ.
იცით, როგორ წმენდენ თურქები ხალიჩებს? მათ ხომ ასეთი საფარი ყველგან აქვთ: სახლში, სასტუმროში, კაფეში და მაღაზიაშიც! ხალიჩები ყოველთვის ახალივით გამოიყურება. რა არის საიდუმლო? არა ძვირადღირებულ ქიმიურ საშუალებებში და არა ხალიჩის ხშირად ცვლაში! გიზიარებთ საიდუმლოს, რომლითაც რამდენიმე წლის წინ შვებულებიდან დავბრუნდი. ყველა საშუალება, რომელიც გჭირდებათ ხალიჩის გასაწმენდად, იაფია და უკვე გაქვთ სახლში.
ხალიჩების წმენდა: როგორ მოვაშოროთ ჩამჯდარი ჭუჭყი
ინგრედიენტები:
- 1 ლ წყალი
- ხელთათმანები
- 1 ს/კ სარეცხი ფხვნილი
- საწმენდი ჯაგრისი
- 1 ს/კ ნიშადურის სპირტი
- ნიღაბი
მომზადების და გამოყენების წესი:
1. წყალი ცხელი უნდა იყოს, მაგრამ არა ისეთი, რომ ხელები დაგწვათ.
2. სარეცხი ფხვნილი წყალში გახსენით, რომ გრანულები არ დარჩეს. თხევადი საშუალება შეგიძლიათ გამოიყენოთ.
3. ფხვნილის ნარევს ნიშადურის სპირტი დაუმატეთ. ამ ეტაპზე ნიღაბი გაიკეთეთ, რადგან სუნი ძალიან მძაფრი იქნება.
4. ხელთათმანები გაიკეთეთ და ჯაგრისით ხალიჩის წმენდა დაიწყეთ.
5. ჯაგრისი მიღებულ ხსნარში დაასველეთ და ხალიჩას წაუსვით. ხალიჩის ზედაპირი წრიული მოძრაობით გაწმინდეთ.
6. თუ ხალიჩა ბოლოს დიდი ხნის წინ გარეცხეთ და მასში ჩამჯდარი ლაქებია, პროცედურა უნდა გაიმეოროთ.
იზრუნეთ იმაზე, რომ ხალიჩის რეცხვისას გარშემო არ იყვნენ ბავშვები ან შინაური ცხოველები. ყველა ფანჯარა აუცილებლად გააღეთ. თუ გაქვთ შესაძლებლობა, პროცედურა გარეთ, ღია ცის ქვეშ ჩაატარეთ.
