ჩასახის საწინააღმდეგო აბები შესანიშნავი გამოგონებაა, თუმცა, მოხერხებულად მოხმარების მიუხედავად, მრავალი უსიამოვნების გამოწვევა შეუძლია. ხანდახან, შესაფერისი პრეპარატის შესარჩევად საჭირო ხდება სერიოზული გამოკვლევების ჩატარება და სხვადასხვა ვარიანტის გამოცდა. გაგაცნობთ რამდენიმე ნიშანს, რომლებიც გაფრთხილებთ, რომ აბები, რომლებსაც თქვენ იღებთ, დიდი ალბათობით, არ გიხდებათ.
1. სისხლდენა
აბების მიღებიდან პირველი რამდენიმე თვის განმავლობაში შეიძლება ადგილი ჰქონდეს სისხლდენას მიღების დროს – ან ინტენსიურ სისხლდენას მიღებებს შორის შესვენების დროს. ეს ნორმალურია და გამოწვეულია ჰორმონალური ფონის გადამუშავების გამო. თუმცა, იმ შემთხვევაში, თუ უკვე აბების მესამე ან მეოთხე შეფუთვას იყენებთ, ეს ნიშნები კი არ გამქრალა, მიმართეთ ექიმს და სთხოვეთ სხვა აბების შეცვლა – როგორც ჩანს, არსებული პრეპარატი თქვენს ორგანიზმს არ უხდება.
2. გულისრევა და კუჭის გაღიზიანება
გარდა იმისა, რომ გულისრევა და ღებინებაც კი, კუჭის გაღიზიანებასთან ერთად, ისედაც მიუღებელია, ამ სიმპტომებს შეუძლია პრეპარატის ეფექტივობის დაქვეითება, რამდენადაც წამალი ვერ ასწრებს მოქმედებას. მიუხედავად იმისა, რომ გულისრევა გავრცელებული გვერდითი მოვლენაა ჩასახვის საწინააღმდეგო აბებისა, თუ რაიმე მსგავსს გრძნობთ, მაინც მიმართეთ ექიმს, რათა ჰორმონების დაბალი დოზის მქონე აბები დაგინიშნონ.
3. მეხსიერებასთან დაკავშირებული პრობლემები
ჰორმონალური კონტრაცეპტივების მიღების კიდევ ერთი შესაძლო გვერდითი მოვლენა – კონცენტრაციის უნარის დაქვეითება, დამახსოვრებისა და ინფორმაციის გადამუშავების სირთულეები. თუ მსგავსი სიმპტომები შენიშნეთ, შეცვალეთ პრეპარატი.
4. ჭარბი წონა
ჰორმონალური კონტრაცეპტივების მიღება არ ნიშნავს იმას, რომ წონას აუცილებლად მოიმატებთ – ეს მოძველებული მითია, რომელიც ძველი თაობის პრეპარატებმა წარმოქმნა. თანამედროვე აბები არ იწვევს წონაში სერიოზულ მატებას – მაქსიმუმ 2.5 კგ. ყველაფერი, რაც ამ ნორმის ზემოთ გემატებათ, ექიმთან მიმართვისა და აბების შეცვლის საბაბია.
და თუ თქვენი გინეკოლოგი ამტკიცებს, რომ “ჰორმონებისგან” გასუქება ნორმალურია, არამხოლოდ აბები, ექიმიც უნდა შეცვალოთ.
5. ცვალებადი ხასიათი
სწორად შერჩეული ჰორმონალური კონტრაცეპტივები ამცირებს ან საერთოდ ხსნის პმს-ს სიმპტომებს, მათ შორის, ამ დღეებში ემოციურ არასტაბილურობასაც. თუ პირიქით, უფრო ემოციური და გაღიზიანებადი ხდებით, თუ აღგენიშნებათ განწყობის აუხსნელი ცვლილებები, შესაძლოა, აბები არ გიხდებათ.
6. თავის ტკივილები
ძლიერი ან ხანგრძლივი(ან ძლიერი და ხანგრძლივი) თავის ტკივილები, შაკიკი – ეს ისაა, რის გამოც ექიმს უნდა მიმართოთ აბების შესაცვლელად. თუ აქამდეც გაწუხებდათ შაკიკი, შეუფერებელი კონტრაცეპტივები აუარესებს მათ – თუ ეს მოხდა, სასწრაფოდ მოეშვით ტაბლეტებს. არ მოითმინოთ თავის ტკივილები, რადგან ეს ნამდვილად საშიში შეიძლება იყოს.
7. ქრონიკული კანდიდოზი
კიდევ ერთი უსიამოვნო გვერდითი მოვლენა შეუფერებელი აბებისგან – ქრონიკული საფუარა ინფექციები, მაგალითად, კანდიდოზი. თუ ეს თქვენი შემთხვევაა, დაუყოვნებლივ თვით უარი კონტრაცეპტივებზე და სთხოვეთ ექიმს სხვა პრეპარატის შერჩევა.
