უხსოვარი დროიდან, ვერცხლი ყველაზე ჯადოსნურ მეტალად ითვლებოდა. ვერცხლის ნივთებს იყენებდნენ, როგორც თილისმებს ბოროტი ძალების წინააღმდეგ. მას დღემდე არ დაუკარგავს პოპულარობა. თუმცა, არის პრობლემა, რომელიც ამ ლითონის ბევრ მოყვარულს აწუხებს – ვერცხლი შავდება. თუ თქვენც შეგმთხვევიათ ასეთი უსიამოვნება, მაშინ პაპარაცის ეს სტატია თქვენთვისაა. ჩვენ გეტყვით, რატომ შავდება ვერცხლი სხეულზე ტარებისას.
თუ ვერცხლის ნაკეთობა უკვე გაშავდა, არ იდარდოთ. ჩვენ მოგიმზადეთ რეცეპტები, რომლებიც დაგეხმარებათ გაასუფთაოთ თქვენი ვერცხლის სამკაულები შავი ნადებისგან. უდავოა, რომ ამ რჩევების გამოყენებით თქვენი საყვარელი ბეჭედი ახალზე მეტად გაბრწყინდება.
რატომ შავდება ვერცხლი?
ნიშნები და ცრურწმენები, რომლებიც დაკავშირებულია ვერცხლთან
ვერცხლს სისუფთავისა და სიწმინდის სიმბოლოს უწოდებენ. მაგალითად, სწორედ ამიტომ მზადდება საეკლესიო ჭურჭელი ვერცხლისგან, რადგან ამ მეტალს შეუძლია ბოროტი ძლების განდევნა. ხატების, ჯვრების და თუნდაც ზარების დეკორაციები – ეს ყველაფერი ყველაზე ხშირად ვერცხლისგანაა დამზადებული.
როდესაც ვერცხლი ხვდება ადამიანის ბიოველში, მას შეუძლია მისი განწმენდა და სულიერად განვითარება. ვერცხლი შთანთქავს უარყოფით ენერგიას, რის გამოც მისგან დამზადებული პროდუქტი შეიძლება გახდეს კარგი თილისმა.
ვერცხლი ითვლება ენერგიის ერთგვარ გამტარად. ამის გამო მისგან ხშირად მზადდება მაგიური ნივთები. ხალხურ მითებსა და ლეგენდებში შეხვდებით ისტორიებს, სადაც ვერცხლის ტყვიები კლავენ ვამპირებს და სხვა მოჯადოებულ არსებებს.
გაშავებულ ვერცხლს, გოგირდით შებოლილს, იყენებდნენ ელექსირებისა და ჯადოსნური ნაყენების შესანახად. ძველად ვერცხლის ამალგამისგან ქმნიდნენ სარკეებს, რომლებიც ასევე ჯადოსნური თვისებებით იყო დაჯილდოებული.
მიუხედავად ამისა, დღემდე შემორჩა მეთოდი, რომელიც დაგეხმარებათ მიიღოთ პასუხი თქვენთვის მნიშვნელოვან კითხვაზე. საწოლის თავთან უნდა მოათავსოთ ბროლის გრაფინი წყლით. შიგნით უნდა მოათავსოთ რაიმე ვერცხლის ნივთი. ყველაზე ხშირად გამოიყენებენ ვერცხლის კოვზებს. მიმართეთ ღმერთს ან სამყაროს (დამოკიდებულია იმაზე, თუ ვის მიმართავთ ხოლმე) და გარკვევით დასვით შეკითხვა. როგორც წესი, ასეთი ჭურჭლის გვერდით სამი ღამის გატარების შემდეგ, პასუხი მოდის.
რატომ იფარება ვერცხლი მუქი ნადებით: მისტიკური ახსნა
ცრურწმენების თანახმად, ვერცხლი შავდება შთანთქმული ნეგატივისგან. ითვლება, რომ ვერცხლი შავდება არაჯანმრთელი ადამიანის კანთან კონტაქტისგან. თუ ვერცხლის ნივთი სწრაფად შავდება სხეულზე, ეს შეიძლება ნიშნავდეს დაავადების დასაწყის ეტაპს, რომელიც ჯერ კიდევ არ გამოვლენილა.
ხშირად გვხვდება ინფორმაცია, რომ ვერცხლის სამკაულები შავდება ადამიანზე უარყოფითი მაგიური ზემოქმედების შემდეგ. მარტივად რომ ვთქვათ, გათვალვის ან შელოცვის შემდეგ.
რატომ შავდება ვერცხლი: მეცნიერული ახსნა
მეცნიერული თვალსაზრისით, ვერცხლის ნივთებზე მუქი ნადების გაჩენა საკმაოდ ბუნებრივია. არგენტუმი (ეს არის ვერცხლის ქიმიური სახელწოდება) ითვლება ძალიან რბილ ლითონად. ამიტომ პროდუქციის წარმოებისას მას სხვა ლითონებიც ემატება.
ყველაზე ხშირად, ვერცხლს ემატება სპილენძი, რომელიც რეაგირებს გოგირდზე მუქი ნადების გაჩენით. ადამიანის ოფლი შეიცავს სულფატებს, რომლებიც წარმოადგენენ გოგირდმჟავას მარილებს. შედეგად, რაც უფრო მეტს ოფლიანობთ, მით უფრო მეტად იჟანგება ვერცხლი თქვენს სხეულზე.
თუმცა, გარკვეულმა ფაქტორებმა შეიძლება დააჩქაროს ვერცხლის დაჟანგვის პროცესი, რაც იწვევს მის უფრო სწრაფად გაშავებას. აი, რამდენიმე მათგანი:
1. სპორტული აქტივობები. რაც უფრო მეტს ვოფლიანობთ ფიზიკური დატვირთვისას, ვერცხლის გაშავება ჩვეულებრივ ამბად იქცევა. ყველაზე ხშირად ეს ემართება ჯაჭვებსა და გულსაკიდებს. ეს რომ არ მოხდეს, უმჯობესია სამკაულები გასახდელში ან სახლში დატოვოთ.
2. სტრესული მდგომარეობა. რადგან ნერვიულობის დროს ოფლიანობა მატულობს, კანზე სულფატების რაოდენობაც იზრდება. შედეგად, სამკაული ძალიან მოკლე დროში შავდება.
3. ტენიანობა. ჰაერის მაღალი ტენიანობა ანელებს ოფლიანობას. ეს ზრდის გოგირდის მარილების რაოდენობას კანზე. სწორედ ამიტომ, ცხელ ქვეყანაში ჩასვლისას, სადაც ნოტიო ჰაერია, ხშირად აღმოვაჩენთ ჩვენი ვერცხლის სამკაულების შეცვლილ იერს. ვერცხლს არ მოსწონს ტენიანობა. ამიტომ, ყველა სამკაული უნდა მოიხსნას საუნაში, საცურაო აუზში ან თუნდაც სააბაზანოში შესვლამდე
კონტაქტი ქიმიურ საშუალებებთან. ვერცხლი ხშირად შავდება საყოფაცხოვრებო ქიმიურ საშუალებებთან და კოსმეტიკურ საშუალებებთან კონტაქტისგან. ეს განსაკუთრებით ეხება სამკურნალო შამპუნებს, ნიღბებსა და საპნებს, რომლებიც შეიცავს გოგირდს. იმისათვის, რომ ვერცხლმა უფრო დიდხანს შეინარჩუნოს ბზინვარება, გაიკეთეთ სამკაულები კოსმეტიკური საშუალებების გამოყენების შემდეგ. სახლის დასუფთავებისას უმჯობესია მოიხსნათ ვერცხლის ბეჭდები ან გაიკეთოთ ხელთათმანები.
5. ღვიძლისა და თირკმელების დაავადებები. ვინაიდან ზოგიერთი დაავადების დროს ოფლის მჟავიანობა იცვლება, ვერცხლის სამკაულმა შეიძლება ძალიან სწრაფად შეიცვალოს ფერი.
6. ჰორმონალური დარღვევები. ჰორმონალური დარღვევების დროს იცვლება ოფლის შემადგენლობაც. ეს, როგორც უკვე ვიცით, აისახება ვერცხლზეც. უპირველეს ყოვლისა, სამკაულების ფერის უეცარი ცვლილების შემთხვევაში უნდა შეამოწმოთ ენდოკრინული სისტემა. გარდა ამისა, ასეთი პროცესების კიდევ ერთი გავრცელებული მიზეზია ორსულობა, ვინაიდან ის ასევე ცვლის ქალის ჰორმონალურ ფონს.
როგორ გავასუფთაოთ ვერცხლი
თუ ვერცხლის ნაკეთობა გაშავდა, მისი პირვანდელი იერის დაბრუნებაში მარტივი საშინაო საშუალებები დაგეხმარებათ.
1. ნიშადურის სპირტი ერთ-ერთი ყველაზე პოპულარული საშუალებაა ვერცხლის გასაწმენდად. აიღეთ 2 სუფრის კოვზი ამიაკი და გახსენით 1 ლიტრ წყალში. შეგიძლიათ დაამატოთ ცოტა წყალბადის ზეჟანგი – ეს გააძლიერებს რეაქციას. ხსნარში მოათავსეთ გაშავებული ვერცხლის ნივთები და დატოვეთ 15 წუთის განმავლობაში. გაწმინდეთ ნივთები ღრუბლით ან რბილი ჯაგრისით.
2. საკვები სოდა ასევე დაგეხმარებათ ვერცხლიდან მუქი ნადების მოცილებაში. აიღეთ 2 ს.კ. სოდა და 2 ჭიქა წყალი, შეურიეთ და დადგით ცეცხლზე. წყალში მოათავსეთ ვერცხლის სამკაულები და ჩვეულებრივი ფოლგის პატარა ნაჭერი. გაიჩერეთ 15 წუთის განმავლობაში და შემდეგ გარეცხეთ სუფთა წყლით.
3. ლიმონმჟავა ისე შეცვლის თქვენს ვერცხლის სამკაულს, რომ ვეღარ იცნობთ. აიღეთ 100 გ ლიმონმჟავა, დაუმატეთ 500 მლ წყალი და მოათავსეთ წყლის აბაზანაზე. ამის შემდეგ, მოათავსეთ ვერცხლი ხსნარში და ზემოდან დაადეთ სპილენძის მავთულის ნაჭერი. ადუღეთ ვერცხლი დაახლოებით ნახევარ საათამდე, ყურადღება გაამახვილეთ მუქი ნადების არსებობაზე. ბოლოს, გარეცხეთ სამკაულები ჩვეულებრივი წყლით.
4. ძმარი – ვერცხლის დასუფთავების ერთ-ერთი ყველაზე მარტივი ვარიანტია. უბრალოდ დაასხით ცოტაოდენი სუფრის ძმარი ქსოვილს და გაწმინდეთ ნაკეთობა.
5. კბილის პასტა გაასუფთავებს ძალიან ძლიერ დაბინძურებულ ვერცხლსაც კი. აიღეთ ჩვეულებრივი კბილის პასტა და ძველი კბილის ჯაგრისი. მსუბუქად დაასველეთ სამკაული და ჯაგრისით წაუსვით კბილის პასტა. არ დაივიწყოთ მცირე დეტალები. კბილის პასტის ნაცვლად შეგიძლიათ გამოიყენოთ კბილის ფხვნილი. გაწმენდის შემდეგ, გარეცხეთ ვერცხლი სუფთა წყლით. შედეგად, ძალიან ძველი, გაშავებული ვერცხლიც კი გაიწმინდება.
გამოიყენეთ ჩვენი რჩევა და თქვენი ვერცხლის სამკაული უფრო დიდხანს გაგახარებთ. მეორე მხრივ, გახსოვდეთ, რომ ზოგიერთ ადამიანს ვერცხლის ნაკეთობები ბევრად უფრო უხდება, ვიდრე ოქროსი.
