პირველად ღვეზელები 7 წლის ასაკში ბებიის მკაცრი ხელმძღვანელობით დავაცხვე. რა თქმა უნდა, ცომის მოზელვაშიც დამეხმარა და ღუმელიც ჩამირთო, მაგრამ შიგთავსი და ფორმა თავად გავაკეთე. საკონდიტრო საქმის დეტალები სწორედ ბებიამ მასწავლა. მის გარეშე ვერასდროს მოვიფიქრებდი, თუ რა უნდა წავუსვა ღვეზელებს სიპრიალისთვის.
როგორც ბებია ამბობდა, ღვეზელის ცომი პრეტენზიულია. შეიძლება ყოველგვარი მოსასხმელის გარეშე ფაიფურივით ანათებს. ზოგჯერ ქერქი იმდენად მოსაწყენია, რომ ტირილი მოგინდება. სწორედ ამიტომ, ბებია ოქროსფერი ქერქის მისაღებად ცომზე ზემოდან წასმას მირჩევდა.
რა წავუსვათ ცომს, რომ გემრიელი ქერქი მივიღოთ
ადრე საფუარის ცომს კვერცხის გულის და რძის ნარევს ვუსვამდი. ასეთი ნარევისგან ქერქი საკმაოდ ბზინვარე გამოდიოდა, მაგრამ მცირე ხნით. შემდეგ ექსპერიმენტების ჩატარება დავიწყე და ღვეზელებზე წასასმელად იდეალური ვარიანტი ვიპოვე.
მის მომზადებას ასე შეძლებთ: ფიალაში კვერცხის გული, 1 ს/კ არაჟანი და 1 ს/კ მცენარეული ზეთი აურიეთ. ნარევი თეთრი გამოვა, მაგრამ არ შეგეშინდეთ. მზადების პროცესში გამჭვირვალე გახდება.
სამზარეულოს ფუნჯით ნარევი ღვეზელებს ან ფუნთუშებს წაუსვით და იმწამსვე ღუმელში მოათავსეთ. დანიშნული დროის შემდეგ ნაწარმი შებრაწული და პრიალა, ქერქი კი ოქროსფერი გახდება. საკონდიტრო ნაწარმი სიპრიალეს რამდენიმე დღე შეინარჩუნებს.
თუ ცომეული ტკბილი არაა, მოსასხმელ ნარევს მწიკვი ხმელი ნიორი, მარილი და ცოტა დაფქული წიწაკა დაუმატეთ. ასეთი დანამატით ცომეული მხოლოდ მოიგებს.
რა წავუსვათ ტკბილ ცომეულს
გსურთ თქვენი ტკბილი ღვეზელი გამოცხობის შემდეგ პრიალებდეს? ჯერ კიდევ ცხელ ღვეზელებს არყის და თაფლის (1:1) ნარევი წაუსვით. ერთ პორცია ღვეზელზე 1 ჩ/კ არაყსა და 1 ჩ/კ თხევადი თაფლის ნარევს ვიყენებ.
არ შეგეშინდეთ, არყის სუნი სწრაფად გაქრება. ქერქზე მხოლოდ თაფლის თხელი გარსი დარჩება, რომელიც ღვეზელს დამატებით ბზინვარებას შემატებს. მერწმუნეთ, ასეთი ღვეზელის წინაშე ცდუნებას ვერ გაუძლებთ.
დღემდე არ იცით, რა წაუსვათ ცომეულ ნაწარმს? სინამდვილეში, ფუნთუშებს ბზინვარებას ჩაიც კი მიანიჭებს. ოღონდ მაგარი ნაყენი უნდა გამოიყენოთ. ლამაზი, შინაურული საკონდიტრო ნაწარმი ნებისმიერი დიასახლისის სიამაყეა! თუ რეცეპტი მოგეწონათ, მეგობრებს სოციალურ ქსელში აუცილებლად გაუზიარეთ.
