მწვანე ლობიო ძალიან დიდი პოპულარობით სარგებლობს, რადგან დიდი რაოდენობით სასარგებლო ნივთიერებებს შეიცავს. მას მიირთმევენ პარკიანად, გაუწმენდავად. ჯერ ხარშავენ ადუღებულ წყალში 4-5 წუთით, მარილთან ერთად(1 ს.კ. მარილი 2 ლ-ზე). ხოლო შემდეგ, ასეთ ლობიოს სხვადასხვა კერძს უმატებენ.

მწვანე ლობიოს მომზადება

რაგუ ლობიოთი

ინგრედიენტები

• 200 გ მწვანე ლობიო
• 300 გ ყაბახი
• 200 გ დაკონსერვებული სიმინდი
• 300 გ პომიდორი
• 100 გ ხახვი
• 5 ს.კ. მზესუმზირის ზეთი
• 2 კბილი ნიორი
• მარილი, პილპილი, ტომატ-პასტა, ნიორი, კაიენური წიწაკა, კამა და ოხრახუში გემოვნებით

1. ჩაასხით ქვაბში 50 მლ წყალი და მოათავსეთ მასში კუბებად დაჭრილი ყაბაზი, პომიდორი და ხახვი.
2. 5 წუთის შემდეგ დაუმატეთ სიმინდი, დაჭრილი ლობიო, ზეთი და თუშეთ კიდევ 5 წუთით.
3. დაუმატეთ ტომატ-პასტა, სანელებლები და 2 მთლიანი კბილი ნიორი. გააგრძელეთ თუშვა კიდევ 5 წუთით და ბოლოს მოაყარეთ მწვანილი.

ლობიო

ინგრედიენტები

• 500 გ მწვანე ლობიო
• 100 გ წითელი ხახვი
• 50 გ ქინძი
• 50 გ რეჰანი
• 30 გ კამა
• 30 გ ბერძნული კაკალი
• 3 კბილი ნიორი
• 3 ს.კ. ზეითუნის ზეთი
• მარილი, პილპილი გემოვნებით

მომზადება

1. დაჭერით ლობიო რამდენიმე ნაჭრად და თუშეთ ტაფაზე, საშუალო ცეცხლზე, 2 ს.კ. ზეთის გამოყენებით.
2. ძალიან წვრილად დაჭერით ხახვი, ნიორი, კაკალი და მწვანილი. 10 წუთის შემდეგ დაუმატეთ ლობიო. ასევე, დაუმატეთ 1 ს.კ. ზეთიც. გააჩერეთ ნელ ცეცხლზე კიდევ 3 წუთით.
3. ბოლოს დაუმატეთ სანელებლები და მოურიეთ. აცადეთ კერძს კიდევ 5 წუთით დაყენება. ცხლად გაიტანეთ სუფრაზე.

ლობიოს სალათი

ინგრედიენტები

• 400 გ მწვანე ლობიო
• 4 კვერცხი
• 2 კბილი ნიორი
• 1 ს.კ. ზეითუნის ზეთი
• 1 ს.კ. არაჟანი
• მარილი, პილპილი გემოვნებით

მომზადება

1. მოხარშეტ კვერცხი და დაასხით ცივი წყალი.
2. აადუღეთ წყალი, მოაყარეთ მარილი გემოვნებით, დაუმატეთ დაჭრილი ლობიო და მოხარშეთ. მზა ლობიო გარეცხეთ საწრეტში გამდინარე წყლით.
3. გაათბეთ ტაფა 1 ს.კ. ზეითუნის ზეთზე და შეწვით მასზე ლობიო 5 წუთით, მუდმივად ურიეთ.
4. გადადეთ შემწვარი ლობიო სასალათეში, დააჭყლიტეთ ნიორი.
5. გაასუფთავეთ კვერცხი, დაჭერით კუბებად და ჩაყარეთ სასალათეში.
6. დაუმატეთ სანელებლები, შეაზავეთ არაჟნით და მოურიეთ.

გემრიელად მიირთვით!