ასეთი ფუმფულა ღვეზელებით ბებია ხშირად მანებივრებდა, ყოველ კვირას აცხობდა. როგორ მიჭირდა ლოდინი, სანამ ცოტათი შეგრილდებოდა… ახლა მე თვითონ ვუმზადებ ასეთ ღვეზელებს ჩემს ახლობლებს, რაც მათ ძალიან ახარებს.
ჩვენი რედაქციის რეცეპტი დაგეხმარებათ და ბავშვობის გემოს გაგახსენებთ!
კეფირიანი ღვეზელები გულსართით
ინგრედიენტები ცომისთვის
- 500 მლ კეფირი
- 1 ჩ.კ. სოდა
- 1 კვერცხი
- 2 ს.კ. ზეთი
- 500-550 გ ფქვილი
- 50 გ კარაქი
- მარილი გემოვნებით
ინგრედიენტები გულსართისთვის (თქვენი გემოვნებით)
- სოსისი ან ლორი ყველით
- მოთუშული სოკო
- მოთუშული კომბოსტო
- კარტოფილის პიურე
- ხაჭო მწვანილით
მომზადება
- კეფირი და სოდა შეურიეთ. დაუმატეთ კვერცხი და ზეთი.
- ფქვილი გაცერით და დაუმატეთ თხევად მასას. მოზილეთ რბილი ცომი. თუ საჭირო იქნება, დაუმატეთ ცოტაოდენი ფქვილი. შესაძლებელია, ცომი ხელებზე ოდნავ მიგეწებოთ. მოაყარეთ ფქვილი, დაახურეთ ტილო და დადგით ამოსაფუებლად 10 წუთით.
- ღვეზელის ცომი დაამრგვალეთ და დაჭერით 8-9 ნაწილად. ნაჭრები გააბრტყელეთ, მოაყარეთ ცოტაოდენი ფქვილი, კვერები ნეკა თითის სისქის უნდა იყოს. ცენტრში მოათავსეთ მომზადებული გულსართი, შეაწებეთ კიდეები, შეკარით და ხელით ცოტათი გააბრტყელეთ. ისევ გააჩერეთ 2-3 წუთით.
- სანამ კვერები ისვენებენ, გააცხელეთ ტაფა, მოასხით ზეთი. შეწვით ღვეზელები ორივე მხრიდან, თავსახურის ქვეშ.
- დაადნეთ კარაქი. თითოეულ მზა ღვეზელს წაუსვით ეს მასა, შეგიძლიათ მოაყაროთ მარილიც. დაალაგეთ დასტად, დაახურეთ პირსახოცი და გააგრილეთ 10-15 წუთით.
უჩვეულოდ გემრიელი, მადისაღმძვრელი და ფუმფულა ღვეზელები მზადაა! სხვათა შორის, მათი მომზადება შიგთავსის გარეშეც შეგიძლიათ, ასევე, თუ ცომს რამდენიმე კოვზ შაქარს მოაყრით, მიიღებთ გემრიელ დესერტს.
ჩვენთვის მნიშვნელოვანია, რომ თქვენ დაუჭირეთ მხარი ჩვენს პროექტს. მოიწონეთ და გაუზიარეთ სტატია მეგობრებს
