დგომის პრობლემები ერთ-ერთ ყველაზე გავრცელებულ დაავადებად ითვლება. გაგიჭირდებათ იპოვოთ ადამიანი, ვისაც ამ მხრივ რაიმე გადახრა არ აქვს. უმეტეს შემთხვევაში, ეს ცხოვრების წესით გამოწვეულია. მჯდომარე მუშაობა, არასაკმარისი ფიზიკური აქტივობა ან მძიმე შრომა – ეს ყველაფერი იწვევს უსიამოვნო შეგრძნებებს და ტკივილს ზურგისა და კისრის არეში. ამ სიმპტომების გაქრობაში დაგეხმარებათ სპეციალური ვარჯიშები ჩოგბურთის ბურთით. დღეში 10 წუთი ვარჯიში საკმარისია.
როგორ შევასრულოთ ვარჯიშები ჩოგბურთის ბურთით?
„პაპარაცი“ გთავაზობთ ვარჯიშებს ჩოგბურთის ბურთით. მათი შესრულება ძალიან მარტივია და დიდ დროს არ მოითხოვს. ეფექტს კი მაშინვე შეამჩნევთ. მცირე დატვირთვით კუნთების და სახსრების დაძაბულობას მოიხსნით.
ვარჯიში 1
როცა სამსახურში ან სკოლაში დიდხანს გიწევთ ერთ პოზაში ჯდომა, წელი იტანჯება. ზურგის ამ ნაწილში უსიამოვნო შეგრძნების გასაქრობად მარტივი ვარჯიში შეასრულეთ. დაწექით იატაკზე და წელის ქვეშ მოათავსეთ ჩოგბურთის ორი ბურთი. თუ ბურთი არ გაქვთ, რამდენიმე წინდა ერთმანეთში ჩადეთ ბურთის მისაღებად და მის ნაცვლად გამოიყენეთ. ჩოგბურთის ბურთები მოათავსეთ კუდუსუნის ზემოთ ხერხემლის გვერდებზე, ორივე მხარეს. სხვადასხვა მხარეს რომ არ გადაგორდეს, ბურთები ერთ წინდაში შეგიძლიათ ჩადოთ. 2-3 წუთის განმავლობაში ზემოთ-ქვემოთ იმოძრავეთ, სანამ კუნთების მოდუნებას არ იგრძნობთ.
ვარჯიში 2
კისრის არეში ხერხემლის პრობლემები თითქმის ყველას აქვს. ამისთვის რაიმე სამუშაოს შესრულება საჭირო არც არის. კისრის ტკივილი ბავშვებსაც აწუხებთ. ტკივილს იწვევს დიდი დატვირთვა, როცა დიდხანს თავდახრილი ვართ. დღის უმეტეს ნაწილს ამ პოზაში ვატარებთ, როცა სმარტფონში ვუყურებთ ან რამეს ვკითხულობთ. ვარჯიში ჩოგბურთის ბურთით კისრის ტკივილის შემცირებაში დაგეხმარებათ. წინა ვარჯიშის მსგავსად, კისრის ქვეშ რამდენიმე ბურთი მოათავსეთ. მოადუნეთ მთელი ტანი, ხელებით იატაკიდან აიწიეთ და ზემოთ-ქვემოთ იმოძრავეთ. ამ არეში კუნთებში დაჭიმულობის მოხსნას იგრძნობთ.
ვარჯიში 3
კიდევ ერთი ვარჯიში წელის მდგომარეობის გასაუმჯობესებლად და მენჯ-ბარძაყის სახსრებში დაძაბულობის შესამსუბუქებლად. ვარჯიშის შესასრულებლად გვერდზე დაწექით და ბურთი მოათავსეთ წელის ქვეშ, ბარძაყთან. ამის შემდეგ მენჯით წრიული მოძრაობები შეასრულეთ. წინ ან ზურგით რომ არ დაეცეთ, ხელებით თავი შეიკავეთ.
ვარჯიში 4
ბევრისთვის ყველაზე პრობლემური ბეჭებს შორის ადგილია. ხშირად გვესმის ჩივილები ამ არეში ტკივილის და დისკომფორტის შესახებ. გულმკერდის მიდამო განსაკუთრებით ზიანდება მჯდომარე პოზიციით, რაც მოხრილობით ვლინდება. მარტივი ქმედებები ჩოგბურთის ბურთით კუნთებს დაამასაჟებს. გვერდზე დაწექით და ფეხები მუხლებში მოხარეთ. სპორტული აღჭურვილობა ზურგის ქვეშ, ხერხემალსა და ბეჭს შორის მოათავსეთ. წრიული მოძრაობები შეასრულეთ. იგივე მეორე მხარეს გაიმეორეთ.
ვარჯიში 5
რა თქმა უნდა, ზურგზე არანაკლები დატვირთვა ტერფებზე მოდის. განსაკუთრებით აქტუალურია ქალებისთვის, რომლებიც მაღალქუსლიან ფეხსაცმელებს ატარებენ. ამასთან ისინი, ვინც ბრტყელ ძირს ირჩევს, ბრტყელტერფიანობის განვითარების რისკის ქვეშაა. ვარჯიში ჩოგბურთის ბურთით კარგ პროფილაქტიკას წარმოადგენს. ფეხზე გაიხადეთ და დაიმასაჟეთ ტერფები იატაკზე დადებული ბურთით. გახსოვდეთ, მთელი წონა ბურთზე არ გადაიტანოთ. ასე კუნთები და მყესები შეიძლება დაზიანდეს. მსუბუქი შეგრძნება უნდა გქონდეთ.
ვარჯიში 6
ჩოგბურთის ბურთი ხელის ტკივილის შესამსუბუქებლად შეგიძლიათ გამოიყენოთ. დაჭიმული კუნთები შვებას იგრძნობს. იატაკზე მუხლმოხრილი დაჯექი, ბურთი თქვენ წინ მოათავსეთ. ერთი ხელისგული მეორეს დაადეთ და ასე ბურთს დააწექით. შემდეგ ბურთი იატაკზე გადააგორეთ, წრიული მოძრაობა შეასრულეთ. თქვენი წონის უმეტესი ნაწილი ხელებზე გადაიტანეთ. ცოტა ხანში ხელისგულებს ადგილები შეუცვალეთ.
ვარჯიშები ჩოგბურთის ბურთით მოგაშორებთ უსიამოვნო და მტკივნეულ შეგრძნებებს ზურგში, კისერში და კიდურებში. ასეთი თვითმასაჟი სისხლის მიმოქცევას ააქტიურებს. ვარჯიშების რეგულარული შესრულებიდან უკვე რამდენიმე დღეში იგრძნობთ, რამდენად თავისუფალი გახდა თქვენი მოძრაობები. დაჭიმულობისგან დაღლილი კუნთები მადლობას გეტყვით.
