ჩვენმა რედაქციამ მოგიმზადათ საფუვრიანი ფუნთუშების გასაოცარი რეცეპტი. ფუნთუშები ფუმფულა და ჰაეროვანი გამოდის, მადისაღმძვრელი ქერქით. ეს რეცეპტი მაშინ გამოგადგებათ, როცა სახლში დიდ დროს ატარებთ და მაღაზიაში გასვლა არ გინდათ.

თავად ცომს შიგთავსი არ აქვს, ამიტომ შეგიძლიათ მას ნებისმიერი ტკბილეული ან ცხელი სასმელი მოუხდინოთ, მათ შორის, ჩაი ან ყავა. თუმცა, ფუნთუშით კლასიკური ბუტერბროდიც გემრიელი გამოვა.

საფუვრიანი ფუნთუშების რეცეპტი

ინგრედიენტები

• 21 გ საფუარი
• 1 ს.კ. ზეთი ან კარაქი
• 1 ჩ.კ. მარილი
• 550 გ ფქვილი
• 400 მლ წყალი

მომზადება

1. ოთახის ტემპერატურის წყალი ჩაასხით დიდ თასსი. დაუმატეთ საფუარი, მარილი და კარგად მოურიეთ, გახსნამდე.
2. გაცრილი ფქვილი თანდათან ჩაყარეთ თასში და მოზილეთ ცომი. ორიენტირდით შემდეგნაირად: როცა ჩანგლით მოზელა გაგიჭირდებათ, საქმეს ხელებით შეუდექით.
3. ხელით მოზელამდე, დაუმატეთ ზეთი ან კარაქი. ასე პროცესი უფრო დაჩქარდება. თუ ცომი ძალიან წებოვანია, დაუმატეთ ფქვილი. ცომის მოზელის პროცესი არანაკლებ 7 წუთს უნდა გაგრძელდეს.
4. მოაყარეთ ფქვილი თასის ფსკერს, ჩადეთ მასში ცომი. გააჩერეთ ასე 30 წუთით, შემდეგ ისევ ჩაზილეთ. ისევ მოაყარეთ თასს ფქვილი და გააჩერეთ ცომი კიდევ 40 წუთით.
5. მეორედ ბოლომდე ჯერ არაფუებული ცომისგან გააკეთეთ ძელაკი და დაყავით 2 თანაბარ ნაწილად, თითოეული კიდევ 4 ნაწილად. საბოლოო ჯამში, უნდა მიიღოთ 8 ნაჭერი, რომლებიც მრგვალ კვერებად უნდა დააკრათ. თითოეულ მათგანზე გააკეთეთ რამდენიმე ჭრილი და წაუსვით წყალი, რომ არ მიიწვას.
6. აიღეთ პატარა თასი, ჩაასხით მასში წყალი და მოათავსეთ ღუმელის ფსკერზე. ეს იმისთვის, რომ ფუნთუშებს “ორთქლის აბაზანა” შეუქმნათ.
7. მოამზადეთ ფუნთუშები ღუმელში 220 გრადუს ტემპერატურაზე, 1 საათის მანძილზე. გააგრილეთ და მიირთვით თბილი (არა ცხელი).

მიღებული ჰაეროვანი ფუნთუშები გემოთი მაღაზიის ანალოგებს სჯობს კიდევაც.

გემრიელად მიირთვით!