სსრკ–ს სილამაზის ინდუსტრიამ განვითარების გრძელი გზა გაიარა, დაწყებული მე-19 საუკუნის ბოლოდან. ახლა კოსმეტიკის წარმოებამ ახალ დონეს მიაღწია და სრულყოფილებას აგრძელებს. მაღაზიებში დღემდე შეიძლება შეგხვდეთ საბჭოთა კოსმეტიკის იშვიათი ნიმუშები.
„პაპარაცმა“ იმის გარკვევა გადაწყვიტა, თუ რით შეუძლია თანამედროვე სილამაზის ბაზარს ჩვენი გაოცება. დღეს ყველაზე საინტერესო საბჭოურ კოსმეტიკაზე გიამბობთ, რომლის წარმოებაც გრძელდება. გარდა ამისა, თქვენ გელოდებათ მოკლე ექსკურსია სსრკ–ს კოსმეტიკის ისტორიაში.
კოსმეტიკის წარმოება
სსრკ–ში კოსმეტიკის წარმოება ორ მოსკოვურ ქარხანაში – „სვობოდა“ და „ნოვაია ზარი“ ხდებოდა. გასაკვირია, მაგრამ „სვობოდა“ ჯერ კიდევ ფუნქციონირებს, როგორც კოსმეტიკური ასოციაცია. უფრო მეტიც, მან რამდენიმე საბჭოური რეცეპტი შეინარჩუნა. სწორედ ამიტომ, კრემებს, ტონალურ საფუძველს და სხვა კოსმეტიკურ საშუალებებს დღემდე აწარმოებს.
30-იან წლებში გამოჩნდა „ტრესტი ეთერზეთ–ცხიმოვანი ესენცია“, ცნობილი, როგორც „ტეჟე“. ტრესტი აწარმოებდა ჰიგიენის საშუალებებს, სუნამოებს და სხვადასხვა კოსმეტიკურ საშუალებებს. საქონელი საკმარისი იყო და იაფიც ღირდა. ეს ყველაფერი კეთდებოდა იმისთვის, რომ მამაკაცებისთვის ჭკუა ესწავლებინათ და ქალებს საკუთარ თავზე ეზრუნათ. 50-60-იან წლებში უფრო მეტი ქარხანა გაიხსნა, მაგრამ ამავდროულად დეკორატიულ კოსმეტიკაზე დეფიციტი გაიზარდა.
კოსმეტიკა „ელენა“
1977 წელს მოსკოვის ქარხანამ „რასვეტი“ კოსმეტიკა „ელენას“ წარმოება დაიწყო. იმ დღიდან 40-ზე მეტი წელი გავიდა, თუმცა დეკორატიული კოსმეტიკის ბრენდი ჯერ კიდევ არსებობს. გაყიდვაში შეხვდებით როგორც საბჭოური საშუალებების განახლებულ ვარიანტებს, ასევე ახალ კოსმეტიკას. აღსანიშნავია, რომ „ელენა“ ბიუჯეტურ სეგმენტს მიეკუთვნება. მოდით ვნახოთ, რას გვთავაზობს ეს ფირმა.
1. შემნიღბავი ფანქარი. თანამედროვე სილამაზის სამყაროში მსგავს საშუალებას კონსილერს უწოდებენ. მწარმოებლები პირობას დებენ, რომ ფანქარი „ელენა“ კანის პატარა ნაკლოვანებებს დაფარავს. გარდა ამისა, ის ანთების საწინააღმდეგო და გამოსაშრობ კომპონენტებს შეიცავს. შემადგენლობაში შედის ვაზელინის ზეთი, პარაფინი, ფუტკრის და კარნაუბის ცვილი. თავისი ტექსტურით ცხიმოვანია და საქმეში დეფექტებს სუსტად ფარავს.
2. კომპაქტური პუდრი. საშუალება შეიცავს მიკრონაწილებს, რომლებიც სახეზე წვრილ ნაოჭებს ფარავს. გარდა ამისა, კანს ბუნებრივ სიგლუვეს და ხავერდოვნებას ანიჭებს. პუდრასთან ერთად კომპლექტშია ბუმბულა (პუდრის წასასმელი), მაგრამ ჩვენ მის გამოყენებას არ გირჩევთ, რადგან წასმული ფენა ზედმეტად მკვრივი იქნება. ამ მიზნით სჯობს ფუნჯი გამოიყენოთ. ამასთან ფრთხილად იყავით, რომ პუდრა ძლიერ არ დაიშალოს.
3. ჩრდილები. ალბათ, ერთ–ერთი ყველაზე პოპულარული კოსმეტიკური ნივთია სსრკ–ში. შესაძლოა, განახლებული ვერსია მოგეწონოთ. პირველ რიგში, სატინის ჩრდილები საკმაოდ რბილია და თვალში კარგად იშლება. მეორეც, არ იფშვნება და საშუალო პიგმენტაცია აქვს. ზოგიერთ შეფერილობას ლაკონური ოქროსფერი შიმერი დაჰყვება.
4. ტუში 3–1–ში. პროდუქტი შეიცავს E, F ვიტამინებს და პანთენოლს. გამოდგება მგრძნობიარე თვალისთვის. მწარმოებლები გპირდებიან, რომ ტუში წამწამებს სიგრძეს და მოცულობას შემატებს, ასევე გაზრდილი წამწამების ეფექტს შექმნის. საქმეში ტუში წამწამებს მხოლოდ აგრძელებს და იდეალურია ყოველდღიური გამოყენებისთვის. კრემისებრი მასის გამო ტუში წამწამებს ამძიმებს და მათ ქვემოთ წევს.
5. მარგალიტისფერი ბზინვარე ტუჩსაცხი – გასული საუკუნის კლასიკა. პროდუქტს სასიამოვნო სუნი აქვს და საკმაოდ რთულად ისმება. შეფუთვაზე მითითებული ფერი რეალური ფერისგან განსხვავდება. ისე ბევრად უფრო გამჭვირვალეა. გარდა ამისა, სასიამოვნოა, ტუჩზე ცხიმოვანი ფირი არ იგრძნობა.
6. ტუჩსაცხები. ამ სეგმენტში უფრო პრიალა და უფრო გლუვი ვარიანტები გვხვდება. ზოგიერთი მკვრივი და გაჯერებული, ზოგი კი უბრალოდ გამჭვირვალეა. მეორე იმდენად მსუბუქად ისმევა, რომ საბოლოოდ ტუჩზე ბალზამივით იგრძნობა.
ტონალური კრემი „ბალეტი“
საბჭოურ ტონალურ კრემ „ბალეტზე“ ლეგენდები დადის. კოსმეტიკური პროდუქტი განახლებული ვერსიით უკვე დიდი ხანია იყიდება და პოპულარობით სარგებლობს. მართალია, სულ უფრო და უფრო მეტი ქალი მის მოხმარებაზე უარს აცხადებს. გთავაზობთ საინტერესო ვიდეოს სილამაზის ბლოგერისგან:
სხვათა შორის, კოსმეტიკურმა ქარხანამ „სვობოდა“ არა მხოლოდ ტონალური საშუალების თავიდან გამოშვება დაიწყო. ახლა გაყიდვაშია განახლებული ვერსია, ოღონდ ბბ კრემის სახით. მას უფრო მსუბუქი ტექსტურა აქვს და სახეზე მსუბუქ სატინის დასასრულს ქმნის. აღსანიშნავია, რომ ბბ კრემი „ბალეტი“ ბევრ ლამაზმანს მოეწონა.
წამწამების და წარბების ლეგენდარული ტუში
საკულტო საშუალების შეძენას დღესაც შეძლებთ. ის სულ რაღაც თეთრები ღირს. აი, რამდენად კარგია, თავად გადაწყვიტეთ.
როგორც ხედავთ, კოსმეტიკის წარმოება ერთ ადგილზე არ დგას. თანამედროვე სილამაზის ბაზარი სავსეა სხვადასხვა ნივთებით მთელი მსოფლიოდან. თუმცა საბჭოური კოსმეტიკა საკუთარ თავს ჯერ კიდევ გვახსენებს.
საინტერესოა, ამ სიიდან რომელიმე გამოყენებული თუ გაქვთ? თქვენი შთაბეჭდილებები კომენტარებში აუცილებლად გაგვიზიარეთ.
