სექტემბრის პირველი ნახევარი საუკეთესო პერიოდია ქლიავის დასაკონსერვებლად. სწორედ ამიტომ, დღეს მე გასწავლით ქლიავის პიკანტური მწნილის მომზადებას. დარწმუნებული ვარ, ეს დასაყოლებელი მთელ ძალისხმევას რამდენჯერმე გაამართლებს. ამ ყველაფერს კი, არც მეტი, არც ნაკლები, 30 წუთი დასჭირდება.
ამ სტატიაში ჩვენი რედაქცია გაგიზიარებთ ქლიავის პიკანტური დასაყოლებლის რეცეპტს, რომელიც მთელ ოჯახსა და სტუმრებს უჩვეულო გემოვნური ნოტებითა და არომატით გაახალისებს ზამთრის ცივ დღეებში.
ინგრედიენტები:
- 2.4 კგ ქლიავი
- 1.5 ლ წყალი
- 0.5 ჩ.კ. დარიჩინი
- 600 გ შაქარი
- 8 ც დაფნის ფოთოლი
- 150 მლ ვაშლის ძმარი
- 16 ც მიხაკი
- 8 ქილა (0.5 ლ)
მომზადება
1. დასაწყისისთვის, გაასტერილეთ ქილები: ჩაასხით მასში მაგარი მდუღარე წყალი, 5 წუთში კი გადაღვარეთ. სულ ესაა.
ამ კერძისთვის უნდა აიღოთ ქლიავის პატარა სახეობა. გარეცხეთ ხილი, გააშრეთ და ჩაალაგეთ ქილებში.
2. დაასხით ქილებში ქლიავს მაგარი მდუღარე წყალი პირთამდე, დაახურეთ თავსახურები, რომლებიც ასევე წინასწარ უნდა გაასტერილოთ. მდუღარე წყალში ხილი 20 წუთით უნდა გააჩეროთ.
3. მარინადის მოსამზადებლად, ქვაბში ჩაასხით 1.5 ლ წყალი, ჩაყარეთ მთელი შაქარი და დარიჩინი. კარგად მოურიეთ და გააჩერეთ ქურაზე ადუღებამდე. როცა მარინადი ადუღდება, ჩაასხით ვაშლის ძმარი და მოურიეთ.
4. გადაღვარეთ ქლიავის წყალი – იგი მეტად არ დაგჭირდებათ. თითოეულ ქილაში ჩაალაგეთ თითო ფოთოლი და 2-2 ც მიხაკი. დაასხით ცხელი მარინადი.
5. მოხუფეთ ქილები, გადააბრუნეთ და შეახვიეთ საბანში. 2-3 კვირაში მწნილი უკვე შეიჭმება. გემრიელად მიირთვით!
ახლა უკვე იცით, როგორ მოამზადოთ ქლიავი ზამთრისთვის. სხვათა შორის, ამავე რეცეპტით შეგიძლიათ ალუბლის დაკონსერვებაც. საცდელად მე 4 ქილა მოვამზადე. ზამთარში გავხსნი, დავაგემოვნებ და შთაბეჭდილებებს თქვენც გაგიზიარებთ.
