თუ თქვენ ისეთი სასმელების მოყვარული ხართ, როგორიც ყავა და ჩაია, თქვენთვის აუცილებლად ნაცნობი იქნება ”ყვითელი კბილების” პრობლემა. რა თქმა უნდა, არსებობს პროცედურების მთელი რიგი კბილების გასათეთრებლად, რომლებსაც პროფესიონალი სტომატოლოგები გვთავაზობენ, თუმცა როგორ მოვიქცეთ იმ შემთხვევაში, თუ ჩვენი ბიუჯეტი სტომატოლოგთან ვიზიტზე არაა გათვლილი?
დღეს ჩვენ მოგითხრობთ, თუ როგორ უნდა გაითეთროთ კბილები ძალზედ ეფექტურად სახლის პირობებში. იმ ადამიანებისთვის, რომლებსაც აქვთ კბილის ქვები, პაროდონტიზი, კარიესი ან სხვა დაავადებები, ეს პროცედურა აკრძალულია!
საქმე იმაშია, რომ კბილისა და ლიმონმჟავის კონტაქტისას ნადებთან ერთად ემალის თხელი ფენაც ქრება. თუ თქვენი კბილები კარგ მდგომარეობაში არ არის, კბილების გათეთრების ამ მეთოდმა შესაძლოა კიდევ უფრო მეტი პრობლემა შეგიქმნათ.
როგორ გავითეთროთ კბილები სახლის პირობებში
ინგრედიენტები:
- 1 ჩ.კ საკვები სოდა;
- 5 წვეთი ლიმონის წვენი;
მომზადება:
- კარგად აურიეთ სოდა და ლიმონის წვენი ერთმანეთში.
- დაიტანეთ ეს ნარევი კბილებზე, გაიჩერეთ 1 წუთით და შემდეგ გამოივლეთ წყალი პირში.
ეს მეთოდი დაგეხმარებათ ხანმოკლე დროში სასიამოვნო შედეგის მიღებაში, თუმცა გაითვალისწინეთ, რომ გადაჭარბებული სიხშირით ლიმონის წვენისა და სოდის ნარევის გამოყენება დიდ ზიანს მოუტანს თქვენს კბილებს. თუ თქვენ მგრძნობიარე კბილები გაქვთ, ამ შემთხვევაში საერთოდ დაივიწყეთ ლიმონის წვენის შესახებ. უბრალოდ დააყარეთ მცირე რაოდენობით სოდა თქვენს კბილის პასტას.
ვიდეო, რომელშიც დეტალურად შეძლებთ ყველაფრის ხილვას:
მოუფრთხილდით საკუთარ კბილებს! არ დაგავიწყდეთ სტატიის მეგობრებისთვის გაზიარება.
რედაქციისგან:კბილების გათეთრების ბუნებრივი მეთოდები ხშირად პოპულარულია, თუმცა მნიშვნელოვანია მათი უსაფრთხო გამოყენება. კვლევების მიხედვით (Joiner, 2019), სოდისა და ლიმონის მჟავას კომბინაცია აცილებს ზედაპირულ ნადებს, თუმცა მისი ხშირი გამოყენება აჩქარებს მინანქრის ცვეთას, რაც კბილებს უფრო მგრძნობიარეს და მტვრევადს ხდის.
სტომატოლოგები გვირჩევენ, რომ კბილის ემალის დასაცავად უმჯობესია სოდის გამოყენება მხოლოდ მცირე რაოდენობით და არა ყოველდღიურად. ალტერნატიულად, არსებობს ბუნებრივი გათეთრების უფრო ნაკლებად აგრესიული მეთოდები, როგორიცაა კბილების დაბანა ნახშირის შემცველი პასტებით ან ვაშლის ძმრის განზავებული ხსნარით, რაც უფრო უსაფრთხო შედეგს იძლევა (Kwon et al., 2020).
გათეთრების პროცესში მნიშვნელოვანია ზომიერება და პირის ღრუს ჯანმრთელობის პრიორიტეტად დაყენება. თუ კბილები უკვე მგრძნობიარეა, უმჯობესია მიმართოთ უფრო ნეიტრალურ მეთოდებს, როგორიცაა სტომატოლოგიური პროფილაქტიკური წმენდა და შესაბამისი ჰიგიენის დაცვა.
