თითქმის ნებისმიერ სამზარეულოში ნიჟარის გვერდით ჭურჭლის სარეცხი საშუალება დევს. ჩვენ მას ვიყენებთ სხვადასხვა შემთხვევაში: იატაკის საწმენდად, ტანსაცმლიდან ცხიმის ლაქების მოსაშორებლად და ა.შ. ასეთი უსაფრთხოა პოპულარული ქაფიანი სითხე? დღეს „პაპარაცი“ გიამბობთ, თუ რისი გარეცხვა არ შეიძლება ჭურჭლის სარეცხი საშუალებით.
ადრე ამ თხევად საშუალებას მეც სხვა მიზნით ვიყენებდი. დროთა განმავლობაში შევამჩნიე, რომ ზოგიერთი ნივთი გაცვდა. მათ დასაცავად სარეცხი საშუალებების არჩევაში უფრო ფრთხილი გავხდი და შევადგინე იმის სია, რაც ჭურჭლის თხევადმა საშუალებამ შეიძლება დააზიანოს.
ჭურჭლის სარეცხი საშუალება ყოველდღიურ ცხოვრებაში
1. ყავის მადუღარა
გეიზერის ყავის მადუღარას მფლობელები მისი სისუფთავის შენარჩუნებას ცდილობენ, მაგრამ საპნიანი სითხით მოწყობილობის გარეცხვამ შეიძლება ყავის გემო გააუარესოს. საშუალების მცირე ნაწილაკები ყავის მადუღარას კედლებზე მაინც რჩება. ყავა რომ მდიდარი და არომატული იყოს, საკმარისია მოწყობილობა ცხელი წყლით გარეცხოთ.
2. ჭურჭლის სარეცხი მანქანა
იმის მიუხედავად, რომ მიზანი ერთია, ჭურჭლის სარეცხი საშუალების ჩასხმა ჭურჭლის სარეცხ მანქანაში არ შეიძლება. ამისთვის არსებობს სპეციალური ტაბლეტები, რომლის შეცვლაც სითხეს არ შეუძლია. მისი შემადგენლობა განსხვავდება და ფუნქციაც განსხვავებული აქვს.
ჭურჭლის სარეცხი საშუალება ძალიან ძლიერ ქაფდება, რამაც შეიძლება მანქანა დააზიანოს, ცალკეულ შემთხვევაში კი დატბორვა გამოიწვიოს. თუ აღმოაჩინეთ, რომ ტაბლეტები გაგითავდათ, სჯობს ჭურჭელი ხელით გარეცხოთ.
3. სარეცხი მანქანა
თხევადი საპონი ჭურჭლის სარეცხი მანქანის მსგავსად თეთრეულის სარეცხ მანქანასაც აზიანებს. შედეგები ანალოგიური იქნება. ბევრი ქაფი და ტექნიკის შესაძლო დაზიანება ასეთ ექსპერიმენტად ნამდვილად არ ღირს. ლაქების ამოყვანაზე შეჩერდით, ამ ამოცანას კარგად გაუმკლავდება. რეცხვისთვის კი ფხვნილი გამოიყენეთ.
4. თუჯის ტაფები
გემრიელი კერძების მომზადების შემდეგ ტაფები კარგად უნდა გაწმინდოთ, მაგრამ ამისთვის სარეცხი სითხის გამოყენება არ ღირს. ეს არც თუ ისე კარგი იდეაა. რეგულარული გამოყენებისას საშუალება ტაფას დამცავ ფენას აშორებს. მის გარეშე ჭურჭელი უსარგებლო გახდება.
თუ არ იცით, როგორ გარეცხოთ ტაფა სწორად, მარილი და ზეთი გამოიყენეთ. ჯერ ცხელ წყალში ჩაალბეთ და რბილი ჯაგრისით გაწმინდეთ. შემდეგ მარილის და წყლის პასტით გაწმინდეთ, რომ საკვების ნარჩენები სრულად მოაშოროთ. ტაფა გააშრეთ, შემდეგ მზესუმზირას ზეთის თხელი ფენა წაუსვით და წყალი გაავლეთ.
5. ავტომობილი
ჭურჭლის სარეცხი საშუალებით მანქანის გარეცხვაც რეკომენდებული არაა. უკვე პირველი პროცედურის შემდეგ ავტომობილის საღებავი უფრო ფერმკრთალი ხდება. რამდენიმე ასეთი რეცხვის შემდეგ თავის „ბზინვარებას“ საერთოდ დაკარგავს. სხვა საქმეა, თუ საპნით ბორბლებს გარეცხავთ. ასე რეცხვაზე დროს დაზოგავთ, შედეგი კი არაფრით ცუდი არ იქნება.
6. სახე
ინტერნეტში სახის კანის მოვლის შესახებ ძალიან ბევრ რჩევას იპოვით. ზოგიერთი საკმაოდ უცნაური, ზოგჯერ სახიფათოა. მაგალითად, იმისთვის, რომ გამონაყარი მოიშოროთ და კანი ნაკლებად ცხიმიანი გახადოთ, ჭურჭლის სარეცხი თხევადი საშუალებით უნდა დაიბანოთ. ამის გაკეთება არ ღირს! აგრესიული საშუალება კანს ძლიერ აზიანებს. ის იწვევს ალერგიას, სიმშრალეს და სიწითლეს. უბრალოდ ყურადღება ხელებს მიაქციეთ, როცა ჭურჭელს ხელთათმანების გარეშე რეცხავთ და ყველაფერს მიხვდებით.
რატომ არ შეიძლება ჭურჭლის სარეცხი საშუალებების არევა
ზოგიერთ დიასახლისს ექსპერიმენტების ჩატარება და ხელთ არსებული საშუალებებიდან ძლიერი ნარევის მომზადება უყვარს. ამრიგად ისინი ცდილობენ უნივერსალური სითხის შექმნას ნებისმიერი ჭუჭყის მოსაშორებლად. თუ მსგავსი ქიმიური კვლევის ჩატარებას აპირებთ, საკუთარ უსაფრთხოებაზე კარგად დაფიქრდით. ტოქსიკურმა აორთქლებამ შეიძლება ძლიერ დაგაზიანოთ. აი, ახალი საშუალება უკეთესი ნაკლებად იქნება.
წარმოსახვით დაზოგვას ხშირად ორმაგ ხარჯამდე მივყავართ. სანამ მორიგ სარეცხ საშუალებას არა დანიშნულებით გამოიყენებთ, ყველაფერი კარგად აწონდაწონეთ. შესაძლოა, ეს არც თუ ისე კარგი იდეაა.
