შემოდგომა-ზამთრის პერიოდის დადგომასთან ერთად, ყველას ზაფხულის თბილი დღეები გვენატრება. ერთი ჭიქა ცხელი გლინტვეინი ყველაზე ცივი საღამოებიც დროსაც კი სრული სიმყუდროვის შეგრძნებაში დაგეხმარებათ. განსაკუთრებით, თუ ამ საღამოებს ახლო მეგობრების გარემოცვაში ატარებთ. ეს სასმელი განწყობასაც გაგიუმჯობესებთ. პაპარაცის დღევანდელ სტატიაში გეტყვით, თუ როგორ უნდა მოამზადოთ გლინტვეინი სახლში.
გლინტვეინის სახლის პირობებში დამზადების საუკეთესო მეთოდები
დღეს გაგიზიარებთ სახლის პირობებში გლინტვეინის დამზადების სამ საუკეთესო რეცეპტს. გაგიკვირდებათ, რამდენად განსხვავებული შეიძლება იყოს ეს სასმელი.
თითოეული გემო თავისებურად ორიგინალურია და მეორისგან განსხვავებული. უფრო მეტიც, გლინტვეინი მხოლოდ ღვინით არ მზადდება, როგორც ეს ყველას ჰგონია. გააკვირვე შენი მეგობრები!
ვაშლის გლინტვეინი
ინგრედიენტები
- 150 მლ მშრალი წითელი ღვინო;
- 0,5 ვაშლი;
- 150 მლ შავი ჩაი;
- 50 მლ ლიმონის წვენი;
- 2 ს.კ. შაქარი;
- 40 მლ რომი;
- 0,5 ლიმონი;
- 2 ც. მიხაკი;
- 1 ანისის ვარსკვლავი.
მომზადება
- 1. პირველ რიგში, გარეცხეთ ვაშლი და ლიმონი. მითითებული რაოდენობა დაჭერით ნებისმიერი ფორმის ნაჭრებად.
- 2. ჩაასხით ყველა თხევადი ინგრედიენტი დიდ ქვაბში. დაამატეთ სანელებლები და დაჭრილი ხილი.
- 3. გლინტვეინი დადგით გაზქურაზე საშუალო ცეცხლზე და კარგად გააცხელეთ. ადუღება საჭირო არ არის. როგორც კი დაინახავთ, რომ სასმელი დუღილს უახლოვდება, გადმოდგით გაზქურიდან. მომზადებისას არ დაგავიწყდეთ მუდმივად მორევა. ამის შემდეგ, შეგიძლიათ დაუყოვნებლივ ჩაასხით ჭიქებში.
როგორ მოვამზადოთ ყავის გლინტვეინი სახლში
ინგრედიენტები
- 600 მლ ღვინო;
- 70 მლ კონიაკი;
- 1 ჭიქა ესპრესო;
- 100 გ შაქარი;
- ლიმონი დეკორისთვის.
მომზადება
- 1. ქვაბში შეურიეთ ღვინო, კონიაკი და ყავა. იმავე კონტეინერში ჩაყარეთ შაქარი და აურიეთ.
- 2. გლინტვეინი დადგით გაზქურაზე. მიიყვანეთ სასმელი ადუღებამდე, რეგულარული მორევით.
- 3. მომზადებული გლინტვეინი ჩაასხით ჭიქაში და მასში ჩადეთ ლიმონის ნაჭერი.
ლუდის გლინტვეინი
ინგრედიენტები
- 700 მლ მუქი ლუდი;
- 5 გ ჯანჯაფილი;
- 1 დარიჩინის ჯოხი;
- 1 გ კარდამონი;
- 3 ც. მიხაკი;
- 5 ჩ.კ. თაფლი;
- 1 ფორთოხალი;
- 1 ლიმონი;
- 0,5 გ მუსკატის კაკალი.
მომზადება
- 1. ჩაასხით ლუდი ქვაბში და შედგით გაზქურაზე გასაცხელებლად. არ მიიყვანოთ ადუღებამდე.
- 2. როდესაც ალკოჰოლი ოდნავ გათბება, ჩაყარეთ ყველა სანელებელი და დაამატეთ თაფლი. კარგად აურიეთ.
- 3. ლიმონი დაჭერით და ჩაყარეთ ლუდის ქვაბში. მორევისას გლინტვეინი მაქსიმალურად გააცხელეთ, მაგრამ არ უნდა ადუღდეს. მიირთვით ცხელი. მოსართავად გამოიყენეთ ფორთოხლის ნაჭრები და დარიჩინის ჯოხი. მზადაა!
ეჭვგარეშეა, რომ სახლის პირობებში გლინტვეინის დამზადების ეს სამი მეთოდი ძალიან მოგეწონებათ. მთელ პროცესს სულ რამდენიმე წუთი სჭირდება. შედეგად მიიღებთ სურნელოვან სასმელს, რომელიც ნებისმიერ ცივ საღამოს უფრო კომფორტულს გახდის. ზუსტად ის, რაც მეგობრებთან შეხვედრებისთვის გჭირდებათ.
