ბადრიჯანი – ესაა ბოსტნეული, რომელსაც განსაკუთრებული ყურადღება უნდა დაუთმოთ მისი უჩვეულო გემოსა და დიდი რაოდენობით ვიტამინ-მინერალური კომპლექსის შემცველობის გამო. ეს ბოსტნეული შეიცავს ცელულოზას, ხსნარ შაქარს, პექტინს, ცილებს, კალიუმს, კალციუმს, ფოსფორს, რკინას, მაგნიუმს, ნატრიუმს, С, В1, В2, В5, РР ვიტამინებს.

РР ვიტამინის შემცველობის წყალობით, ეს პროდუქტი რეკომენდებულია მათთვის, ვისაც ნიკოტინზე დამოკიდებულების მოშორება სრთ, რადგან ნიკოტინის მჟავა ორგანიზმს ეხმარება ნიკოტინის ნაკლებობის პირობებში, მოწევაზე უარის თქმის დროს. ასევე, ბადრიჯანი შეუცვლელი პროდუქტია გახდომის მსურველთათვის. 100 გ ბადრიჯანი მხოლოდ 28 კკალ-ს შეიცავს.

გატენილი ბადრიჯნის რეცეპტი

ბევრმა იცის, როგორ მოამზადოს გატენილი ბადრიჯანი ღუმელში, ხორციანი შიგთავსით. დღეს კი ჩვენი რედაქცია გთავაზობთ ძალიან უჩვეულო მეთოდს ამ ბოსტნეულის მოსამზადებლად – მანზანებს. გატენილი ბადრიჯანი, ბერძნული რეცეპტით, ერთსულოვანს არავის დატოვებს!

ინგრედიენტები

• 2.5 კგ ბადრიჯანი
• 1 კგ სტაფილო
• 240 გ ნიორი
• 500 გ ხახვი
• 350 გ პომიდორი
• 1 კონა ოხრახუში
• 100 მლ მცენარეული ზეთი
• 2 ს.კ. მარილი
• 2 ს.კ. შაქარი
• 1 ჩ.კ. ძმარი
• 2 ლ წყალი

მომზადება

1. გარეცხეთ ბადრიჯანი და მოაჭერით ყუნწი. შუაგულში გაუკეთეთ ჭრილი და ხარშეთ 5-10 წუთით, ნაყოფის სიდიდის მიხედვით. უმჯობესია, აარჩიოთ მცირე ზომის ბადრიჯანი.

2. გააგრილეთ ცივ წყალში, მოათავსეთ დაფაზე ან საცხობ ფორმაზე რიგებად და დააჭირეთ მეორე დაფა, რომელზეც რამე სიმძიმე უნდა დადოთ. ეს იმისთვის კეთდება, რომ ბადრიჯნიდან ზედმეტი სითხე გამოვიდეს.

3. სანამ ბადრიჯანი სიმძიმის ქვეშაა, მოამზადეთ შიგთავსი. დახეხეთ სტაფილო მსხვილად და თუშეთ გაცხელებულ ზეთში, ძლიერ ცეცხლზე, 5 წუთით. შემდეგ დაუმატეთ კუბებად დაჭრილი ხახვი და პომიდორი, თუშეთ კიდევ 5 წუთით. დაუმატეთ დაჭყლეტილი ნიორი და ოხრახუში და გააჩერეთ შიგთავსი ტაფაში კიდევ 1 წუთით. გააგრილეთ შიგთავსი, მარილი არ სჭირდება.

4. გატენეთ ბადრიჯნები შიგთავსით, მჭიდროდ ჩაალაგეთ ქვაბში ან სათლში.

5. მოამზადეთ მარინადი: აადუღეთ 2 ლ წყალი, დაუმატეთ შაქარი, მარილი და ძმარი. როცა კრისტალები გაიხსნება, მოასხით ბადრიჯანს მარინადი ისე, რომ ბოსტნეული 2 სმ-თი მაღალი იყოს სითხის დონეზე. დაახურეთ თეფში.

6. თეფშზე ზემოდან დადგით მცირე სიმძიმე(1-2კგ), შეგიძლიათ წყლით სავსე ბოთლის გამოყენებაც.

7. 3-7 დღეში გადაალაგეთ ბადრიჯანი ქილებში და მოხუფეთ კაპრონის თავსახურებით. კიდევ 3 დღეში კი უკვე მისი სუფრაზე გატანაც შეგეძლებათ – ეს უკვე გემოვნების საკითხია.

მანზანის შიგთავსი შეიძლება მერყეობდეს ინგრედიენტების მიხედვით: ეს შეიძლება იყოს უბრალოდ სტაფილოთი გატენილი ბადრიჯანი ან იგივე შიგთავსი, მხოლოდ ბულგარული წიწაკის დამატებით.

გემრიელად მიირთვით!