ლაბას („ხალადეცი“) მომზადება საკმაოდ ხანგრძლივი და შრომატევადი პროცესია, თან მისთვის ხორცის ყიდვა დიდად არც გვსურს. ამ შემთხვევაში ზარმაცი ლაბას რეცეპტი გიშველით, რომელსაც დღეს „პაპარაცი“ გთავაზობთ.
მინიმალური რაოდენობის ინგრედიენტებით ზუსტად 1 კგ ლაბა გამოგივათ, რაც კერძს ძალიან ბიუჯეტურს ხდის. მის მოსამზადებლად თქვენ დაგჭირდებათ ქათმის ბარკალი და ცოტა ბოსტნეული.
ინგრედიენტები:
- 1 ქათმის ბარკალი
- 1 სტაფილო
- 20 გრ ჟელატინი
- 0,5 ხახვი
- 4-5 კბილი ნიორი
- შავი წიწაკის მარცვლები გემოვნებით
- დაფნის ფოთოლი გემოვნებით
- მარილი გემოვნებით
მომზადება:
- ქათმის ბარკლები ქვაბში მოათავსეთ, ზუსტად 1 ლ წყალი ჩაასხით და ადუღებამდე მიიყვანეთ.
- ამ დროში ბოსტნეული მოამზადეთ: ხახვი და სტაფილო მსხვილ ნაჭრებად დაჭერით, ხოლო 2-3 კბილი ნიორი შუაზე გაჭერით.
- როცა ხორცი ადუღდება, ქაფი მოხადეთ და წყალში ბოსტნეული და სანელებლები ჩაამატეთ. თავსახური დაახურეთ და ხორცი სუსტ ცეცხლზე ზუსტად 1,5 საათით ხარშეთ.
- ჟელატინს ნახევარი ჭიქა ცივი წყალი დაასხით და გასასივებლად გააჩერეთ.
- როცა ხორცი მოიხარშება, გამოიღეთ და გააგრილეთ. ბარკლებს ძვალი მოაშორეთ და ხორცი დაჩილეთ.
- ბულიონი გადაწურეთ და დასველებულ ჟელატინთან ერთად ქვაბში ჩაასხით. ცეცხლზე დადგით და ჟელატინის გახსნამდე გააცხელეთ. ბულიონი დაამარილეთ. 2 კბილი დაპრესილი ნიორი დაუმატეთ.
- ხორცი თეფშებზე გადაანაწილეთ და ბულიონი დაასხით. გააგრილეთ, შემდეგ მაცივარში გასამაგრებლად შეინახეთ.
ზარმაცი ქათმის წასახემსებლი გემოთი ნამდვილ ლაბას არაფრით ჩამორჩება, თან სწრაფად და მარტივად მზადდება. კერძი მხედველობაში იქონიეთ და რეცეპტი მეგობრებს სოციალურ ქსელში გაუზიარეთ.
